Heydər Əliyev
yeni azerbaycan logo

Ana səhifə / Xəbər lenti / “Redaksiya siyasəti və peşə davranış qaydaları” mövzusunda təlim təşkil edilib

“Redaksiya siyasəti və peşə davranış qaydaları” mövzusunda təlim təşkil edilib

15.05.2024 [15:34]

Medianın İnkişafı Agentliyi, ADA Universitetinin İnkişaf və Diplomatiya İnstitutunun birgə təşkilatçılığı ilə media nümayəndələri üçün mayın 15-də “Redaksiya siyasəti və peşə davranış qaydaları” mövzusunda təlim keçirilib.

Agentlikdən bildirilib ki, Medianın İnkişafı Agentliyinin İcraçı direktorunun müavini, əməkdar jurnalist Natiq Məmmədli “Media subyektlərinin redaksiya siyasəti”, “Jurnalistlərin peşə davranış qaydaları və sosial şəbəkələrdə fəaliyyət” adlı sessiyalarda çıxış edərək bütün dünyada nüfuzlu media qurumlarının peşə etikası qaydalarını ehtiva edən kodeks əsasında işlədiyini, Azərbaycanın peşəkar mətbuatının da eyni yolu izlədiyini diqqətə çatdırıb. Vurğulanıb ki, müasir informasiya mühitində operativ və effektiv məlumatlandırmanın media ilə aparıldığını nəzərə alaraq, redaksiya siyasətini müəyyənləşdirən bu kodekslər mətbuat qurumunun məqsədini, rəhbər tutduğu dəyərləri, yürütdüyü missiyanı həm öz əməkdaşları, həm də cəmiyyət üçün aydın formada təsvir edir. O qeyd edib ki, media cəmiyyətdə ictimai fikri, sosial fəallığı formalaşdırmaqla yanaşı, həm də onları istiqamətləndirir. Bu mənada jurnalist hazırladığı materialı qərəzsiz və obyektiv təqdim etməli, birtərəfliliyə yol verməməlidir.

Təlimin üçüncü və dördüncü sessiyalarında isə Natiq Məmmədli tərəfindən “Rəqəmsal mühitdə media brendinin qorunmasında yol verilən pozuntular” və “Sosial şəbəkələrdə jurnalist nüfuzunun qorunması problemləri” mövzusunda vörkşop təşkil olunub və ətraflı fikir mübadiləsi aparılıb.

Sonda iştirakçılara sertifikatlar təqdim edilib.

Paylaş:
Baxılıb: 128 dəfə

Xəbər lenti

Hamısına bax

Xəbər lenti

Maraqlı

Fədakar alim...

25 May 11:30

Ədəbiyyat

Qadının kəşfi

25 May 11:20

Gündəm

Gündəm

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31