Litva-Azərbaycan münasibətləri yeni mərhələdə

Bakı:

24 °C

61 %

0 m/s

Əlaqə

AZ RU EN

Ana səhifə / YAP xəbərləri / Litva-Azərbaycan münasibətləri yeni mərhələdə

Litva-Azərbaycan münasibətləri yeni mərhələdə

26.05.2023 [14:36]

Məlum olduğu kimi, Prezident İlham Əliyev mayın 22-də Litvaya rəsmi səfər etmişdir. Səfər zamanı dövlət başçımızın Litva Respublikasının Prezidenti Gitanas Nauseda ilə əvvəlcə məhdud, sonra geniş tərkibdə görüşü keçirilmiş, daha sonra hər iki ölkənin dövlət başçılarının iştirakı ilə Azərbaycan-Litva sənədlərinin imzalanması mərasimi olmuşdur. Prezident İlham Əliyev və Litva Respublikasının Prezidenti Gitanas Nausedanın iştirakı ilə Azərbaycan-Litva biznes forumu keçirilmişdir. Həmçinin səfər çərçivəsində dövlət başçımızın Litva Respublikasının Baş naziri xanım İnqrida Şimonite ilə görüşü baş tutmuşdur. Göründüyü kimi Prezident İlham Əliyevin Litvaya rəsmi səfərinin də zəngin proqramı olmuşdur.

Bu gün Azərbaycan və Litva arasındakı münasibətlər yüksək səviyyədədir. Cənab İlham Əliyevin səfər çərçivəsində keçirdiyi görüşlər, imzalanmış əməkdaşlıq sənədləri, mətbuata verdiyi bəyanat deməyə əsas verir ki, iki ölkə arasında mövcud olan münasibətlər yeni mərhələyə qədəm qoyur.

Dövlətimizin başçısı bütün rəsmi səfərlərindəkı çıxışlarında olduğu kimi Litvada da mətbuata verdiyi bəyanatında bir daha Azərbaycan həqiqətlərini, mövcud reallıqları diqqətə çatdırdı. Prezident İlham Əliyev 30 ilə yaxın müddət ərzində Ermənistan Azərbaycanın 20 % ərzisini işğal altında saxladığını, bunun nəticəsində bir milyon azərbaycanlının öz doğma torpaqlarından didərgin düşdüyünü , işğal edilmiş ərazilərdə bütün infrastruktur, binalar, o cümlədən tarixi abidələr işğalçılar tərəfindən dağıdıldığını qeyd edib. Ölkə başçısı bütün bunlara baxmayaraq Sülh danışıqlarının aparılması nəticə etibarilə Qafqaza uzunmüddətli sülh gətirəcəyini , sülh anlaşmasının imzalanmasının qaçılmaz olduğunu və Azərbaycanın bu məqsədə çatmaq üçün konstruktiv səylər göstərdiyini bildirib.

Litvada və Azərbaycanda bərpaolunan enerji növlərinin yaradılması ilə də bağlı fikir mübadiləsi apardıqlarını söyləyən Prezident İlham Əliyev bu istiqamətdə də işin demək olar, paralel şəkildə getdiyini, həm Litva, həm Azərbaycan bu sahəyə çox böyük diqqət göstərdiyini və yaxın gələcəkdə bu sahədə də ikitərəfli əməkdaşlıq mümkün olacağını bildirdi.

Azərbaycan və Litva arasında əməkdaşlıq potensialı kifayət qədər böyükdür deyən dövlətimizin başçısı bura ənənəvi enerji layihələri o cümlədən, bərpaolunan enerji sahəsi daxil olduğunu bildirdi. Dövlətimizin başçısı Azərbaycanda enerji təhlükəsizliyi mövcud olduğunu, lakin, Azərbaycan ixrac məqsədləri üçün daha çox təbii qaza qənaət etmək və elektrik enerjisinin istehsalı üçün təbiətin günəş və külək enerjilərindən istifadə etmək niyyətində olduğunu vurğuladı.

Prezident İlham Əliyevin Litva səfəri, səfər zamanı müzakirə olunan məsələlərin önəmi bir daha onu göstərir ki, Litva və Azərbaycan strateji tərəfdaşdırlar. Əminliklə demək olar ki, ölkə başçısının bu səfərindən sonra iki ölkə arasında mövcud olan əməkdaşlıq daha da inkişaf edəcək

Beləliklə, Prezident İlham Əliyevin Azərbaycan Avropa İttifaqı əməkdaşlığı təşviqinə fəal töhfə verən Litva səfəri həm siyasi, həm də iqtisadi baxımdan mühüm hadisələrlə, eyni zamanda dövlət başçımızın Litva səfəri, keçirdiyi görüşlər, imzalanan sənədlər Azərbaycanın növbəti uğuru kimi yadda qaldı.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 698 dəfə