Əsrə bərabər 20 il

Bakı:

23 °C

64 %

6 m/s

Əlaqə

AZ RU EN

Ana səhifə / YAP xəbərləri / Əsrə bərabər 20 il

Əsrə bərabər 20 il

25.12.2023 [10:37]

Müasir Azərbaycan dövlətinin banisi, xalqımızın Ümummilli lideri Heydər Əliyevin Prezident kimi 10 illik fəaliyyəti dövründə bir iqtisadi formasiyadan digərinə keçid alan Azərbaycan cəmiyyətini bütün təhlükələrdən xilas edərək, yeni iqtisadi modellə gələcəyimizi İlham Əliyev kimi gənc , peşəkar siyasi liderin rəhbərliyinə istiqamətləndirdi.

Ulu Öndər Heydər Əliyev 1 oktyabr 2003-cü il tarixində Azərbaycan xalqına müraciətində deyirdi “Üzümü Sizə - həmvətənlərimə tutaraq, qarşıdan gələn Prezident seçkilərində Prezidentliyə namizəd, mənim siyasi varisim, Yeni Azərbaycan Partiyası sədrinin I müavini İlham Əliyevi dəstəkləməyə çağırıram. O, yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir. Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirərək Azərbaycan dövlətinin inkişafı və xalqımızın firavanlığı yolunda çox işlər görəcəklər.İnanıram ki, mənim axıra çatdıra bilmədiyim taleyüklü məsələləri, planları, işləri Sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm”.

Qədirbilən Azərbaycan xalqı ulu öndər Heydər Əliyevin müraciətini dinləyərək, tövsiyyəsini müqəddəs hesab edərək 2003-cü il oktyabrın 15-də cənab İlham Əliyevi Azərbaycan Respublikasının Prezidenti seçdi. Prezident seçkilərində seçicilərin 76%-dən çoxu İlham Əliyevə səs verdi.

Cənab İlham Əliyev hakimiyyətə gəlişi ilə Azərbaycan dövləti üçün yeni səhifə açdı. Bu səhifə Azərbaycanı regionun lider dövlətinə çevirmək, onun beynəlxalq nüfuzunu artırmaq, dövlətimizi gücləndirmək və onu daha da qüdrətli etmək kimi vəzifələri həyata keçirməyə başladı. Dərhal ciddi əhəmiyyət daşıyan proqramlara imza atdı, struktur dəyişiklikləri apardı, eyni zamanda əsası ulu öndərimiz tərəfindən qoyulan neft strategiyasının beynəlxalq səviyyədə uğurlu gedişini təmin etmək üçün Bakı-Tbilisi-Ceyhan neft kəmərinin tikintisinin başa çatması və istifadəyə verilməsi kimi bir vəzifənin yerinə yetirilməsi ilə əslində, Azərbaycana xarici valyutanın axınını təmin etdi, həmçinin Avropanın ən etibarlı partnyorlarından birinə çevrildi. Bu tərəfdaşlıq Avropanın enerji təhlükəsizliyinin təmin olunmasında çox önəmli rol oynadı.

Prezident cənab İlham Əliyevin rəhbərliyi ilə 20 illlik qısa zaman kəsiyində Azərbaycan dövləti çox böyük uğurlara imza atdı.

Ötən 20 ilə nəzər salsaq görərik ki, dövlətimizin başçısı xalqa verdiyi bütün vədləri yerinə yetirib. Bu müddət ərzində ölkəmizin bütün sahələrdə sürətli inkişafına nail olunub, insanların rifah halı daha da yaxşılaşıb.

Əsrə bərabər 20 ilin zirvəsində təbii ki, işğal altındakı torpaqlarımızın azad olunması, ərazi bütövlüyümüzün bərpası ilə nəticələnmiş Vətən müharibəsi dayanır. Prezident, Müzəffər Ali Baş Komandan İlham Əliyevin rəhbərliyi ilə qazanılmış Qarabağ Zəfəri xalqımızın qəhrəmanlıq tarixinə qızıl hərflərlə yazıldı. Azərbaycan qalib ölkəyə, xalqımız qalib xalqa çevrildi.

Prezident İlham Əliyevin sayəsində bu gün Azərbaycan regionun lider dövlətinə çevrilib, beynəlxalq nüfuzu artıb, dünyada söz sahibinə çevrilib. Məhz Onun yüksək intellekti, praqmatik düşüncəsi, müasir dünya siyasətini və iqtisadiyyatını gözəl bilməsinin nəticəsidir ki, bu gün ölkəmiz heç zaman olmadığı qədər güclü və qüdrətlidir. Bu bir reallıqdır ki, Azərbaycan heç vaxt indiki qədər güclü olmayıb.

Bu gün Azərbaycan dünyanı həm də azad edilmiş ərazilərdə sürətli bərpa və yenidənqurma işlərilə heyrətləndirir. Dövlət başçımızın rəhbərliyi ilə Qarabağ tezliklə cənnətə çevriləcək, keçmiş məcburi köçkünlər maksimum qısa müddətdə doğma yurdlarına qayıdacaqlar.

Dövlət başçımızın 20 illik fəaliyyətinə, onun rəhbərliyi ilə ölkəmizin qazandığı, əldə etdiyi uğurlara, nailiyyətlərə, möhtəşəm tarixi Zəfərimizə baxdıqda əminlikdə demək olar ki, Prezidenti İlham Əliyevin rəhbərliyi ilə Azərbaycan xalqını qarşıda hələ çox ugurlar, Zəfərlər gözləyir.

Sahib Şükürov

YAP Göyçay rayon təşkilatının sədri

Paylaş:

Baxılıb: 676 dəfə