İsrail ordusunun nümayəndəsi: Raket və dronların əksəriyyəti zərərsizləşdirilib

Bakı:

11 °C

82 %

6 m/s

Əlaqə

AZ RU EN

Ana səhifə / Xəbər lenti / İsrail ordusunun nümayəndəsi: Raket və dronların əksəriyyəti zərərsizləşdirilib - YENİLƏNİB

İsrail ordusunun nümayəndəsi: Raket və dronların əksəriyyəti zərərsizləşdirilib - YENİLƏNİB

14.04.2024 [09:30]

İran İsrailə 200-dən çox raket və pilotsuz uçuş aparatı atıb.

AZƏRTAC xəbər verir ki, bunu İsrail ordusunun nümayəndəsi Daniel Hagari brifinqdə bildirib. O qeyd edib ki, raket və dronların əksəriyyəti zərərsizləşdirilib.

Onun sözlərinə görə, hücum nəticəsində bir hərbi baza kiçik ziyan görüb.

Daniel Hagari onu da əlavə edib ki, İsrail Hərbi Hava Qüvvələri İran dronlarını və raketlərini zərərsizləşdirməkdə davam edir: “Bir daha təkrar etmək istəyirəm: biz danışarkən, İsrail Hərbi Hava Qüvvələrinin təyyarələri ölkəmizə doğru gələn ballistik raketləri zərərsizləşdirir. Lakin biz hələ deyə bilmərik ki, hadisə (hücum – red.) başa çatıb”, - deyə o, brifinqdə bildirib.

xxx

İranın yüzdən çox pilotsuz təyyarəsi ABŞ tərəfindən İsrailin hava məkanından kənarda zərərsizləşdirilib.

AZƏRTAC xəbər verir ki, bu barədə İsrail mediası məlumat yayıb.

İranın BMT-dəki nümayəndəliyi isə İsrailə qarşı hücumun yekunlaşdığını bildirərək, ABŞ-ı münaqişədən kənarda qalması ilə bağlı xəbərdarlıq edib. Nümayəndəliyin “X” sosial şəbəkəsindəki paylaşımda deyilir ki, bu, İranın Dəməşqdəki diplomatik korpusuna hücuma cavabdır.

xxx

İran İsrailə ballistik raketlər atıb.

AZƏRTAC xəbər verir ki, bu barədə İRNA agentliyi mənbələrə istinadən məlumat yayıb.

İslam İnqilabı Keşikçiləri Korpusu (SEPAH) da İsrailin pilotsuz təyyarə və raketlərlə atəşə tutulduğunu təsdiqləyib.

xxx

İsrail ordusu İrandan İsrailə istiqamətlənən bütün dronları izləyir.

AZƏRTAC xəbər verir ki, bu barədə İsrail ordusunun bəyanatında bildirilib.

“Havadan müdafiə kompleksi ölkənin səmasını qorumaq missiyasını yerinə yetirən Hərbi Hava Qüvvələrinin təyyarələri və Hərbi Dəniz Qüvvələrinin gəmiləri ilə eyni vaxtda yüksək hazırlıq vəziyyətindədir. İsrail ordusu bütün hədəfləri izləyir”, - deyə qeyd olunub.

İsrail ordusunun müdafiə sistemləri döyüş hazırlığı vəziyyətinə gətirilib, onlarla təyyarə səmadadır və ABŞ ilə sıx koordinasiya qurulub.

xxx

İran tərəfi İsrailə onlarla pilotsuz uçuş aparatı istiqamətləndirib.

AZƏRTAC “Jerusalem Post” qəzetinə istinadla xəbər verir ki, bu barədə ABŞ və İsrail kəşfiyyatından bildirilib.

Qeyd olunub ki, dronlar İsrailə bir neçə saata çatacaq.

xxx

İran İsrailə pilotsuz təyyarə ilə hücum edib.

AZƏRTAC TASS-a istinadla xəbər verir ki, bu barədə “KAN” radiosu məlumat yayıb.

Hələlik hücumun təfərrüatları açıqlanmayıb.

Qeyd edək ki, İsrail ordusu bu gün Hava Hücumundan Müdafiə Sistemlərinin aktiv hala gətirildiyini, bütün təhsil müəssisələrinin fəaliyyətinin isə müvəqqəti dayandırıldığını bildirmişdi.

Paylaş:

Baxılıb: 560 dəfə