Peşə təhsili üzrə ixtisasların təsnifatına 95 yeni ixtisas əlavə edilib, 24-ü ləğv olunub

Bakı:

18 °C

81 %

8 m/s

Əlaqə

AZ RU EN

Ana səhifə / Xəbər lenti / Peşə təhsili üzrə ixtisasların təsnifatına 95 yeni ixtisas əlavə edilib, 24-ü ləğv olunub

Peşə təhsili üzrə ixtisasların təsnifatına 95 yeni ixtisas əlavə edilib, 24-ü ləğv olunub

08.09.2023 [17:07]

Peşə təhsili üzrə ixtisasların təsnifatında dəyişiklik edilib.

"Report"un xəbərinə görə, bununla bağlı Baş nazir Əli Əsədov Nazirlər Kabinetinin 2011-ci il 31 oktyabr tarixli 178 nömrəli Qərarı ilə təsdiq edilmiş “Peşə təhsili üzrə ixtisasların Təsnifatı”nda dəyişiklik edilməsi barədə qərar imzalayıb.

Təsnifata edilən bir sıra dəyişikliklər “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nda müəyyən edilmiş hədəflərə uyğun olaraq peşə təhsilinin əhatə dairəsinin genişləndirilməsi və müxtəlif ixtisaslar üzrə mütəxəssis hazırlığının əmək bazarının tələblərinin ödənilməsinin təmin edilməsi məqsədilə aparılıb.

Ümumilikdə, Azərbaycan Respublikası Nazirlər Kabinetinin 2011-ci il 31 oktyabr tarixli 178 nömrəli Qərarı ilə təsdiq edilmiş “Peşə təhsili üzrə ixtisasların Təsnifatı”na 5 yeni ixtisas qrupu və 95 yeni ixtisas əlavə edilib, 24 ixtisas ləğv olunub və ya adı dəyişdirilib.

Qərarla “Peşə təhsili üzrə ixtisasların Təsnifatı”nda aşağıdakı dəyişikliklər edilib:

“Sənətşünaslıq, mədəniyyət və incəsənət” peşə istiqaməti üzrə” hissəsində:

1. “030103 Reklam işi” ixtisas qrupuna “Reklam işçisi” ixtisasından sonra “Reklam dizayneri” ixtisası əlavə edilib;

2. “030110 İnteryer və eksteryerin bədii tərtibatı” ixtisas qrupuna “Bədii tərtibat işlərinin icraçısı” ixtisasından sonra “Florist” ixtisası əlavə olunub;

3. “030112 Ağacdan, keramikadan, metaldan hazırlanan bədii məmulatlar” ixtisas qrupuna “Metaldan döymə üsulu ilə bədii məmulatlar hazırlayan usta” ixtisasından sonra “Ağac nəqqaşı” ixtisası əlavə edilib.

“İqtisadiyyat, xidmət, avtomatika və idarəetmə” peşə istiqaməti üzrə” hissəsində:

1. “030202 Mühasibat işi” ixtisas qrupuna “Əməliyyatçımühasib” ixtisasından sonra “Mühasibat uçotu” ixtisası əlavə edilib;

2. “030203 Sığorta işi” ixtisas qrupuna “Sığorta agenti” ixtisasından sonra “Sığorta işçisi” ixtisası əlavə olunub;

3. “030204 Kommersiya” ixtisas qrupuna “Təchizat üzrə agent” ixtisasından sonra “Dayə”, “Logistika operatoru”, “Merçandayzer”, “Kənd təsərrüfatı məhsullarının saxlanılması və anbarlanması üzrə logistika mütəxəssisi” və “Tədbirlərin təşkilatçısı” ixtisasları əlavə edilib;

4. “030207 Kino-video nümayişi” ixtisas qrupuna “Video çəkilişi üzrə operator” ixtisasından sonra “İşıq operatoru”, “Media və audiovizual texnologiyaların istismarı”, “Kinomontajçı” və “Səs operatoru” ixtisasları əlavə olunub;

5. “030208 İaşə xidməti” ixtisas qrupuna “Barmen-ofisiant” ixtisasından sonra “Turizm sahəsində iaşə üzrə mütəxəssis”, “Somelye” və “Barista” ixtisasları əlavə edilib;

6. “030209 Kimyəvi təmizləmə aparatçısı” ixtisas qrupuna “Ləkəçıxaran” ixtisasından sonra “Kimyəvi və quru təmizləmə işləri üzrə operator” ixtisası əlavə olunub;

7. “030210 Bərbərlik” ixtisas qrupuna “Bərbər-vizajist” ixtisasından sonra “Qrimçi-pastijor”, “Lazer epilyasiyası və depilyasiya texniki”, “Makiyaj ustası” və “Saç kəsimi və gözəllik xidmətlərinin təşkili” ixtisasları əlavə edilib;

8. “030213 Bələdçilik” ixtisas qrupuna “Yerli bələdçi” ixtisasından sonra “Turizm təşkilatçısı” ixtisası əlavə olunub;

9. “030214 Avtomatlaşdırılmış texnologiyalar və istehsal” ixtisas qrupuna “Avtomatlaşdırılmış texnologiyalar və istehsal üzrə operator” ixtisasından sonra “Avtomatika sistemlərinin istismarı” və “Avtomatika üzrə usta” ixtisasları əlavə edilib;

10. “030217 Gəmiçilik xidməti” ixtisas qrupunda “Növbətçi köməkçisi” ixtisası “Növbətçi” ixtisası ilə əvəz olunub;

“030219 İnformasiya-kommunikasiya texnologiyası və hesablama texnikasının təmiri və servis xidməti” ixtisas qrupu üzrə:

1. “Kompyuterlərin təmiri və xidməti üzrə texnik” ixtisasında “Kompyuterlərin” sözü “Kompüterlərin” sözü ilə, “Telekommunikasiyada kompyuter texnikasının istismarı üzrə operator” ixtisasında “kompyuter” sözü “kompüter” sözü ilə və “Kompyuter operatoru” ixtisasında “Kompyuter” sözü “Kompüter” sözü ilə əvəz edilib;

2. “İnformasiya texnologiyaları üzrə texniki dəstək mütəxəssisi” ixtisasından sonra “Sistem və şəbəkə xidməti üzrə 3 texnik”, “Veb-dizayner və proqram təminatçısı”, “Kompüter sistem inzibatçısı”, “Kibertəhlükəsizlik”, “Kompüter sistemlərində proqramlaşdırma”, “Veb-dizayn və proqram təminatı”, “İnformasiyakommunikasiya texnologiyaları üzrə texnik”, “Kompüter sistemlərində proqram təminatı”, “Kompüter şəbəkələri və şəbəkə inzibatçılığı” və “Kompüter ustası” ixtisasları əlavə olunub.

Paylaş:

Baxılıb: 649 dəfə