Heydər Əliyev yeni azerbaycan logo

Ana səhifə / Xəbər lenti / S&P: “Azərbaycan manatının məzənnəsi sabit saxlanacaq”

S&P: “Azərbaycan manatının məzənnəsi sabit saxlanacaq”

22.01.2022 [12:34]

Azərbaycan Mərkəzi Bankının (AMB) mütəmadi müdaxilələri ilə ölkədə ABŞ dollarının məzənnəsi 1,7 manat səviyyəsində saxlanılacaq.

"Report" xəbər verir ki, bunu "Standard & Poor's" (S&P) beynəlxalq reytinq agentliyi bəyan edib. 

"Buna baxmayaraq, fikrimizcə, karbohidrogen qiymətləri kəskin enərsə və uzun müddət aşağı səviyyədə qalarsa, rəsmi orqanlar məzənnəyə düzəliş edilməsi imkanını nəzərdən keçirə bilər. Bu, AMB-nin 2015-ci ildə məruz qaldığı xarici valyuta ehtiyatlarının əhəmiyyətli itkisinin qarşısını almağa kömək edə bilər", - məlumatda deyilir.

S&P 2026-cı ilə qədər Azərbaycan manatının Amerika valyutası qarşısında məzənnəsinin dəyişməyəcəyini proqnozlaşdırır. 

2021-ci ildə əmtəə birjalarında “Brent” markalı neftin bir barelinin orta qiyməti 2020-ci ildəki 43 ABŞ dollarına qarşı 71 ABŞ dolları təşkil etdiyi bəyan edən S&P 2022-ci ildə qiymətin orta hesabla 75 ABŞ dolları, 2023-cü ildə 65 ABŞ dolları, 2024-2025-ci illərdə isə 55 ABŞ dolları olacağını proqnozlaşdırır.  Azərbaycanın 2022-ci il üçün büdcəsində neftin orta qiyməti 1 barel üçün 50 ABŞ dolları səviyyəsində müəyyən edilib.

"S&P" həmçinin Azərbaycan və Türkiyənin mərkəzi bankları arasında qonşu ölkənin alyuta ehtiyatlarının artırılmasına kömək etmək üçün bağlanılacaq svop müqaviləsi üzrə danışıqları da şərh edib: "Danışıqlar prosesi barədə ətraflı məlumata malik olmasaq da, mümkün müqaviləni əsasən siyasi motivli hesab edirik və bununla da AMB-nin beynəlxalq ehtiyatlarının əhəmiyyətli dərəcədə azaldacağını gözləmirik”. 

Paylaş:
Baxılıb: 209 dəfə

Xəbər lenti

Hamısına bax

Sosial

İqtisadiyyat

Prezident bu gün

Prezident bu gün

28 May 10:15

İqtisadiyyat

Xəbər lenti

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31