Doğma Xocalı torpağı abadlaşdırılır

Bakı:

20 °C

94 %

8 m/s

Əlaqə

AZ RU EN

Ana səhifə / YAP xəbərləri / Doğma Xocalı torpağı abadlaşdırılır

Doğma Xocalı torpağı abadlaşdırılır

29.02.2024 [11:38]

Fevralın 26-da ölkəmizin başçısı cənab İlham Əliyev Xocalıda Xocalı qurbanlarının xatirəsini əbədiləşdirmək üçün inşa edilən memorial kompleksin təməlini qoyaraq rayon sakinləri qarşısında geniş nitq söyləmişdir. Cənab Prezident Xocalı faciəsinin unudulamyacağını qeyd edərək bildirmişdir ki, bu faciə heç vaxt xalqımızın yaddaşından silinməyəcək. Çünki erməni cəlladlarının əli ilə otuz iki il bundan əvvəl Ermənistan dövləti bu qanlı faciəni törədərək günahsız insanları qətlə yetirmişdir. 613 insan vəhşicəsinə qətlə yetirilmişdir, 150 insan itkin düşmüşdür, - təbii ki, onların da taleyi bəllidir, - 1000-dən çox insan girov götürülmüşdür, 60-dan çox uşaq, 100-dən çox qadın, yaşlı 70 insan erməni vəhşiləri, faşistləri tərəfindən vəhşicəsinə bir gecə içində qətlə yetirilmişdir.

Bu dəhşətli soyqırımının dünyada tanıdılmasında Heydər Əliyev Fondunun vitse-prezidenti Leyla Əliyevanın da müstəsna xidmətləri var. “Xocalıya ədalət” beynəlxalq maarifləndirmə kampaniyasına Leyla xanım Əliyevanın təşəbbüsü ilə 2008-ci ildə start verilmişdir. Kampaniya bir çox ölkələrdə səmərəli şəkildə fəaliyyət göstərir. 100 minlərlə şəxs və 115 təşkilat kampaniyanın fəaliyyətini dəstəkləyir. Sosial şəbəkələrdə təşviqat, sərgilər, toplantılar, müsabiqələr, konfranslar, seminarlar və digər tədbirlər kampaniyanın məqsədlərinə çatmaq üçün istifadə olunan səmərəli vasitələri təşkil edir.

Lakin bu müddət ərzində beynəlxalq təşkilatların ikili standartları bu sahədə də özünü göstərmişdir. Ermənilərin ən kiçik yalanlarına belə dərhal reaksiya verən güclər nədənsə Xocalı soyqırımını görməzdən gəlməyə üstünlük vermişdir. Cənab İlham Əliyev bu cür yanaşmanın bəşəri cinayətlərə yaşıl işıq yandırdığının əsası olduğunu qeyd edərək bildirmişdir ki, “Əfsuslar olsun ki, “Xocalıya ədalət!” çağırışımız cavabsız qaldı. Düzdür, 18 ölkə bizim səylərimizin nəticəsi olaraq bu qanlı faciəni soyqırımı kimi tanımışdır. Ancaq bu ölkələrin arasında böyük dövlətlərin adları yoxdur. Beynəlxalq təşkilatlar, onların bir çoxu bu faciəyə biganə qalmışdır.”

Vətən müharibəsi zamanı bütün Azərbaycan xalqı kimi xocalıların da sevinc və qürur hissi yaşadığını, cəbhəyə əllərindən gələni əsrigəmədiyini bildirən cənab Prezident Xocalı sakinlərinin narahatlığını, Xocalısız ərazi bütövlyümüzün olmamasını o zaman da bildiyini, lakin bəzi həqiqətləri deməyin mümkün olmadığını qeyd edərək söyləmişdir: “Mən bunu bilirdim, ancaq sizə deyə bilmirdim ki, nə olacaq. Halbuki siz də bilirdiniz, mən də bilirəm ki, hər şey ədalətli olacaq. Biz Xocalısız ərazi bütövlüyümüzün, suverenliyimizin tam bərpa olunduğunu hesab edə bilməzdik. Xocalının Azərbaycan xalqının tarixində və şüurunda o qədər böyük yeri var ki, bu faciə qəlbimizdə o qədər böyük yaralar salıb ki, Xocalı azad olunmadan biz sakitləşə bilməzdik. Beş ay əvvəl antiterror əməliyyatı nəticəsində Xocalı daxil olmaq şərtilə, bütün o vaxt digər ərazilər - hansılar ki, işğal altında idi və separatçılar orada at oynadırdılar, - azad edildi. 2023-cü il oktyabrın 15-də Xocalıda Azərbaycan Bayrağı qaldırıldı. Biz Xocalıda böyük abadlıq işlərinə də start vermişik.”

Bəli, bu gün Xocalı azaddır. Bu şəhər öz doğma sakinlərinin əlləri ilə yenidən qurulur. Bu torpaqlara yeni həyat gəlib. İnsanlar bütün ağrı və kədərini unudaraq doğma vətən torpağını həvəslə abadlaşdırırlar. Ölkəmizin başçısı fəxr və qürurla bu torpaqlara azadlıq bəxş edən şəhid övladalarımızın böyük bir tarixi missiyanı şərəflə yerinə yetirdiklərini qeyd edərək onlara rəhmət diləmiş və eyni zamanda bu faciənin heç vaxt unudulmayacağını bildirmişdir: “Həm 2020-ci ildə, həm keçən ilin sentyabr ayında apardığımız hərbi əməliyyatlar bütün beynəlxalq humanitar hüquqa uyğun şəkildə aparılmışdır və bunu hər kəs bilir və heç kim bizə heç bir irad tuta bilmir. Bu, bir daha xalqımızın böyüklüyünü göstərir. Halbuki hər birimizin ürəyində qisas hissi var, hər birimiz o qanlı tarixə qayıdanda, o dəhşətli video və fotosənədlərə baxanda bizi qəzəb boğur, 30 il yox, 300 il keçsə də, bu qəzəb bizi buraxmayacaq. Bu təbiidir, biz insanıq, ancaq eyni zamanda, biz böyük xalqın nümayəndələriyik.”

Natiq Quluzadə,

YAP Zəngilan rayon təşkilatının sədri

Paylaş:

Baxılıb: 663 dəfə