Qondarma Arsaxın əvvəli - sonu deyilən bir tarix yoxdur, İlham Əliyevin yazdığı real tarix var....

Bakı:

26 °C

83 %

4 m/s

AZ RU EN

Ana səhifə / Xəbər lenti / Qondarma Arsaxın əvvəli - sonu deyilən bir tarix yoxdur, İlham Əliyevin yazdığı real tarix var....

Qondarma Arsaxın əvvəli - sonu deyilən bir tarix yoxdur, İlham Əliyevin yazdığı real tarix var....

24.12.2023 [12:27]

“Bizim üçün qondarma Arsax deyilən qurumun əvvəli və sonu deyilən bir tarix yoxdur, olmayıb, olmayacaq. İlham Əliyevin yazdığı real və faktioloji tarix var.”

Bu fikirləri “Bakı xəbər” qəzetinin baş redaktoru Aydın Quliyev özünün Facebook səhifəsində yazıb. yeniazerbaycan.com paylaşımı təqdim edir:

“Ermənistan tarixçilərinin və analitiklərinin nəzərində qondarma Arsaxın əvvəli və sonu adlandırdıqları uydurma faktların başqa məzmunu var,ola bilər. Ancaq bizim üçün qondarma Arsax və tarix məsələsi başda dediyim kimidi.Ermənilər qondarma Arsaxın başlanğıc tarixi kimi uydurma terminin altında 88- ci ildə DQ- nin ayrılmasını, Ermənistana birləşdirilməsini, hətta orada Ermənistan Ali Sovetinə seçki keçirilməsini, daha sonra müstəqil " DQR" elan olunmasını , qondarma prezident seçkiləri keçirilməsini və sair nəzərdə tuta bilərlər.Eynilə də 2023- cü ilin 26 sentyabrında qondarma " DQR prezidenti" kimi qələmə verilən Şahramanyanın fərman imzalamasını qondarma Arsaxın sonu kimi qeyd edə bilərlər.

Ancaq bizim üçün Şahramanyanın nə qondarma Arsaxın buraxılması barədə 26 sentyabr 2023- cü " fərmanının, nə də bu fərmanın geri oxunması deyilən dekabr fərmanının hüquqi- siyasi anlamı var.Hər ikisi " yalançı tarix " olmaqla bizim üçün kağız parçasından başqa bir şey deyil .

Qondarma Arsaxın başlanğıcı deyilən tarix bizim üçün ölkədə hakimiyyətsizlik, bundan istifadə edən separatçıların süverenliyimizə və ərazi bütövlüyümüzə qarşı cinayət tarixidir. Ermənilərin bu gün qondarma Arsaxın sonu dedikləri tarixlə bağlı apardıqları polemikaların da real anlamı yoxdur. Qondarma Arsax sentyabrın 26- da Şahramanyanın fərmanı ilə buraxılmadı ki... Qondarma Arsaxın sonuna dair fərmanı Şahramanyan yox, İlham Əliyev verdi.Qondarma " DQR" 44 gün aparılan döyüşlərdə buraxıldı. 2023- cü ilin 23 aprelində Laçın yolunun bağlanması ilə buraxıldı. Xankəndidəki separatçı yuva ilə Yerevanın birbaşa əlaqəsi kəsiləndə buraxıldı . Dünya Şahramanyanın fərmanını " səssiz konsensusla" qarşılayanda buraxıldı. Oktyabrın 15- də Xankəndinə Azərbaycan bayrağı taxılanda buraxıldı . Noyabrın 15- də Xankəndidə Zəfər paradı keçiriləndə buraxıldı.. Bütün bu real tarix faktlarının müəllifi isə İlham Əliyevdi.

İndi bəzi dairələr müzakirə açıblar ki, Şahramanyan əvvəlcə belə fərman verdi, sonra onu ləğv edən 2- ci fərman verdi və sair. Guya Şahramanyan 26 sentyabrda buraxılma barədə fərmanı verməsəydi, nə baş verəcəkdi? Biz hesab edəcəkdik ki, qondarma Arsax hələ yaşayır? Ya Şahramanyan 1- 2 gün əvvəl o fərmanı geri oxuyan 2- ci fərmanı verməsəydi nə baş verəcəkdi? Biz hesab edəcəkdik ki, qondarma Arsax öldü və dirildi?...

Ermənilərin qondarma tarix yazıb quraşdırmaq oyunlarının dalına düşmək lazım deyil.

Ermənilərin qondarma Arsax tarixinə qarşı İlham Əliyevin yazdığı real Qarabağ tarixi var .

Real tarix kitablarımızda qondarma Arsaxın əvvəli və sonu deyilən saxta tarixlərə heç bir yer ayırmaq da lazım deyil.Real tariximizi erməni yalanları ilə zibilləməyək....

Paylaş:

Baxılıb: 551 dəfə