Ümummilli Lidein gənclər siyasətinin əsas prinsiplərindən biri millətinə və dövlətinə sadiq gənc nəsil yetişdirmək idi

Bakı:

27 °C

48 %

2 m/s

AZ RU EN

Ana səhifə / YAP xəbərləri / Ümummilli Lidein gənclər siyasətinin əsas prinsiplərindən biri millətinə və dövlətinə sadiq gənc nəsil yetişdirmək idi

Ümummilli Lidein gənclər siyasətinin əsas prinsiplərindən biri millətinə və dövlətinə sadiq gənc nəsil yetişdirmək idi

01.02.2024 [15:32]

Ümummilli Lider Heydər Əliyev 1993-cü ildə hakimiyyətə gəldikdən sonra gənc nəslə göstərdiyi xüsusi diqqət dövlət siyasətinin əsas istiqamətlərindən birinə çevrildi. Ulu Öndər böyüməkdə olan gənc nəslə qayğını hər zaman önə çəkirdi. Dünyəvi dövlət quruculuğu prosesində gənclik enerjisinə ehtiyac duyulduğunu düzgün qiymətləndirən Heydər Əliyev gənclər siyasətinin ayrı-ayrı istiqamətlərini dəqiq və mükəmməl şəkildə müyyənləşdirirdi. Bu istiqamətdə gənc kadrların hazırlanması və təşkilatlanması üçün Ulu Öndərin imzaladığı 1994-cü il 26 iyul tarixli Fərmanı ilə Gənclər və İdman Nazirliyi yaradıldı. Ümummilli Liderin gənclər forumunun təşkili ilə bağlı 1995-ci ildə irəli sürdüyü təşəbbüsdən sonra 1996-cı ildən başlayaraq Azərbaycan gənclərinin forumları keçirildi. 1996-cı il fevralın 2-də keçirilən Azərbaycan Gənclərinin I Forumunda Heydər Əliyev gənclər qarşısında tarixi bir vəzifə qoymuşdur: «Hər bir Azərbaycan gənci hər şeydən çox, hər şeydən artıq müstəqil Azərbaycanın bu günü, gələcəyi haqqında düşünməlidir».

1997-ci il fevralın 2-də imzalanmış Fərmana əsasən, fevralın 2-si Azərbaycan Gəncləri Günü elan edildi. Ölkəmizin gələcəyi üçün müstəsna əhəmiyyətini nəzərə alaraq istedadlı gənclərin yaradıcılıq potensialını inkişaf etdirmək məqsədilə xüsusi təqaüdlər təsis edildi. Bununla da Azərbaycanda dövlət quruculuğunun bütün sahələrində olduğu kimi gənclər siyasətində də əsaslı və köklü dəyişikliklər yaşandı. Məhz Ümummilli Liderin fəaliyyəti nəticəsində Azərbaycan gəncliyi öz layiq olduğu mərtəbəyə yüksələ bilmişdir. 2002-ci il 9 aprel tarixində “Gənclər siyasəti haqqında” Azərbaycan Respublikasının Qanunu qəbul edildi. Bu Qanun Azərbaycan Respublikasında gənclər siyasətinin məqsədlərini, prinsiplərini, istiqamətlərini, təşkilati-hüquqi əsaslarını müəyyən edir və bu sahədə yaranan münasibətləri tənzimləyir. Gənclərimizin vətənə sədaqət ruhunda tərbiyə edilməsi Ulu Öndər Heydər Əliyevin azərbaycançılıq ideologiyasının mühüm istiqamətini təşkil edirdi. Bu mənada Ümummilli Liderin Azərbaycan gəncliyinə ən böyük töhfələrindən biri milli gəncliyimizə rəhbərlik edə biləcək, gənc və təcrübəli bir kadr, İlham Əliyev cənablarını yetişdirməsi oldu. Heydər Əliyevin dövlətçilik fəlsəfəsi və azərbaycançılıq məfkurəsinə uyğun şəkildə hərtərəfli inkişaf edən Azərbaycan gənci Müzəffəz Ali Baş komandanın rəhbərliyi ilə 44 günlük “Vətən müharibəsi”ndə qəhrəmanlıq dastanı yazdı. Şanlı Azərbaycan Ordusunun sıralarındakı Vətən uğrunda mətanətlə vuruşan qəhrəman gənclərimiz öz adlarını xalqımızın ən yeni tarixinə qızıl hərflərlə yazdılar. Onların rəşadəti sayəsində əldə olunan bu Şanlı Zəfər ölkəmizin ərazi bütövlüyünü bərpa etdi, xalqımız otuz illik həsrətdən sonra tarixi torpaqlarını mənfur düşməndən azad etdi. Təsadüfi deyil ki, Azərbaycan Respublikasının Prezidenti, Müzəffər Ali Baş Komandan İlham Əliyev bununla bağlı demişdir: «Bu gün Azərbaycan gəncləri cəmiyyətimizin fəal hissəsidir. Biz haqlı olaraq gənclərimizlə fəxr edə bilərik. Bizim gənclərimiz torpaq uğrunda, Vətən uğrunda vuruşurlar. Bizim şəhidlərimizin böyük əksəriyyəti gənclərimiz olubdur. Bizim gənclərimiz hərbi qələbələrimizi şərtləndiriblər». Azərbaycan gənci Vətən uğrunda döyüşlərlə yanaşı, arxa cəbhədə də yüksək fəallıq göstərib, ölkəmizlə bağlı həqiqətlərin, işğalçı Ermənistanın əzəli torpaqlarımızda törətdikləri vandallıq aktlarının beynəlxalq ictimaiyyətin diqqətinə çatdırılmasında fəal iştirak ediblər.

Ümummilli Lider Heydər Əliyevin gənclər siyasətinin əsas prinsiplərindən biri millətinə və dövlətinə sadiq bir gənc nəsil yetişdirmək idi ki, «Vətən Müharibəsi» bu məqsədin gerçək olduğunu bir daha təsdiqlədi.

Müzəffər ölkənin qalib gəncləri indi daha inamla və daha həvəslə dövlətimizin inkişafı və bayrağımızın daha yüksəkliklərdə dalğalanması üçün öz mübarizəsini davam etdirməlidir.

Təhmasib Rüstəmov

YAP Qubadlı Rayon Təşkilatının sədri

Paylaş:

Baxılıb: 530 dəfə