Məzrəli kəndində 31 mart Azərbaycanlıların Soyqırımı Gününə həsr edilmş tədbir keçirildi

Bakı:

26 °C

69 %

6 m/s

Əlaqə

AZ RU EN

Ana səhifə / Xəbər lenti / Məzrəli kəndində 31 mart Azərbaycanlıların Soyqırımı Gününə həsr edilmş tədbir keçirildi

Məzrəli kəndində 31 mart Azərbaycanlıların Soyqırımı Gününə həsr edilmş tədbir keçirildi

01.04.2025 [17:29]

İmişli Rayon Ağsaqqallar Şurasının rəhbərliyi və Məzrəli kənd ağsaqqallar şurasının təşkilatçılığı ilə 31 mart Azərbaycanlıların Soyqırımı Gününə və Qarabağ müharibəsində Məzrəli kəndindən şəhid olanların xatirəsinə həsr edilmş tədbir keçirilmişdir.

Tədbirdə İmişli Rayon Ağsaqqallar Şurasının rəhbərliyi, Ağsaqqallar şurasının Məzrəli kənd təşkilatının üzvləri, şəhid ailələri və kənd ictimaiyyətinin nümayəndələri iştirak edirdi.

İlk öncə 31 mart Azərbaycanlıların Soyqırımında həlak olmuş insanların və Qarabağ müharibəsində torpaqlarımızın azadlığı uğrunda canından keçən şəhidlərimizin xatirəsi bir dəqiqəlik sükutla yad edilib.

Bundan sonra “Qurani-Kərim”dən ayələr və dualar oxunub.

Tədbirdə çıxış edən İmişli Rayon Ağsaqqallar Şurasının sədri Saleh Səmədov tədbirin məzmunu haqqında ətraflı məlumat verərək Azərbaycanlılara qarşı soqrımların unudulmaması, bu dövrün hadisələri ilə gənc nəsilin ətraflı tanış olmasının əhəmiyyətini qeyd edib. Şəhidlərimizin xatirəsinin həmişə əziz tutulmasının yetişməkdə olan nəslin vətənpərvərlik tərbiyəsində əvəzsin rolunu bildirib.

Saleh müəllim çıxışında Azərbaycanda ağsaqqallar şurasının fəaliyyətindən, qarşıya qoyulan vəzifələrdən ətraflı danışmışdır. Ağsaqqallar şurasının dövlətə, prezidentin apardığı uğurlu siyasətə həmişə dəstək vermək əzmində olduğunu bildirmişdir. Məzrəli kənd ağsaqqallar təşkilatının fəaliyyətini yüksək qiymətləndirmiş, habelə kənddən olan dünyasını dəyişmiş nüfuzlu ağsaqqalları xatırlamışdır.

Tədbirdə çıxış edən İmişli Rayon Ağsaqqallar Şurası sədrinin müavini Məmi Atakişiyev ağsaqqalların cəmiyyətimizdəki rolundan, milli- mənəvi dəyərlərimiz və adət- ənənələrimizdən söhbət açaraq onların qorunmasının əhəmiyyətini bildirmişdir.

İmişli Rayon Ağsaqqallar Şurası sədrinin birinci müavini Vahid Tağıyev çıxışında əvvəl Qarabağ müharibəsində Məzrəli kəndindən 17 nəfərin şəhidlik zirvəsinə yüksəlməsi haqqında danışmışdır.

Sonra çıxışında bir əsrdən çox davam edən erməni soyqırımı haqqında xronoloji ardıcıllıqla, müfəssəl məlumat vermişdir.

Ulu Öndərimiz Heydər Əliyevin 26 mart 1998-ci il tarixli "Azərbaycanlıların soyqırımı haqqında" Azərbaycan Respublıkası prezidentinin Fərmanını bir daha diqqətə çatdırmışdır.

Bu fərmanla Azərbaycanın XIX-XX əsrlərdə baş verən bütün faciələri, ermənilərin azərbaycanlılara qarşı düşünülmüş, planlı surətdə həyata keçirdiyi soyqırım siyasətinə hüquqi qiymət verilmişdir.

Fərmanda göstərilir ki, Azərbaycan xalqına qarşı törədilmiş bütün soyqırım faciələrini qeyd etmək məqsədilə 31 mart Azərbaycanlıların Soyqırımı Günü elan edilsin.

Dahi lidermiz Heydər Əliyevin layiqli davamçısı prezidentimiz İlham Əliyevin mükəmməl siyasəti, rəhbərliyi ilə Milli Ordumuz torpaqlarımızı düşməndən azad etdi. Bu tarixi qələbə, həm də iki əsrə yaxın davam edən erməni vandalizminə, Azərbaycanlılara qarşı aparılan soyqırım siyasətinə ən layiqli cavab oldu.

Sonda tədbirdə çıxış edən rayon ağsaqqallar şurasının Məzrəli kənd təşkilatının sədri Eldəniz Məmmədov hamıya təşəkkürünü və minnətdarlığını bildirmişdir.

Paylaş:

Baxılıb: 752 dəfə