Deputat: Avropa Parlamenti qarşısında heç bir öhdəlik daşımırıq

Bakı:

19 °C

88 %

0 m/s

Əlaqə

AZ RU EN

Ana səhifə / Xəbər lenti / Deputat: Avropa Parlamenti qarşısında heç bir öhdəlik daşımırıq

Deputat: Avropa Parlamenti qarşısında heç bir öhdəlik daşımırıq

07.10.2023 [09:45]

Azərbaycana qarşı sanksiya istəyinin əmsalı sıfıra bərabərdir

Günel ABBASOVA

“Avropa Parlamenti oktyabrın 5-də Azərbaycan əleyhinə qətnamə qəbul edib və bu, əslində yeni hadisə deyil. Dəfələrlə biz Avropa Parlamentinin Azərbaycan əleyhinə qəbul etdiyi sənədləri görmüşük”.

Bu fikirləri Milli Məclisin üzvü Elman Nəsirov “Yeni Azərbaycan”a açıqlamasında bildirib.

Onun sözlərinə görə, əvvəl qəbul olunan anti-Azərbaycan məzmunlu qətnamələr də və 5 oktyabr tarixində qəbul olunan sənəd də heç bir hüquqi qüvvəyə malik deyil: “Bu sənədi də əvvəlki sənədlər kimi tarixin zibilxanasına atmaq olar. Çünki biz Avropa İttifaqı ölkəsi deyilik, Avropa Parlamentində təmsilçimiz yoxdur və heç bir qurum qarşısında öhdəlik daşımırıq. Ancaq bu halda suallar yaranır ki, avropalı parlamentariləri narahat edən odur ki, Azərbaycan dövləti, ordusu Qarabağdakı erməni terrorizmi və separatizmin kökünü kəsib. Bu reallıqlar fonunda nədən avropalı parlamentariləri belə erməni sevgisi ortaya qoyurlar?

Bunun ancaq bir cavabı var, Avropa Parlamenti kifayət qədər korrupsiyaya məruz qalmış bir quruma çevrilib və hətta Avropa Parlamentinin ali rəhbərliyi səviyyəsində, vitse-prezidenti səviyyəsində korrupsiya faktları bütün dünyaya bəlli olub. Bu faktlar da həmin yüksək rütbəli məmurları ifşa edirsə, onda daha Avropa Parlamentindən nə gözləmək olar? Avropa Parlamenti Avropa İttifaqına müraciət edir ki, Azərbaycana qarşı sanksiyalar tətbiq edilsin və onların bu istəkləri reallaşma əmsalı sıfıra bərabərdir. Birincisi, Azərbaycanın haqq işidir. İkincisi, biz terrorizmə, separatizmə qarşı mübarizə aparmışıq və beynəlxalq hüququn ən mühüm prinsipləri olan ölkələrin ərazi bütövlüyü və suverenlik prinsipini Qarabağda bərqərar etmişik”.

Deputat qeyd edib ki, Avropa İttifaqı ilə bizim çox sıx təmaslarımız var: “Avropa İttifaqı Azərbaycanın özünə yeni alternativ və yeganə enerji mənbəyi kimi baxır və hesab edirəm ki, avropalı parlamentarilər Avropa İttifaqının böyük maraqlarını kənara qoyub. Deməli, avropalı parlamentariləri nə qədər rüşvətə, korrupsiyaya uğrayıblar ki, Avropa İttifaqı üçün enerji, təhlükəsizlik məsələlərinin hansı böyük məna və əhəmiyyət kəsb etməsi onlar üçün sonuncu yerdə olan məsələdir. Onlar üçün əsas məqam cibləridir və bu prizmadan da regiondakı proseslərə qiymət verirlər. Onlar Azərbaycanın mövqeyinə təsir edə bilməyəcəklər. Azərbaycanın güclü Lideri var, Müzəffər Ali baş komandanı var, yenilməz ordusu var, dəmir yumruq ətrafında birləşən xalqı var.

Bütün bu reallıqlar fonunda avropalı parlamentarilərin atdığı addım arxadan atılan daş topuğa dəyər misalına bənzəyir. Başqa sözlə, qatar artıq gedib, sadəcə avropalı parlamentarilər onun ardınca baxmaqdadırlar. Avropalı parlamentarilər özləri də bilirlər ki, bu sənədin Azərbaycan üçün heç bir əhəmiyyəti yoxdur. Sadəcə bu, həm də dumanlı məqamlar, yeni rüşvət və korrupsiya fonunda ermənilər qarşısında təsəlli edici addımdır. Ancaq avropalı parlamentarilər özləri də öncədən bilirlər ki, həmin qətnamənin reallaşma əmsalı və dəyəri elə sıfıra bərabərdir. Bu gün onlara cavab olaraq biz də sözügedən bütün məqamları özündə cəmləşdirən bəyanat qəbul etdik”.

Paylaş:

Baxılıb: 701 dəfə