Paşinyanın Sevinc Osmanqızına xəyanəti

Bakı:

17 °C

63 %

10 m/s

Əlaqə

AZ RU EN

Ana səhifə / Xəbər lenti / Paşinyanın Sevinc Osmanqızına xəyanəti

Paşinyanın Sevinc Osmanqızına xəyanəti

27.12.2021 [18:08]

Sevinc: “O (Paşinyan) olmasın, bu (Araik) olsun

Dekabrın 24-də Ermənistanın baş naziri Nikol Paşinyan mətbuat konfrası keçirib, jurnalistlərin və ölkə ictimaiyyətinin suallarını cavablandırıb. Həmin mətbuat konfransında Paşinyan ATƏT-in Minsk Qrupunun 2016-cı ildəki danışıqlar prosesində fəlakət yaşandığını bildirib. Belə ki, 2016-cı ilin yanvarında ATƏT-in Minsk Qrupu o vaxtkı Dağlıq Qarabağda parlamentin, hüquqi dövlətin və s. olması barədə təkliflər paketi təqdim etsə də, aralıq statusun dəqiqləşdirilməsi məsələsinə BMT Təhlükəsizlik Şurasının baxacağını bildirmişdi. Bu isə Qarabağın status məsələsinin ATƏT-in MQ çərçivəsində deyil, BMT-nin TŞ-nda müzakirə olunacağı və əlbəttə ki, Dağlıq Qarabağın Azərbaycanın tərkibində olması demək idi. Paşinyan həmçinin qeyd edib ki, keçmiş Dağlıq Qarabağ Muxtar Vilayətinin ərazisi danışıqların heç bir mərhələsində Ermənistanın ərazisi olaraq qəbul edilməyib, üstəlik, həmin danışıqlarda Dağlıq Qarabağda azərbaycanlıların da yaşadığı qeydə alınıb və onların maraqlarının müdafiəsi gündəlikdə olub və hələ 1993-cü ildə isə BMT TŞ “Dağlıq Qarabağ – Azərbaycan ərazisidr” formulunu qəbul edib.
Mətbuat konfransı bitər-bitməz Ermənistan iki, bəlkə də ikidən çox cəbhələrə bölünüb. Kimi Paşinyanı dəstəkləyir, kimi də... bu müsahibəsi ilə Azərbaycanın maraqlarına “xidmət edən” Paşinyana asi olduğunu bəyan edərək, etirazını bildirir, dolayısı ilə keçir Ermənistanın maraqlarına xidmət edən azərbaycanlıların, məsələn, Sevinc Osmanqızı və digər xaricdə oturub dövlətimiz əleyhinə hər gün min hoqqa çıxaranların cəbhəsinə. Sevinc demişkən, dekabrın 24-ə qədər ah-vay edib, “kaş o bizim prezidentimiz olaydı” xülyası ilə Paşinyana sevgi izhar edən, elə bu izharı ilə nəinki azərbaycanlıların, elə antipaşinyan mövqedə dayanan ermənilərin də təəccübünə səbəb olan bu xanım görəsən indi nə düşünür? Paşinyanın onun sevgisinə bu qədər qəddarcasına xəyanət etməsindən sonra nə edəcək, nə danışacaq, məhv olmuş xəyallarındakı “ah”ları və “kaş” ları kimin ünvanına yönəldəcək? Bəlkə elə Araik Arutyunyanın? Axı, fürsətdir, bu dəqiqə Araik yuyulmamış çömçə kimi ortalığa atılıb, Paşinyanın müsahibəsində dediklərinə sərt şəkildə etiraz edərək, bütün Ermənistanın diqqətini üzərinə çəkməkdədir. Paşinyanın “...mən həqiqəti gizlədə bilmirəm” kimi çarəsiz etirafından sonra həşir salıb hələ də hansısa xəyali Arsaxdan sarsaq-sarsaq danışan Araik, demoqrafik baxımdan keçmişə dönməyin mümkünsüzlüyündən dəm vurur. Əslində, Araik bu dəqiqə Sevincin və sevinckimilərin dediklərinin təkrarından başqa bir şey demir, bütün davranışı ilə onların ürəyindən xəbər verir və çox güman ki, elə Paşinyanın sevgisindən əli üzülmüş Sevinc xanımın növbəti məhəbbət izharı məhz ona ünvanlanacaq. Və Sevinc Osmanqızı tezliklə “O (Paşinyan) olmasın, bu (Araik) olsun deyəcək yəqin. Yenə də ah çəkərək, “kaş” deyərək...
Sonra isə günlər keçəcək, Araik də, bu gün Paşinyana qarşı çıxıb özündən Ermənistan psevdomüxalifəti düzəldən digərləri də səhvlərini anlayıb, “mən artıq həqiqəti gizlədə bilmirəm” deyəcək, Qarabağın Azərbaycan torpağı olduğunu etiraf edəcəklər... Sonra aylar, illər, qərinələr keçəcək, bütün ermənilərin Azərbaycan nifrəti də tükənəcək hətta, Sevincin və sevinckimilərin isə yox... Çünki Vətənə bir dəfə xəyanət etdinsə, ürəyin onu özünə doğma hiss etmək şansından ömürlük məhrum olur – ilahi ədalət tərəfindən.
Kaş Sevinc də bunu anlayaydı, kaş.

Cavi Dan

Paylaş:

Baxılıb: 913 dəfə