Multikulturalizm Mərkəzinin dəstəyi ilə “Talış folkloru konserti” təşkil olunub

Bakı:

26 °C

54 %

3 m/s

Əlaqə

AZ RU EN

Ana səhifə / Xəbər lenti / Multikulturalizm Mərkəzinin dəstəyi ilə “Talış folkloru konserti” təşkil olunub

Multikulturalizm Mərkəzinin dəstəyi ilə “Talış folkloru konserti” təşkil olunub

22.05.2025 [17:37]

Bakı Beynəlxalq Multikulturalizm Mərkəzinin dəstəyi, talış icmasının təşkilatçılığı ilə Rəşid Behbudov adına Dövlət Mahnı Teatrında folklor tədqiqatçısı Fərbiyə Şabanovanın 85 illik yubileyinə və onun yaratdığı “Əvəsor” folklor qrupunun 60 illiyinə həsr olunan “Talış folkloru konserti” keçirilib.

Tədbir Azərbaycan Respublikasının Dövlət Himninin səsləndirilməsi ilə başlayıb.

Bakı Beynəlxalq Multikuluralizm Mərkəzinin icraçı direktoru Rəvan Həsənov çıxış edərək bildirib ki, Azərbaycan çoxəsrlik tarixə və zəngin mədəni irsə malik ölkə kimi, müxtəlif etnik icmaların harmonik şəkildə bir arada yaşadığı, multikultural ənənələrin qorunub saxlandığı nadir coğrafiyalardandır. Bu baxımdan, ölkədə yaşayan xalqların mədəniyyəti, dili və folkloruna xüsusi önəm verilir, uğurlu multikulturalizm siyasəti aparılır. Vurğulayıb ki, Azərbaycanda multikulturalizm siyasətinin əsası Ulu Öndər Heydər Əliyev tərəfindən qoyulub və bu gün Prezident İlham Əliyev tərəfindən uğurla davam etdirilir.

Rəvan Həsənov diqqətə çatdırıb ki, talışların folkloru Azərbaycanın ədəbi-mədəni irsinin ayrılmaz hissəsidir. Azərbaycanda yaşayan xalqların folklorunun, mədəniyyətinin qorunması və gələcək nəsillərə ötürülməsi Azərbaycanın multikultural dəyərlərinin yaşadılması baxımından xüsusi əhəmiyyət daşıyır.

Talış icmasının ağsaqqalı professor İmamverdi Həmidov bildirib ki, folklor sadəcə ədəbi-bədii miras deyil, həm də kollektiv kimliyin, dilin və adətlərin yaşamasının əsas dayağıdır. Talış folkloru da bu xalqın topladığı ictimai-mədəni təcrübəni, inancları, həyat tərzini ifadə edən zəngin xəzinədir, talışların milli ruhunu yaşadan, onu nəsildən-nəslə daşıyan yaddaşdır.

Digər çıxış edənlər Milli Məclisin deputatları Anar İsgəndərov, Azər Badamov, Bakı Dağ Yəhudiləri Dini İcmasının sədri Milix Yevdayev, Azərbaycanda Rus İcmasının sədri, Milli Məclisin deputatı Mixail Zabelin, riyaziyyat üzrə fəlsəfə doktoru Hilal Məmmədov çıxışlarında qeyd ediblər ki, hər bir xalqın kimliyinin, keçmişinin və mənəvi dünyasının ifadə forması olaraq folklor böyük əhəmiyyətə malikdir. Azərbaycanda yaşayan etnik azlıqların multikultural dəyərləri nəinki yaşadılır, eyni zamanda tanıdılır və dəyərləndirilir, çünki Azərbaycanda yaşayan hər bir etnik azlığın folkloru Azərbaycan mədəniyyətinin ayrılmaz hissəsidir.

Tədbirin bədii hissəsində “Əvəsor”, “Hovəli”, “Nənələr”, “Babalar”, “Rəfte”, “Halay” folklor qrupları çıxış ediblər.

Sonda folklor tədqiqatçısı Fərbiyə Şabanova çıxış edib, tədbirin təşkilatçılarına və iştirakçılara təşəkkürünü bildirib.

Paylaş:

Baxılıb: 577 dəfə