Heydər Əliyev
yeni azerbaycan logo

Ana səhifə / Xəbər lenti / “VPN”in zərərlərindən xəbəriniz varmı?

“VPN”in zərərlərindən xəbəriniz varmı?

12.10.2023 [16:16]

M.BAYRAMLI

Xəbər verdiyimiz kimi, ölkəmizdə təxminən 1 aya yaxın müddətdir ki, “Tik tok” sosial şəbəkəsinə giriş məhdudlaşdırılıb. Buna baxmayaraq, çox sayda istifadəçi “VPN” (Virtual Şəxsi Şəbəkə) vasitəsilə bu platformaya daxil olmağa davam edirlər. “VPN” müxtəlif şəbəkələrə qoşulmağa imkan verən internet texnologiyasından IP ünvanını gizlətmək və ya internetdə girişi bloklayan proqramlardan yan keçmək üçün istifadə edilir. Yəni bu proqram iki kompyüter cihazı arasında olan məlumatları virtual tunel vasitəsilə şifrələyərək ötürən bir texnologiyadır.

Bəs “VPN”in zərərlərindən xəbəriniz varmı? Ondan istifadə etməyiniz sizə baha başa gələr desək, necə? Yenidən istifadə etməyə davam edəcəksiniz?

Yerli mütəxəssislər bu barədə xəbərdarlıq edirlər. Onların sözlərinə görə, bir çox “VPN” məhsulları erməni şirkətlərinə aiddir. Həmin “VPN”ləri istifadə etməklə şəxsi məlumatlarınız bu proqram vasitəsilə nüsxələnir. Şifrələriniz, bank xidmətləriniz serverdə kopyalanır.

Nəticədə parollar və kredit kartı məlumatları, "e-poçt" parolu oğurlana bilər. Eləcə də internetdə bulud saxlama xidmətlərindən istifadə edərkən "VPN" istifadə etmək bütün məlumatların arzuolunmaz əllərə keçməsinə səbəb ola bilər. Şəxsi fotoşəkillər kimi başqasının görməsini istəmədiyiniz məlumatları əldə edən pis niyyətli insanlar onlardan təhdid kimi istifadə edə bilərlər. Habelə vətəndaşlardan toplanmış məlumatlar vasitəsilə ölkənin əleyhinə, milli maraqlarımıza qarşı istifadə olunması da istisna edilmir.

Məlum olduğu kimi, Azərbaycanda “VPN”in yüklənməsinə heç bir qadağa qoyulmayıb. Ekspertlər çıxış yolunu ölkəmizdə bu proqrama girişə qadağa qoyulmasında görürlər.

Paylaş:
Baxılıb: 476 dəfə

Xəbər lenti

Hamısına bax

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31