Erməni yalanlarının təbliğatçıları...

Bakı:

24 °C

75 %

10 m/s

Əlaqə

AZ RU EN

Ana səhifə / Xəbər lenti / Erməni yalanlarının təbliğatçıları...

Erməni yalanlarının təbliğatçıları...

18.10.2023 [10:47]

Əli Kərimli özünü necə ifşa edir?

Azərbaycan dövlətinə və xalqına düşmən münasibət bəsləyən redikül müxalifət qazanılan uğurları, əldə olunan nailiyyətləri həzm edə bilmir. Ermənipərəst mahiyyətdən qurtula bilməyən Əli Kərimli və dəstəsi bunu artıq özlərində xəstəlik səviyyəsinə çatdırıblar - birmənalı olaraq qəbul etməmək, hər şeyi qara rəngdə görmək, qərəz və yalan, əsassız “arqumentlərlə” silahlanaraq dövlətin milli maraqlara əsaslanan siyasətinə zidd mövqe tutmaq “siyasətlə məşğul olmaq” sayıla bilməz.

Əli Kərimlinin tutduğu mövqe də birmənalı şəkildə xəyanətə, erməni təbliğatına söykənir və antimilli xarakterə əsaslanır. AXCP sədrinin Vətən müharibəsindən sonrakı dövrdə qələbəni “yarımçıq” adlandırması, antiterror tədbirlərindən sonra isə baş verənləri fərqli rakursda “qiymətləndirməyə” çalışması bir mətləbdən xəbər verir - bu şəxs erməni lobbisinin təsiri altındadır və heç bir zaman Azərbaycanın uğurlarına sevinməyəcək. AXCP sədrinin “Toplum TV”-yə müsahibəsi də dediklərimizi təsdiqləyir. Qazanılan qələbəni və bu qələbəyə gedən yolu naşı və xaincəsinə “ehtimallarla” “dəyərləndirməyə çalışan” xəyanətkar Kərimli uğurlu nəticəni gözardı edir - Azərbaycan xalqının, Azərbaycan Ordusunun, Azərbaycan Prezidentinin zəhmətini dəyərləndirə bilmir. Siyasətin dəqiqliyi və çevikliyi sevdiyini və zamana hesablandığını “unudan” və ya ümumiyyətlə, bilməyən Kərimli ona əzbərlətdirilən “fransız lüğətindən” olan “cümlədən” əl çəkmir - yeri gəlmişkən, Əli Kərimlinin aldığı erməni pullarına şərik olanlar da sosial şəbəkələrdə tutuquşu mahiyyəti ilə eyni “yalanı” və gülünc “arqumenti” tirajlamağa çalışırlar. Bu isə onu göstərir ki, Azərbaycan dövlətinin uğurlarına qarşı hər hansı bir kəsərli arqument tapa bilməyən Kərimlinin fransız başbilənləri AXCP sədrinin başına belə “torba keçirib” onu biabır edirlər. Adam əldə oyuncaq olduğunun fərqində belə deyil - “fransız ipçi”ləri onu ən düşük “arqumentlərlə” cəmiyyətə ifşa edir.

Kərimli müsahibəsinin sonunda başqa hava çalır - o, əslində, nə qədər böyük bir zəfərin qazanıldığının fərqindədir, sadəcə olaraq, bunu etiraf etmək cəsarəti yoxdur. O narahatdır ik, xalq onların yalanlarını görür və onların “siyasi buqələmunluğunun” fərqindədir. Azərbaycanın suverenliyinin təmin edilməsi, ən əsas ümummilli problemimizin həll edilməsi Kərimli kimi “yalana bürünənləri” ictimaiyyət qarşısında siyasi çılpaq vəziyyətə salır. O, bunu görür, sadəcə, etirif etməyə cəsarət tapa bilmir.

Qeyd edildiyi kimi, Kərimlinin başçılıq etdyi xəyanətkar dəstəyə də eyni direktivlər verilib, eyni “tezislər” üzərindən danışmaq tapşırılıb. Təsadüfi deyil ki, dünənə qədər “qələbəni yarımçıq” sayanlar bu gün “qələbənin təmini niyə 30 il çəkdi?” sualını tirajlayırlar. Onların cavabı özlərindədir - bir illik AXC-Müsavat hakimiyyətinin ölkəyə vurduğu ziyanı, etdiyi pisliyi 30 ildə ancaq aradan qaldırmaq mümkün oldu. Onlar bunu görürlər, bilirlər - sadəcə, dilə gətirməkdən qorxurlar. Yoxsa, Ə.Kərimli onları “fransız maliyyəsi” siyahısından çıxarar. Bu insanlar erməni pulları uğrunda erməni təbliğatına nökərçilik etməyi belə özlərinə rəva bilirlər, həqiqəti və ədaləti göz ardı etməyi bacarır. 2020-ci ildə Vətən müharibəsi günlərində Gəncəyə, Bərdəyə, Tərtərə edilən xain hücumlar mülki insanlarımızı, körpələrimizi qanına qəltan etmişdi. Bu qətliamın əmrini verən Araik indi Azərbaycan zindanındadır. İçimizdəki xainlər isə az qala erməniyə haqq qazandırmaq üçün “mübarizə aparırlar”. Tofiq Yaqublu deyir ki, 44 günlük Vətən müharibəsində Azərbaycan Ordusunun zərbələri nəticəsində Xankəndidə mülki əhali də vurulmuşdu. Nə qədər utanmayasan ki, belə söz deyəsən...

Erməninin tapıb deyə bilmədiyini deyir Tofiq Yaqublu. Təsəvvür edin ki, belə bir şey yaşanmış olsaydı, indi ermənilər bunu əllərində bayraq edib bir ucu Paris, bir ucu Brüssel, bir ucu Los-Anceles haray qaldırmazdımı? Belə bir “fakt” olsaydı, Ermənistan gündə 10 dəfə BMT TŞ-nin qapısını döyməzdimi?

Görəsən, bu boyda yalanı deməyə T.Yaqublunu nə məcbur edib? Axı, xalqına, dövlətinə şər atmaq, onu ləkələməyə çalışmaq bu qədər asan olmamalıdır...

P.İSMAYILOV

Paylaş:

Baxılıb: 462 dəfə