SOS: “BA.2” daha təhlükəlidir!

Bakı:

26 °C

47 %

9 m/s

Əlaqə

AZ RU EN

Ana səhifə / Xəbər lenti / SOS: “BA.2” daha təhlükəlidir!

SOS: “BA.2” daha təhlükəlidir!

30.03.2022 [10:42]

MÜŞFİQƏ

Son günlər COVİD-19-un "Omikron" variantından daha təhlükəli növün aşkarlanması haqqında müxtəlif məlumatlar paylaşılır. "BA.2"-nin indәyәdәk 10 ölkәdә qeydә alındığı açıqlanıb. Bu barәdә ÜST-ün hәftәlik hesabatında bildirilib. Hesabatda "Omikron" ştamının altnövü olan "BA.2"-yә yoluxanların sayında artım olduğu vurğulanıb. Onun insan orqanizminə nə dərəcədә zәrәr verdiyi isə bilinmir. Qurumun aparıcı epidemioloqu Mariya van Kerkhov bildirib ki, "BA.2" variantı ən təhlükəli hesab olunur.
Eləcə də Danimarkanın Kopenhagen Universiteti ilə ölkənin səhiyyə nazirliyi birgə apardığı "BA.2"-nin daha yoluxucu olması öz təsdiqini tapıb. Elm adamları qeyd ediblər ki, bir evdə "Omikron"a yoluxma baş verərsə, digər ailə üzvlərinin yoluxma ehtimalı 29 faiz idisə, sözügedən ştama yoluxma ehtimalı isə 39 faizdir. Xüsusilə də, məktəblər və bağçalarda vaksin olunmamış uşaqlara yoluxma ehtimalı yüksəkdir.

Ölkəmizdə vəziyyət necədir?

Ölkəmizdə COVİD- 19-a yoluxma sayındakı rəqəmlər azaldıqca insanlar arasında rahatlıq yaranır və bu hal xəstəliyin yayılması üçün zəmin yaradır. Doğrudur, yeni ştam hələki ölkəmizdə qeydə alınmayıb, lakin rəsmi açıqlamaya görə, arxayınlaşmaq olmaz. Səhiyyə Nazirliyinin mütəxəssis-eksperti, infeksionist Təyyar Eyvazovun sözlərinə görə, qadağalar aradan qaldırılsa, bəzi yumşalmalar tətbiq edilsə də, bu, prosesin nəzarətdən çıxmasına səbəb olmur. O, bildirib ki, yenə də diqqətli olmaq lazımdır ki, əgər dövriyyəyə yeni bir ştam daxil olarsa, təbii ki, yeni bir dalğanı yaşamaq zərurəti yarana bilər.
"Aparılan ilkin müşahidələrə görə "BA.2" variantının aşkarlandığı şəxslərdə əsasən yuxarı tənəffüs yollarına aid şikayətlər qeydə alınır, burun axıntısı, öskürək, boğaz ağrısı, halsızlıq kimi əlamətlərlə özünü büruzə verir. Həmin mutasiyanın nə dərəcədə patoloji və yoluxucu olmasını araşdırmalar göstərəcək".

Bu fikirləri Azərbaycan Tibb Universitetinin ağciyər xəstəlikləri kafedrasının müdiri, dosent Rafiq Bayramov "BA.2" ştamı barədə qəzetimizə danışarkən deyib.
R.Bayramov bildirib ki, daha çox yapon alimləri bu barədə tədqiqatlar aparıb. Nəticədə 28 mutasiya aşkar olunub. Onun sözlərinə görə, sözügedən ştam "BA.1"ə nisbətən 9 dəfə çox ağciyərləri zədələyir. PCR testi ilə aşkar edilmir və daha təkmilləşdirilmiş müayinələrə ehtiyac yaranır.
"ÜST yeni ştama bu qədər həssas yanaşırsa, bu, həqiqətən vəziyyətin ciddiliyindən xəbər verir. "Omikron" BA.1 variantı şəklində keçən ilin qışından etibarən bütün dünyada dominant idi. Daha sonra BA.2 (“stels-omikron” adlandırılan) versiyası peyda oldu, onun xüsusiyyəti isə həddindən artıq yoluxucu mühitdir. Bu növ istənilən digər ştamla müqayisədə daha yoluxucudur. Hazırda dünyanın bir sıra regionunda BA.2 infeksiyasının səbəb olduğu koronavirusa yoluxma hallarında artım müşahidə olunur", - deyə mütəxəssis vurğulayıb.
Yenə də qayda dəyişmir. Gigiyenaya əməl etmək, tibbi maska taxmaq və üçüncü doza peyvənd olunmaq, xüsusilə bayram günlərindən sonra daha diqqətli hərəkət edərək virusdan qorunmaq lazımdır.

Paylaş:

Baxılıb: 728 dəfə