Hüzünlü gündə qanunsuz mitinq keçirərək təxribat törətmək cəhdi siyasi nadanlıq və əxlaqsızlıqdır

Bakı:

24 °C

69 %

10 m/s

AZ RU EN

Ana səhifə / Xəbər lenti / Hüzünlü gündə qanunsuz mitinq keçirərək təxribat törətmək cəhdi siyasi nadanlıq və əxlaqsızlıqdır

Hüzünlü gündə qanunsuz mitinq keçirərək təxribat törətmək cəhdi siyasi nadanlıq və əxlaqsızlıqdır

03.12.2021 [12:10]

Musa Quliyev

Milli Məclisin deputatı

Vertalyot qəzasında həlak olmuş 14 şəhid zabitimizin dəfni günü Əli Kərimli və onun tör- töküntüləri olan milli xainlərin icazəsiz aksiya keçirməyə cəhd göstərmələri, ictimai asayişi pozan qanunsuz hərəkətləri şəhidlərimizə hörmətsizlikdir, qanunların pozulmasıdır.

Əvvəla, pandemiya və karantin dövründə hər hansı bir aksiyanın keçirilməsi qanunla qadağandır və belə aksiyaların təşkilatçıları və iştirakçıları qanunla inzibati məsuliyyət daşıyırlar. İkincisi bu aksiya qanunsuz keçirilirsə bu ikiqat məsuliyyət yaradır. Digər tərəfdən etiraz aksiyasının keçirilməsinin şəhid zabitlərimizin dəfni gününə salınması və ictimai asayişin pozulmasına cəhd naqis və təxribatçı niyyətin ortada olduğunun göstəricisidir. Məhz bu hüzünlü gündə qanunsuz mitinq keçirərək təxribat törətmək cəhdi siyasi nadanlıq və əxlaqsızlıqdır. Və xalqımız bu nankorların milli dəyərlərimizi təhqir edən belə davranışını haqlı olaraq qınayır və bu yaramazlara nifrətini və hiddətini bildirir.

"Saleh Rüstəmliyə azadlıq" aksiyası əslində bir təxribar idi. Təxribatçı başı Əli Kərimlinin və anti- milli şuranın bu təxribatı törətməkdə əsil məqsədi cənab Prezident İlham Əliyevin Soşidə və Aşqabadda qazandığı uğurlara kölgə salmaq, bu uğurları qəbul edə bilməyən etmənipərəst qüvvələrdən pul qarışıq aldığı sifarişləri yerinə yetirmək idi.

Kimdir Saleh Rüstəmli? Rusiyadan mənşəyi məlum olmayan qaranlıq mənbələrdən əldə etdiyi külli miqdarda vəsaiti ölkədə asayişin pozulmasına xidmət edən tədbirlər üçün qanunsuz yollarla Əli Kərimliyə ötürən bir kondrabandaçı. Özü də həm istintaqda həm də məhkəmədə günahlarını ehtiraf etmiş adam həbsindən xeyli müddət keçəndən sonra niyə aclıq eləsin ki? Deməli burada plan Azərbaycanın uğurlarını həzm edə bilməyən imperialist ağalara nökərçilik etməklə aldıqları sifarişi yerinə yetirməkdir. Aksiya zamanı guya döyülən (əslində hansı şəraitdə xəsarət aldığı bilinməyən) Tofiq Yaqublu adlı şəxsin, eləcə də məhkum Saleh Rüstəmlinin birinci Qarabag müharibəsinin iştirakçısı olduğunu tez- tez vurğulayan müxalifətin böhtançı KiV və sosial şəbəkə fəallarının davranışı da siyasi əxlaqdan və hər cür etikadan çox kənardır. Heç şübhəsiz ki, bu qanunsuz və əxlaqsız mitinqi keçirməyə cəhd edənlərin əsil məqsədi Saleh Rüstəmlinin azad olunması istəyi deyildir. Əslində Saleh Rüstəmli də Tofiq Yaqublu da bu oyunda "günah keçiləri", kiçik peşkalardır və onların xəsarət alması , hətta ölməsi belə Əli Kərimliyə və anti- milli şuraya sərf edir.

Bəs nəyə görə bu deyri- qanunu aksiya baş tutmayan kimi uzun müddətdir ki, komada olan Oqtay Güləliyevin guya vəfat etməsi barədə feyk- xəbəri dövrəyə buraxdılar və bu kimə sərf edən xəbər idi?

Buna görə də hesab edirəm ki istintaq bu suallara aydınlıq gətirməlidir və ilk növbədə Əli Kərimlini dindirməlidir.

Bu xainlərin məqsədləri aydındır: Azərbaycanda ictimai asayişi pozmaq. Amma bu məqsədlərinə heç vaxt nail olmayacaqlar. Prezident İlham Əliyevin Azərbaycanı elə möhkəm özüllər üzərində bərqərar olub ki, onun nəinki bir kərpicini, hətta bir kərpicinin üzərindəki qum dənəciyini belə tərpətməyə xain qüvvələrin gücü çatmayacaqdır.

Paylaş:

Baxılıb: 1102 dəfə