Partiya fəalları ilə görüş keçirilib

Bakı:

26 °C

52 %

4 m/s

Əlaqə

AZ RU EN

Ana səhifə / YAP xəbərləri / Partiya fəalları ilə görüş keçirilib

Partiya fəalları ilə görüş keçirilib

04.11.2023 [18:39]

Yeni Azərbaycan Partiyası Xəzər rayon təşkilatının məsul əməkdaşları Siyasət Həsənov və Nəzrin Bayramova 03 noyabr 2023-cü il tarixində Xəzər rayonu Buzovna qəsəbəsi Ruhulla Axundov küçəsi 2A (14 saylı Birləşmiş Şəhər Xəstəxanası) və Şağan qəsəbəsi Səfurə İbrahimova küçəsi 85 (Şağan Reabilitasiya Pansionatı) ünvanlarında partiya fəalları ilə görüş keçirmişdir.

Görüş iştirakçıları Yeni Azərbaycan Partiyasının yaradıcısı ümümmilli lider Heydər Əliyevin və Azərbaycanın ərazi bütövlüyü uğrunda canlarından keçən şəhidlərimizin əziz xatirəsini bir dəqiqəlik sükutla yad etmişlər.

Keçirilən görüşlərdə Yeni Azərbaycan Partiyası Xəzər rayon təşkilatının məsul əməkdaşları Siyasət Həsənov və Nəzrin Bayramova YAP-ın VII Qurultayından sonra ərazi partiya təşkilatlarının qarşısına qoyulan vəzifələrdən və bu vəzifələrin həyata keçirilməsindən, partiyada aparılan islahatlardan söhbət açıblar.

Yeni Azərbaycan Partiyası Xəzər rayon təşkilatının məsul əməkdaşı Nəzrin Bayramova çıxışında bildirdi ki, qısa dövr ərzində ölkəmizin bütün sahələrdə qazandığı misilsiz nailiyyətlər, xüsusən də uzun illər işğal altında olan torpaqlarımızın düşməndən tam azad olunması məhz Müzəffər Ali Baş Komandan cənab İlham Əliyevin böyük əməyinin, uzaqgörən daxili və xarici siyasətinin uğurlu nəticəsidir. İyirmi illik prezidentlik fəaliyyətinin məqsədi xalqa ləyaqətlə xidmət etmək, dövlətçiliyimizi qorumaq, möhkəmlətmək, Azərbaycanı dünya dövlətləri sırasında daha qüdrətli dövlət kimi tanıtmaq olmuşdur. Azərbaycana rəhbərlik etdiyi 20 ildə cənab Prezidentimiz saysız-hesabsız uğurlara nail olub. Sözsüz ki, bu uğurların ən önündə Qarabağ Zəfəri dayanır. Zəfərə gedən yol çox keşməkeşli və məşəqqətli olsa da hədəfə doğru inamla və qətiyyətlə irəliləməyi bacardıq.

Yeni Azərbaycan Partiyası Xəzər rayon təşkilatının məsul əməkdaşı Siyasət Həsənov öz çıxışında bildirdi ki, Ali Baş Komandan cənab İlham Əliyevin komandanlığı altında müzəffər Azərbaycan Ordusu işğala məruz qalmış torpaqlarımızı 2020-ci ildə 44 günlük Vətən müharibəsi dövründə azad etdi. Bu il sentyabrın 19-20-də isə uğurlu antiterror tədbirləri ilə 24 saatdan da az müddətdə azadlığa qovuşdu.

Keçirilən görüşlərdə 14 saylı Birləşmiş Şəhər Xəstəxanasının baş həkimi Rüstəm Budaqov və Şağan Reabilitasiya Pansionatının baş həkimi Təranə Quliyeva çıxış edərək Müzəffər Ali Baş Komandan cənab İlham Əliyevin rəhbərliyi ilə 44 günlük Vətən müharibəsində qazanılan Zəfərlə torpaqlarımızın işğaldan azad olunmasından, bu ilin sentyabrın 20-də Qarabağ bölgəsində uğurla başa çatan antiterror tədbirləri nəticəsində Azərbaycanın öz suverenliyini bərpa etməsindən danışdılar.

Həmçinin, keçirilən görüşlərdə partiya fəallarının fikir və təklifləri dinlənilib, qaldırılan məslələrlə bağlı müzakirələr aparılıb.

Paylaş:

Baxılıb: 666 dəfə