Çətin və şərəfli yolla...

Bakı:

26 °C

53 %

4 m/s

Əlaqə

AZ RU EN

Ana səhifə / Xəbər lenti / Çətin və şərəfli yolla...

Çətin və şərəfli yolla...

14.12.2023 [11:30]

DTX və Xarici Kəşfiyyat Xidmətinin təsis edildiyi gündür

Y.BAYRAMOVA

Milli Təhlükəsizlik Nazirliyinin ləğv edilib, yerində Dövlət Təhlükəsizlik Xidməti (DTX) və Xarici Kəşfiyyat Xidmətinin yaradılmasından 8 il ötür. Hər iki qurum qanunvericiliklə müəyyən edilmiş səlahiyyətlər əsasında ölkəmizin milli təhlükəsizliyinin təmin olunması məqsədilə fəaliyyət göstərən xüsusi xidmət orqanıdır.

Xüsusi xidmət orqanları hər bir dövlətin milli təhlükəsizliyinin ayrılmaz komponentidir. DTX-nin və Xarici Kəşfiyyat Xidmətinin heyəti bu etimadı doğrultmaq, dövlətimizin, xalqımızın təhlükəsizliyini təmin etmək üçün əzmlə, yorulmadan çalışır, üzərinə düşən vəzifələri ləyaqətlə yerinə yetirir

Sirr deyil ki, Birinci Qarabağ müharibəsində olduğu kimi, 44 günlük Vətən müharibəsində də DTX-nin əməkdaşları əsl qəhrəmanlıq nümunəsi göstərdilər. Müharibə dövründə DTX-nin ölkə vətəndaşlarına müraciətləri, erməni terroru barədə xəbərdarlıqları, Qarabağda döyüşən kürd terrorçuların səsini yayması, livanlı muzdlu terrorçunun məsuliyyətə cəlb edilməsi və s. DTX-nin fəaliyyətinin cüzi və eyni zamanda, cəmiyyət üçün paylaşıla bilinən açıq hissəsi idi. Unutmayaq ki, DTX əməkdaşları gözəgörünməz cəbhənin insanlarıdır. Əbəs yerə təhlükəsizlik orqanlarına dövlətin onurğa sütunu demirlər. Bu yerdə Heydər

Əliyevin “Dövlətin təhlükəsizlik, yaxud kəşfiyyat orqanları o vaxt qalib gəlir, öz vəzifəsini layiqincə yerinə yetirir ki, orada peşəkar kadr və iş üslubu olsun” fikri yerinə düşür.

DTX ilə eyni tarixdə təsis edilən Xarici Kəşfiyyat Xidmətinin vəzifəsi isə xarici dövlətlərin ərazisində, onların xüsusi xidmət orqanlarında, siyasi dairələrində dövlətin təhlükəsizliyini təmin etmək istiqamətində əməliyyat tədbirləri həyata keçirməkdir. Əsas məqsəd dövlətin təhlükəsizliyi üçün təhdid ola biləcək bu və ya digər addımların dövlətin ərazisindən kənarda, onların planlaşdırıldığı, hazırlandığı yerlərdə qarşısını almaqdır.

Xatırladaq ki, İkinci Qarabağ müharibəsində Xarici Kəşfiyyat Xidmətinin “Yarasa” Xüsusi Bölmələri döyüşlərdə fəal iştirak edib. Müharibə zamanı dəstə Qubadlı rayonuna ilk daxil olub. Bölmənin əsas fəaliyyəti düşmənin arxa cəbhəsində həyata keçirilib. Dəstə Azərbaycan və dünya cəmiyyətinə ilk dəfə 2020 Bakı Qələbə Paradında təqdim olunub.

Bu gün DTX və Xarici Kəşfiyyat Xidməti Prezident İlham Əliyevin rəhbərliyi altında özünün inkişafının və təkmilləşməsinin yeni mərhələsini yaşayır.

Paylaş:

Baxılıb: 581 dəfə