Avropa İttifaqı sərhədi bəlli olmayan Ermənistanda...

Bakı:

21 °C

60 %

7 m/s

Əlaqə

AZ RU EN

Ana səhifə / Xəbər lenti / Avropa İttifaqı sərhədi bəlli olmayan Ermənistanda...

Avropa İttifaqı sərhədi bəlli olmayan Ermənistanda...

18.01.2023 [10:48]

Yeni missiyanın əsas hədəfi nədir?

Deputat: Əvvəlki missiya danışıqlara mane olmaqdan başqa bir iş görmədi

Günel ABBAS

Ermənistanda son illər baş verən hadisələr onu göstərir ki, bu ölkədə təhlükəsizlik məsələləri heç də ürəkaçan deyil. Ancaq öz ölkəsində vətəndaşlarının təhlükəsizliyini təmin edə bilməyən dövlət axır vaxtlar böyük təşkilatların xüsusi missiyalarının təhlükəsizliyini təmin etməyi üzərinə götürməkdən çəkinmir. Əksinə, öz ərazisinə mütəmadi olaraq müxtəlif qüvvələri cəlb etməkdə maraqlıdır. Yeri gəlmişkən, ötən gün erməni KİV-ində yayılan məlumata görə, Avropa İttifaqı bir aydan sonra Ermənistana yeni müşahidə missiyası göndərəcək. Bu dəfə missiyanın iki aylıq deyil, azı iki illik müddətə göndərilməsi nəzərdə tutulur. Bildirilir ki, Avropa İttifaqının Siyasət və Təhlükəsizlik Komitəsi bu barədə layihəni ötən həftə qəbul edib. Keçən ilin oktyabrında Azərbaycan-Ermənistan sərhədinə göndərilən 40 nəfərlik qrup kimi, budəfəki missiya da Ermənistan sərhədində yerləşəcək. Hansı sərhəddən söhbət getdiyi məlum deyil. Çünki hələ Ermənistanla Azərbaycan arasında sərhədlərin delimitasiyası olmayıb. Neçə müşahidəçinin gələcəyi isə hələ rəsmi olaraq açıqlanmasa da, missiya üzvlərinin 200 nəfərdən ibarət olacağı vurğulanır.

Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Arzu Nağıyev “Yeni Azərbaycan”a açıqlamasında bildirib ki, müşahidə üzvlərinin hər biri xüsusi xidmət orqanlarının nümayəndələri arasından təyin edilir: “Bu dərəcə böyük və əhəmiyyətli missiyanın təhlükəsizliyinə təminat vermək məhz Ermənistan tərəfinin üzərinə düşür. Düşünürəm ki, bu sayda, eyni zamanda, Gürcüstanda olan missiyadan da istifadə edəcəklər. Çünki bütün bu proseslərə Ermənistan dövləti əlverişli şərait yaratmalıdır ki, proses icra oluna bilsin. Əvvəlki missiya tam şəkildə öz işini yerinə yetirə bilmədi, çünki hər hansı bir qərarın qəbul olunmasında onların rolu olmadı. Bütün bunlara baxmayaraq missiyanın təkrarən göndərilməsinin səbəbi Rusiyanın regionda sülhməramlılarının olması ilə paralel Avropa nümayəndəliyinin də hansısa söz sahibi olmasıdır. Hətta düşünürəm ki, bunu ən çox istəyən də Ermənistan rəhbərliyidir. Çünki Rusiyadan müəyyən qədər aralanmaq üçün bu proseslərə start verir və dəstəkləyirlər. Ən ciddi məsələ də odur ki, nəyin bahasına olursa-olsun, Fransa hansısa formada regiona daxil olsun. Bu missiyanın gəlişi ilə bağlı Avropa İttifaqının Siyasət və Təhlükəsizlik Komitəsində qərar verilib. Müşahidə missiyasında iştirak edən əsas qurum Antiböhran İdarəetməsinin Mülki Məsələlər komitəsi tərəfindən də təsdiq olunub”.

Deputat yeni müşahidə missiyasının səlahiyyətləri və öhdəlikləri barədə də danışıb: “Yəni 40 nəfərlik qrupdan fərqli olaraq bu dəfə avropalı müşahidəçilər Ermənistanın bütün ərazisini patrul edəcəklər. Əvvəlki missiya təbii ki, silahsız idi, ancaq heç bir dəyişiklik əldə olunmadı. Əksinə, mən düşünürəm ki, bu, Azərbaycan-Ermənistan danışıqlarına mane olacaq. Əgər Avropa və Rusiya nüfuz müharibəsi aparırsa, Ermənistan da bunu dəstəkləyir. Müşahidəçilərin iki il müddətinə təyin edilməsinin də xüsusi bir mənası var. Məlum məsələdir ki, 2025-ci ildə sülhməramlıların ərazidə olması vaxtı tamamlanır, paralel olaraq həmin zamana qədər burada qalmağı planlaşdırır. Hələ ki, hər şey kağız üzərindədir və müəyyən qərarlar qəbul edilib. Bu missiyanın öz üzərinə düşən funksiyanı nə dərəcədə yerinə yetirəcəyini zaman göstərəcək. Bir daha qeyd etmək istəyirəm ki, keçmiş missiya Azərbaycan-Ermənistan danışıqlarına mane olmaqdan başqa hər hansı müsbət tendensiya yaratmadı”.

Paylaş:

Baxılıb: 567 dəfə