Heydər Əliyev
yeni azerbaycan logo

Ana səhifə / Xəbər lenti / Bəxtiyar da gedir... ermənilərin ardınca

Bəxtiyar da gedir... ermənilərin ardınca

27.08.2022 [07:42]

Ümid QARAYEV

“Harvard məzunu” yenə məşğuldur. Yenidən virtual gündəmin yaxasından iki əli ilə yapışıb. Ermənilərin Laçin şəhərindən, Sus və Zabux kəndlərindən çıxdığı, qurub yaratmaq, yaşatmaq üçün tarixi torpaqlarımıza əbədi qayıtdığımız vaxt yeni “bəyanat”lar səsləndirir.

Söhbət iki gündən bəri “itkin düşən”, amma dərhal - anındaca “zühur edən”, sosial şəbəkələrdə “gizlən-qaç” oynayan Bəxtiyar Hacıyevdən gedir. Bəyan edib ki, “ölkədən çıxıram, gedirəm...”.

Haraya və nə üçün getməsi maraqlı deyil. Məsələ budur ki, bir qrup şəxs hər dəfə ermənilərin torpaqlarımızı tərk etməyə hazırlaşdıqları və tərk etdikləri zaman ölkədən çıxıb gedəcəyini bəyan edir. Niyə? Bu “ideya” onların ağlına haradan gəlib?

İki suala cavab tapmaq lazımdır:

- Bu davranışla Azərbaycan ərazilərində qanunsuz məskunlaşmış ermənilərlə həmrəylik nümayiş etdirirlər?

- Yoxsa ermənilər kimi Azərbaycan haqqında mənfi rəy və təəssürat formalaşdırmağa çalışırlar?

Şübhəsiz, bu, həm də virtual siyasi şoudur. Amma bumeranq effekti verir. İctimai həyatda bəxti gətirmədiyi - bəxtəvərə çevrilə bilmədiyi üçün siyasi təlxəkliklə məşğul olan Bəxtiyar heç nəyi və heç kimi ifşa etmir, sadəcə, özünü və “Harvard”ı rəzil-rüsvay edir. Etsin, başqa cür populyarlıq qazanmaq şansı, imkanı və qabiliyyəti yoxdur, zatən.

2020-ci ildə ermənilərin Ağdam və Kəlbəcəri tərk etdikləri zaman da Hacıyev kimilər özlərini Bəxtiyar hiss etmədikləri üçün ölkədən gedəcəklərini bəyan etmişdilər. Bəs niyə getmədilər?

Biz indi Laçına, Susa və Zabuxa inşa və abad etməyə, yol çəkməyə, yeni həyat qurmağa gedirik. Bəs sən, Bəxtiyar? Necə deyərlər, “çox deyirdin özündən sən, yol çəkməyə gedəcəksən... Bəs nə oldu, “tikinti”yə getmədin, qaldın, hə, getmədin, qaldın?!”.

Paylaş:
Baxılıb: 475 dəfə

Xəbər lenti

Hamısına bax

YAP xəbərləri

YAP xəbərləri

Siyasət

Gündəm

İqtisadiyyat

Analitik

Sosial

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31