İqtisadi Zonaların İnkişafı Agentliyi mətbuat konfransı keçirilib

Bakı:

20°C

49%

3m/s

Əlaqə

AZ RU EN

Ana səhifə / Xəbər lenti / İqtisadi Zonaların İnkişafı Agentliyi mətbuat konfransı keçirilib

İqtisadi Zonaların İnkişafı Agentliyi mətbuat konfransı keçirilib

06.02.2025 [10:42]

Fevralın 5-də inşallah İqtisadi Zonaların İnkişafı Agentliyinin 2024-cü ilin yekunlarına və qarşıda duran hədəflərə dair mətbuat konfransı keçirilib.

"Yeni Azərbaycan" xəbər verir ki, İqtisadi Zonaların İnkişafı Agentliyinin idarəçiliyində olan sənaye zonalarına sahibkarların marağı hansı səviyyədə olduğu və hazırda Agentlikdə baxılmada olan layihələr barədə məlumat verilib.

İqtisadi Zonaların İnkşaf Agentliyi İdarə Heyətinin Sədri Seymur Adıgözəlov çıxışında sənaye zonaları ölkəmizdə sahibkarların investisiya layihələrini həyata keçirmələri üçün əlverişli məkanların olduğunu qeyd edib:. "Təbii olaraq sahibkarlar tərəfindən sənaye zonalarına, xüsusən də işğalda azad edilmiş ərazilərdə yaraılmış sənaye parklarına marağı yüksəkdir. Agentlik tərəfindən sahibkarların sənaye zonalarına cəlb edilməsi istiqamətində mütəmadi işlər aparılır. Hazırda Agentlik tərəfindən baxılmada olan 20-yə yaxın layihə əsasən əczaçılıq və qida məhsullarının istehsalı, mebel klasterinin yaradılması, avtomobil istehsalı və s istiqamətlərdir".

O çıxışında Çinin BYD şirkəti tərəfindən Sumqayıt Kimya Sənaye Parkında elektrik mühərrikli avtobusların istehsalı layihəsi barədə də məlumat verib: "Cari ildə Çinin BYD şirkəti tərəfindən elektrik mühərrikli avtobusların istehsalı müəssisəsinin fəaliyyətə başlaması planlaşdırılır. Artıq şirkətin istehsalı üçün lazımı infrastruktur qurulub, yaxın günlərdə isə istehsal xəttinin quraşdırılması istiqamətində işlərə başlanması nəzərdə tutulur. Layihənin təqribən investisiya həcmi 29 milyon manatdan çoxdur".

Məlumat üçün bildirək ki, 2018-ci ildən 2024-cü il də daxil olmaqla İqtisadi Zonaların İnkişafı Agentliyinin idarəçiliyində olan sənaye zonalarında 442,5 milyon manatlıq avtomobil istehsalı həyata keçirilib.

S. Adıgözəlov bildirib ki, təkcə ötən il ərzində Hacıqabul Sənaye Parkında 107,5 milyon manatlıq 3761 ədəd avtomobil, Neftçala Sənaye Məhəlləsində isə 54,65 milyon manatlıq 2182 ədəd avtomobil istehsal edilib. Avtomobil istehsalı ötən ilin müvafiq dövrü ilə müqayisədə təqribən 34% artıb:

"2023-cü ilin mayında Özbəkistan və Azərbaycan şirkətləri tərəfindən inşa ediləcək Hacıqabul Sənaye Parkında avtomobil istehsalının boyaq, qaynaq və yığım mərhələsinin lokallaşdırılması zavodunun təməli qoyuldu.
Hazırda Hacıqabul Sənaye Parkında avtomobil istehsalının boyaq, qaynaq və yığım mərhələsinin lokallaşdırılması zavodunun qurulması istiqamətində işlər davam etdirilir. Tikinti işləri sürətlə gedir, işlərin cari ilin sonunadək yekunlaşdırılması nəzərdə tutulur. Müəssisənin 2025-ci ilin sonlarında fəaliyyətə başlamasını planaşdırırıq. Layihənin investisiya dəyəri 88 milyon manatdır. Zavodun illik istehsal gücünün 30 min ədəd avtomobil olacağı nəzərdə tutulur. Müəssisədə 1200-dən çox iş yeri yaradılacaq".

Havar Şəfiyeva

Paylaş:

Baxılıb: 102 dəfə