Yəhudi xalqı İlham Əliyevi özünün ən yaxın dostu hesab edir

Bakı:

24 °C

38 %

6 m/s

Əlaqə

AZ RU EN

Ana səhifə / Xəbər lenti / Yəhudi xalqı İlham Əliyevi özünün ən yaxın dostu hesab edir

Yəhudi xalqı İlham Əliyevi özünün ən yaxın dostu hesab edir

24.12.2022 [10:30]

İsrail Təhlükəsizlik Akademiyası: “Azərbaycanın inkişafı onun parlaq siyasətinin nəticəsidir”

Dost və qardaş Azərbaycan Respublikasının Prezidenti cənab İlham Əliyevi doğum günü münasibətilə təbrik edirik.

Azərbaycan Prezidenti hər zaman öz humanistliyi‚ nəcibliyi, yüksək dünya görüşü, dərin intellekti, parlaq zəkası və güclü diplomatik bacarığı ilə bütün dünyada özünəməxsus yer tutmuş bir prezidentdir və bütün dünyada yüksək nüfuza, dərin hörmətə malik, sayılıb seçilən dövlət başçılarındandır. Azərbaycanın Avropa və Qərb ölkələri ilə ortaq enerji layihələrinin reallaşması və Azərbaycan iqtisadiyyatının yüksələn xətlə sürətlə inkişaf etməsi Prezident İlham Əliyevin zəngin diplomatiyasının, parlaq daxili və xarici siyasətinin nəticəsidir. Bölgənin bütün nəhəng iqtisadi və enerji layihələrinin müəllifi və təşəbbüskarı məhz cənab İlham Əliyevdir. Qafqazda və Türk dünyasında heç bir layihə Azərbaycansız və İlham Əliyevsiz reallaşa və heç bir addım İlham Əliyevsiz atıla bilməz. Cənab İlham Əliyev nəinki öz ölkəsinin və xalqının, hətta bütün bölgənin təhlükəsizliyi və əmin-amanlığı üçün əzmlə çalışmaqda, bölgədə və bütün dünyada sülhə əmin-amanlığa öz töh?əsini verməkdədir. Hazırda Prezident İlham Əliyevin apardığı uğurlu siyasət Azərbaycan iqtisadiyyatını daha da dayanıqlı edir və sürətli inkişafı təmin etməklə Azərbaycanın gələcəyi üçün daha da yüksək uğurlar və böyük nailiyyətlər yaradır.

Azərbaycan prezidentinin parlaq siyasəti hərbi sahədə də öz töhfəsini verib. Azərbaycan Ordusunun 44 günlük müharibədə işğalçı Ermənistan üzərində qələbə qazanmasında prezident İlham Əliyevin ordu quruculuğu siyasəti əhəmiyyət kəsb etdi. Və məhz bunun nəticəsidir ki 2020-ci ilin 44 günlük İkinci Qarabağ müharibəsində Azərbaycan Ordusu Ermənistan ordusu üzərində analoqu olmayan qələbə qazanmışdır. Hazırda məhz Prezident İlham Əliyev tərəfindən həyata keçirilən uğurlu siyasət nəticəsində Azərbaycanda güclü xalq-iqtidar və xalq-dövlət birliyi mövcuddur.

Dünyanın hər yerində prezident İlham Əliyevə böyük sayğı və ehtiram vardır. Bunun səbəbi İlham Əliyevin müdrikliyi, humanistliyi, yüksək, insanpərvərliyi və öz siyasi xəttində ali və insani dəyərləri rəhbər tutmasıdır. Əsası dahi şəxsiyyət Heydər Əliyev tərəfindən qoyulan tolerantlıq və multikultural siyasət bu gün Prezident İlham Əliyev tərəfindən uğurla davam və inkişaf etdirilir. Azərbaycanda yaşayan bütün etnik xalqlar və müxtəlif dini inanclar bir-biri ilə qardaşlıq və doğmalıq şəraitində yaşayır və qardaşlaşmaqda və doğmalaşmaqdadırlar. Məhz İlham Əliyevin tolerantlıq və multikultural siyasəti Azərbaycanı dünyada ən nümunəvi ölkələr sırasına yüksəltmişdir. Hazırda Azərbaycanda yaşayan və Azərbaycandan xaricə, eləcə də İsrailə köçmüş bütün yəhudilər hər zaman Prezident İlham Əliyevə sonsuz sevgi və rəğbət bəsləyirlər. İsraildəki Avropa və ABŞ-dakı, eləcə də Rusiyadakı azərbaycanlı-yəhudi icması cənab İlham Əliyevə böyük hörmət və ehtiram bəsləyir. Yəhudi xalqı hər zaman İlham Əliyevi özünün ən yaxın dostu hesab edir.

Azərbaycanın İsraildə Səfirlik açması da prezident İlham Əliyevin tarixə qızıl hərflərlə yazılacaq uğurlu diplomatik addımıdır. Cənab İlham Əliyevin tolerant siyasəti, uğurlu strateji addımları nəticəsində Yəhudi xalqı ilə Azərbaycan xalqının hələ minillərə dayanan dostluğu və qardaşlığı, Azərbaycan və İsrail dövlətinin dostluğu daha da da inkişaf edəcək və daha da möhkəmlənəcəkdir.

Paylaş:

Baxılıb: 611 dəfə