YAP Kəlbəcər rayon təşkilatı tədbir keçirib

Bakı:

23 °C

73 %

12 m/s

Əlaqə

AZ RU EN

Ana səhifə / YAP xəbərləri / YAP Kəlbəcər rayon təşkilatı tədbir keçirib

YAP Kəlbəcər rayon təşkilatı tədbir keçirib

16.06.2023 [11:28]

YAP Kəlbəcər rayon təşkilatı YAP Gəncə şəhər təşkilatının qərargahında 15 İyun Milli Qurtuluşdan Böyük Zəfərə adlı tədbir keçirdi. Tədbirdə YAP İdarə Heyətinin üzvü, YAP Gəncə şəhər təşkilatının sədri Bayram Aslanov, YAP Kəlbəcər rayon təşkilatının sədri Həbib Misirov, Vətən müharibəsi qəhrəmanı şəhid Anar Əliyevin atası Vaqif Əliyev , gənclər və ictimaiyyətin nümayəndələri iştirak etdilər. Əvvəlcə ümummilli lider Heydər Əliyevin abidəsi ziyarət olunub, önünə gül dəstələri qoyulub, Ulu Öndərin əziz xatirəsi dərin ehtiramla anılıb. Ulu öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Daha sonra Ümummilli Liderin həyat və fəaliyyətindən bəhs edən videoçarx nümayiş olunub.

YAP İdarə Heyyətinin üzvü, YAP Gəncə şəhər təşkilatının sədri Bayram Aslanov çıxış edərək bildirdi ki, xalqın təkidi və tələbilə ölkə rəhbərliyinə qayıdan ulu öndər Heydər Əliyevin səyləri və gərgin fəaliyyəti nəticəsində 1993-2003-cü illər Azərbaycanın tam müstəqil dövlət kimi formalaşması üçün həlledici dövr oldu. Məhz həmin dövrdə dövlətçiliyin əsasları qoyuldu, Konstitusiya qəbul edildi. Bu gün də əsası ulu öndər Heydər Əliyev tərəfindən qoyulmuş milli birlik və həmrəyliyimiz Ölkə Prezidenti cənab İlham Əliyev tərəfindən həyata keçirilən yeganə düzgün siyasətin nəticəsi olaraq indiyə qədər müşahidə olumayan bir səviyyədə təzahür etməkdədir.

YAP Kəlbəcər rayon təşkilatının sədri Həbib Misirov çıxış edərək ilk önçə YAP İdarə İdarə Heyətinin üzvü, YAP Gəncə şəhər təşkilatının sədri Bayram Aslanovu yeni təyinatı münasibətilə təbrik etdi və tədbirin təşkilində göstərdiyi dəstəyə görə öz təşəkkürünü bildirdi. Qeyd etdi ki, məhz 30 il əvvəl hakimiyyətə qayıdaraq Azərbaycan xalqını, dövlətini və millətini parçalanmadan xilas edən ulu öndər Heydər Əliyevin hazırda Silahlı Qüvvələrin Ali Baş Komandanı, Prezident İlham Əliyev tərəfindən davam etdirilən siyasəti nəticəsində Azərbaycanın ərazi bütövlüyü bərpa olunub.Ata vəsiyyətini layiqincə yerinə yetirən Prezident İlham Əliyevin rəhbərliyi altında rəşadətli Azərbaycan Ordusu Ermənistan silahlı qüvvələrinin işğal altında saxladığı əzəli və əbədi torpaqlarımızı azad edib.

Vətən müharibəsi qəhrəmanı şəhid Anar Əliyevin atası Vaqif Əliyev çıxış edərək bildirdi ki, Düz 30 il əvvəl - Milli Məclisin 1993-cü il iyunun 15-də keçirilən iclasındakı çıxışında ulu öndər Heydər Əliyev Azərbaycan dövlətçiliyinin gələcək inkişaf strategiyasını elan edib və bu gün Azərbaycan tarixinə Milli Qurtuluş Günü kimi daxil olub, Azərbaycan dövlətçiliyi yox olmaq təhlükəsindən qurtulub.

YAP Kəlbəcər rayon təşkilatının məsləhətçisi Səkinə Baxışzadə çıxış edərək bildirdi ki, 1993-cü il iyunun 15-i Azərbaycan tarixinə Milli Qurtuluş Günü kimi daxil olub və dövlətçiliyimiz yox olmaq təhlükəsindən xilas edilib. Azərbaycan xalqının ümummilli lideri Heydər Əliyev öz xilaskarlıq missiyası ilə ölkəmizin müstəqilliyini qorudu, respublikada tüğyan edən ictimai-siyasi böhranı aradan qaldırdı və inkişafın təməlini qoydu.

109 saylı məktəbin tarix müəllimi Şikar Baxışov çıxış edərək bildirdi ki, Ulu öndər Heydər Əliyev dühasının xidmətləri olan bu nailiyyətlər Azərbaycanı məhv olmaqdan qurtardı, müstəqilliyimizi daimi, əbədi, sarsılmaz, dönməz etdi. Bütün bunlar 1993-cü il 15 iyun tarixinin nailiyyətləridir. Gəncə Dövlət Unveristetinin kafedra müdirinin müavini Gülüstan Fərəcova cıxış edərək qeyd etdi ki, Milli Məclisin 1993-cü il iyunun 15-də keçirilən iclasındakı çıxışında ulu öndər Heydər Əliyev Azərbaycan dövlətçiliyinin gələcək inkişaf strategiyasını elan edib və bu gün Azərbaycan tarixinə Milli Qurtuluş Günü kimi daxil olub, Azərbaycan dövlətçiliyi yox olmaq təhlükəsindən qurtulub.

Kəlbəcər rayon Dövlət Aqrar İnkişaf Mərkəzinin əməkdaşı Fəqan Rəhimli çıxış edərək bildirdi ki, Azərbaycan xalqının ümummilli lideri Heydər Əliyev öz xilaskarlıq missiyası ilə ölkəmizin müstəqilliyini qorudu, respublikada tüğyan edən ictimai-siyasi böhranı aradan qaldırdı və inkişafın təməlini qoydu.

Sonda YAP -na yeni qəbul olunmuş üzvlərə vəsiqələr təqdim edildi.

Paylaş:

Baxılıb: 669 dəfə