İmişli rayon Ağsaqqallar Şurasının tədbirləri davam edir

Bakı:

25 °C

48 %

4 m/s

Əlaqə

AZ RU EN

Ana səhifə / Xəbər lenti / İmişli rayon Ağsaqqallar Şurasının tədbirləri davam edir

İmişli rayon Ağsaqqallar Şurasının tədbirləri davam edir

13.09.2024 [15:25]

Bu gün İmişli rayon Ağsaqqallar Şurası İmişli rayon Suvarma Sistemləri idarəsi və Mərkəzi Muğan Kollektorlar idarəsinin ağsaqqqalları ilə tədbir keçirib. Tədbirdə Rayon Ağsaqqallar Şurasının sədri Saleh Səmədov, sədr müavinləri Səlim Məhərrəmov, Davud Zülfüqarov, sədr köməkçisi Ramiz Əliyev, Şura üzvləri Fərman Vəliyev, Adil Kərimov, Suvarma Sistemləri İdarəsinin rəisi Samir Məmmədov, Mərkəzi Muğan Kollektorlar idarəsinin rəisi Qasım Qasımov, Suvarma sistemləri idarəsinin və Mərkəzi Muğan Kollektorlar idarəsinin çoxsaylı işçiləri iştirak edirdi.

İmişli rayon Ağsaqqallar Şurasının sədri Saleh Səmədov ilk öncə Azərbaycan Ağsaqqallar Şurasının sədri, Hesablayıcı Komissiyanın sədri, Azərbaycan Mərkəzi Kooperativlər İttifaqı – “Azərittifaq”ın sədri, Azərbaycan Kooperasiya Universitetinin rektoru, iqtisad elmləri doktoru, professor Eldar Quliyevin salamlarını ağsaqqallara çatdırıb. Saleh Səmədov bildirdi ki, Eldar müəllim yerli şuraların yaradılması və ora yeni-yeni üzvlərin qəbul olunması təşəbbüsünü yüksək qiymətləndirərək öz xoş arzularını sizə bildirir. O, həmçinin qeyd etdi ki, bu idarələrdə rayon Ağsaqqallar Şurasının yerli təşkilatlarının yaradılması, bu təşkilatlara üzvlərin qəbul edilməsi diqqət yetirdiyimiz vacib məsələdir. Bu idarələrin ağsaqqalları hər iki müəssisənin nəzdində yerli şuranın yaradılması üçün təşəbbüs qaldırmışlar. Rayon Ağsaqqallar Şurası bu təşəbbüsü bəyənmiş və buna görə də biz bu gün bu toplantınızda iştirak edirik. Biz də öz növbəmizdə bu idarələrin nəzdində yerli şuraların yaradılmasını və oraya könüllülük əsasında yeni üzvlərin qəbul edilməsini çox əhəmiyyətli bir iş hesab edirik. Qeyd etmək istəyirəm ki, hal-hazırda rayon şurasının tərkibində 500 nəfər ağsaqqal birləşir. Üzvlərimizin sayı hər yeni gün artmaqdadır.

Çıxış edən digər nümayəndələr Ağsaqqallar Şurasının son dövrdəki fəaliyyətinin daha da gücləndirilməsi və həyata keçirdiyi tədbirləri müsbət hal kimi qeyd etdilər. Sonra hər iki idarənin ağsaqqalları səs vermə yolu ilə özlərinin idarə heyətlərinin üzvlərini və sədrlərini seçmək üçün fəaliyyətə başladılar. Suvarma Sistemləri idarəsində yerli şurada səs vermə yolu ilə 9 nəfərdən ibarət idarə heyəti, Feyzullayev Azər Xanoğlan oğlu sədr, Məmmədov Möhübbət İsməli oğlu, Muradov Ehtiram Kərim oğlu isə sədr müavini seçildi. Mərkəzi Muğan Kollektorlar idarəsinin nəzdində yaradılan yerli şurada da müvafiq qayda ilə 7 nəfərdən ibarət idarə heyəti, Paşayev Əlsəfa Surxay oğlu sədr, Eyvazov İdris Mahac oğlu isə sədr müavini seçildi. Rayon Ağsaqqallar Şurasının sədri Saleh Səmədov yeni seçilən heyəti təbrik etdi və onlara şəxsi həyatlarında və əmək fəaliyyətlərində uğurlar arzuladı.

Paylaş:

Baxılıb: 608 dəfə