Liderlər Azərbaycan Prezidenti haqqında…

Bakı:

11 °C

82 %

8 m/s

Əlaqə

AZ RU EN

Ana səhifə / Xəbər lenti / Liderlər Azərbaycan Prezidenti haqqında…

Liderlər Azərbaycan Prezidenti haqqında…

23.12.2023 [17:22]

Türkiyə Respublikasının Prezidenti Rəcəb Tayyib Ərdoğan:

“Azərbaycan bu gün beynəlxalq aləmdə nüfuzlu bir mövqeyə sahibdir. Siyasi və iqtisadi sahələrdə mühüm irəliləyişlərə nail olan Azərbaycanın bugünkü uğurlarında ən böyük pay, şübhəsiz ki, hörmətli cənab Prezident, əziz qardaşım İlham Əliyevə məxsusdur”.

Çin Xalq Respublikasının Prezidenti Si Cinpin:

“Cənab Prezident, Siz Çin xalqının çoxdankı dostusunuz, Çin-Azərbaycan münasibətlərinin və bütün sahələrdə əməkdaşlığın inkişafı üçün şəxsən daim səy göstərirsiniz. Mən bunu yüksək qiymətləndirirəm və Sizinlə sıx əlaqə saxlamağa, ikitərəfli münasibətləri birlikdə sağlam məcrada inkişaf etdirməyə hazıram. Çin Kommunist Partiyası da Yeni Azərbaycan Partiyası ilə əlaqələri fəallaşdırmağa, dövlət idarəçiliyi təcrübəsini mübadilə etməyə, iki ölkə arasında qarşılıqlı etimadı möhkəmlətməyə hazırdır”.

Rusiya Federasiyasının Prezidenti Vladimir Putin:

“İlham Əliyev Azərbaycanın sosial-iqtisadi inkişafı üçün çox işlər görən təcrübəli və uzaqgörən dövlət xadimi kimi haqlı olaraq həmvətənlərinin səmimi hörmətini qazanıb və beynəlxalq aləmdə yüksək nüfuza sahibdir”.

Qazaxıstan Respublikasının Prezidenti Kasım-Jomart Tokayev:

“İlham Əliyev Vətənə fədakar xidməti sayəsində haqlı olaraq həmvətənlərinin səmimi hörmətini və beynəlxalq aləmin böyük nüfuzunu qazanıb. Azərbaycan Onun müdrik rəhbərliyi ilə uğurlu sosial-iqtisadi inkişaf yolu keçib. Bu gün ölkənin davamlı inkişafına, xalqın rifahının daha da yüksəldilməsinə yönəlmiş mühüm dəyişikliklər həyata keçirilir”.

Özbəkistan Respublikasının Prezidenti Şavkat Mirziyoyev:

“Biz haqlı olaraq möhtərəm İlham Əliyevi atasının başladığı böyük işlərin layiqli davamçısı, ölkəsində və beynəlxalq aləmdə böyük nüfuza malik təcrübəli siyasi xadim, Özbəkistanın ən yaxın dostu hesab edirik. Azərbaycan Respublikasının daxili və xarici siyasətində əldə edilən bütün nailiyyətlərin məhz cənab İlham Əliyevin adı və uzaqgörən müdrik siyasəti ilə bağlı olduğunu və həqiqətən dünya miqyasında tanındığını xüsusi vurğulamaq istəyirəm”.

Belarus Respublikasının Prezidenti Aleksandr Lukaşenko:

“Hörmətli İlham Heydər oğlunun rəhbərliyi ilə Azərbaycanın hərtərəfli nailiyyətlərinə - cəmiyyətin rifahının yüksəlməsinə və iqtisadiyyatın dinamik inkişafına, dövlətçiliyinin və dünyada nüfuzunun möhkəmlənməsinə görə ürəkdən sevinirəm”.

Macarıstanın baş naziri Viktor Orban:

“Mən son on ildə Prezident Əliyevdən o qədər çox şey öyrənmişəm ki, olduqca mürəkkəb mühitdə ölkəyə necə yaxşı rəhbərlik etmək lazımdır. Əfsuslar olsun ki, onun bütün bildiklərini öyrənə bilmədim. Çünki biz radikal tərəfə meyilliyik və o, daha mülayim baxışları ilə tanınan siyasi xadimdir. Mən ondan beynəlxalq arenada mülayim şəkildə necə daha da uğurlu olmağı öyrənməliyəm”.

Serbiya prezidenti Aleksandar Vuçiç:

“Həqiqətən də çox xoşbəxtəm ki, Prezident Əliyevdən bu qədər şey öyrənə bilmişəm. Bildiyiniz kimi, mən nə yerli, nə də beynəlxalq ictimaiyyət qarşısında bu cür sözləri deməkdən çəkinmirəm. Dünyada bir çoxları bilir ki, mən kimisə həddindən artıq tərifləməyi xoşlayan biri deyiləm. Mən bizim ikimizdən daha böyük və güclü olduğunu düşünənləri belə tərifləmirəm”

Mübariz

Paylaş:

Baxılıb: 395 dəfə