Heydər Əliyev
yeni azerbaycan logo

Ana səhifə / Xəbər lenti / Zaxarova: “Moskva və Bakı biotəhlükəsizlik məsələlərində əlaqədədir”

Zaxarova: “Moskva və Bakı biotəhlükəsizlik məsələlərində əlaqədədir”

20.04.2022 [22:06]

Rusiya ilə Azərbaycan arasındakı münasibətlərin müttəfiqlik xarakterini və tarixən formalaşmış ümumi biotəhlükəsizlik məkanını nəzərə alaraq, Rusiya Azərbaycan tərəfdən gələn istənilən siqnala çox diqqətlə yanaşır və biz onları Bakı ilə inkişaf etdirdiyimiz tərəfdaşlıq dialoqu çərçivəsində nəzərdən keçirməyə hazırıq”.

Bunu “Report”un Moskva bürosunun rəsmi Moskvanın Azərbaycanda ABŞ-ın bioloji laboratoriyalarının olması ilə bağlı iddialarını şərh etmək istəyinə cavab olaraq Rusiya Xarici İşlər Nazirliyinin sözçüsü Mariya Zaxarova həftəlik brifinqdə deyib.

Daha əvvəl Rusiyanın aprelin əvvəlində BMT Təhlükəsizlik Şurası çərçivəsində dünyanın müxtəlif regionlarında hərbi bioloji fəaliyyətlərin beynəlxalq sülh və təhlükəsizliyə yaratdığı təhdidlərə dair dinləmələr keçirməyə təşəbbüs etdiyi, bu dinləmələr zamanı ABŞ-ın Cənubi Qafqazda, o cümlədən Azərbaycanda bioloji laboratoriyalarının olduğunu vurğuladığı bildirilmişdi.

M.Zaxarovanın sözlərinə görə, Təhlükəsizlik Şurasında Arria formulası üzrə baş tutmuş həmin görüş qeyri-rəsmi olub. O, vəziyyəti belə izah edib: “Bu, başa düşmək üçün vacib bir nüansdır. Mən də bu təfsiri qəbul edə bilmirəm. Milli biolaboratoriyaların olmasının özü qınanmalı bir şey deyil, çünki öz səhiyyə sistemi olan istənilən ölkədə biolaboratoriyalar var”.

Diplomat qeyd edib ki, məsələ bu biolaboratoriyalarda kimin, necə və hansı məqsədlər üçün, yəni nə dərəcədə aydın və şəffaf, eləcə də qanunvericilik əsasında çalışmasındadır.

“Biz Ukraynada bioloji laboratoriyalar məsələsini qaldıranda bildirdik ki, bioloji laboratoriyalar bu ölkə ilə həmsərhəd olmayan başqa dövlətin nəzarətindədir. Biotəhlükəsizlik məsələsi isə kritik əhəmiyyət kəsb edir”, - Rusiya XİN rəsmisi fikrini yekunlaşdırıb.

Paylaş:
Baxılıb: 234 dəfə
Multi-media

Xəbər lenti

Hamısına bax

Maraqlı

Xəbər lenti

94 il əvvəl...

13 Avqust 11:31

Ədəbiyyat

Xəbər lenti

Prezident bu gün

Prezident bu gün

13 Avqust 10:25

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

İqtisadiyyat

Xəbər lenti

Prezident bu gün

Prezident bu gün

12 Avqust 10:29

İqtisadiyyat

MEDİA

Gender bərabərliyi

12 Avqust 10:21

Yeni texnologiyalar

Xəbər lenti

4 ildən sonra...

12 Avqust 10:16

Siyasət

Siyasət

Gündəm

Xəbər lenti

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31