Qazaxda “ Dahi Rəhbəri xoşbəxt edən Böyük İnsan” adlı tədbir keçirilib

Bakı:

23 °C

64 %

4 m/s

Əlaqə

AZ RU EN

Ana səhifə / YAP xəbərləri / Qazaxda “ Dahi Rəhbəri xoşbəxt edən Böyük İnsan” adlı tədbir keçirilib

Qazaxda “ Dahi Rəhbəri xoşbəxt edən Böyük İnsan” adlı tədbir keçirilib

27.04.2023 [13:52]

27 aqprel 2023- cü il tarixdə YAP Qazax rayon təşkilatının inzibati binasında Azərbaycanın görkəmli alimi, Əməkdar elm xadimi, tibb elmləri doktoru, professor, Azərbaycan Elmlər Akademiyasının həqiqi üzvü Zərifə Əziz qızı Əliyevanın anadan olmasının 100 illik yubileyi münasibətilə “ Dahi Rəhbəri xoşbəxt edən Böyük İnsan” adlı tədbir keçirildi.

Tədbir YAP Qazax rayon təşkilatının inzibati binasında Ümummilli Lider Heydər Əliyevin büstü önünə gül dəstələri qoyulması ilə başladı.

YAP Qazax rayon təşkilatının sədri Anar Nəbiyev tədbir barədə məlumat verdi və Ulu Öndərin, Akademik Zərifə Əliyevanın və Şəhidlərimizin əziz xatirəsi bir dəqiqəlik sükutla yad edildi. İlk öncə Ümummilli Lider Heydər Əliyevə və Akademik Zərifə xanım Əliyevaya həsr olunmuş videoçarx nümayiş etdirildi.

Qazax rayon İcra Hakimiyyətinin Başçısı Rəcəb Babaşov çıxış edərək bildirdi ki, Akademik Zərifə Əliyeva zəngin mənəviyyata sahib əsl ziyalı kimi mənalı ömür yolu keçmiş, əhatəli elmi fəaliyyəti ilə ölkəmizdə tibb sahəsinin inkişafına əhəmiyyətli töhfələr vermişdir. Alimin oftalmologiyanın aktual məsələlərinə dair uzunmüddətli araşdırmalarının uğurlu nəticəsi olan sanballı əsərləri həmişə təqdirlə qarşılanmış və yüksək qiymətə layiq görülmüşdür. Bu tədqiqatlarda irəli sürülən yeni və effektli müalicə metodları, kompleks profilaktik tədbirlər qısa müddətdə müvəffəqiyyətlə geniş tətbiqini tapmışdır. Azərbaycanda oftalmologiya məktəbinin ilk tədqiqat mərkəzi olaraq ixtisaslaşdırılmış elmi tədqiqat laboratoriyası məhz akademik Zərifə Əliyevanın təşəbbüsü ilə yaradılmışdır. Həkimlik etikasını bütün elmi və pedaqoji fəaliyyəti boyu daim diqqət mərkəzində saxlayan Zərifə Əliyeva respublikada yüksəkixtisaslı kadrların hazırlanması işinə gərgin əmək sərf etmiş, gənc alimlərin və həkim-oftalmoloqların böyük bir nəslini formalaşdırmışdır.

YAP Qazax rayon təşkilatının sədri Anar Nəbiyev çıxış edərək bildirdi ki, 2023-cü il Azərbaycanda iki unudulmaz insanın - müasir Azərbaycanın memarı və qurucusu, Ümummilli Lider Heydər Əliyevin və Azərbaycan elminin ən parlaq simalarından olan görkəmli oftalmoloq alim və həkim Zərifə Əliyevanın 100 illik yubileylərinin qeyd olunması ilə əlamətdardır. Sıravi həkimlikdən akademik zirvəsinə ucalan Zərifə xanımın elmi araşdırmaları, alim kimi qazandığı böyük uğurlar Azərbaycanın tibb elmi tarixində xüsusi yer tutur. Görkəmli alimin keçdiyi şərəfli ömür yolu hər bir Azərbaycan vətəndaşı, hər bir alim və həkim üçün həyat və mənəviyyat dərsi, kamillik və müdriklik məktəbidir. Bu gün də Zərifə Əliyeva haqqında söhbət düşəndə gözümüz önündə işıqlı bir obraz – əsl Azərbaycan qadınının obrazı canlanır.

Tədbirdə partiya veteranlarından Bəsti Ələkbərova, Gövhər Rəhimova, Qazax RMX PHŞ- in direktoru Sevda Məmmədova, Qazax RMX PHŞ- in gənc həkimi Nəzrin Əliyeva çıxış etdilər. Natiqlər Zəngin mənəviyyata sahib, əsl ziyalı insane Akademik Zərifə Əliyevanın mənalı ömür yolundan, əhatəli elmi fəaliyyətindən, ölkəmizdə tibb sahəsinin inkişafına verdiyi əhəmiyyətli töhfələrdən ətraflı danışdılar.

Qazax rayon Uşaq Gənclər İnkişaf Mərkəzinin dərnək üzvləri Ümummilli Lider Heydər Əliyevə və Akademik Zərifə Əliyevaya həsr olunmuş şeirlər səsləndirdilər.

Tədbirin sonunda YAP sıralarına qəbul olunmuş gənc partiya üzvlərinə üzvlük vəsiqələri təqdim edildi.

Paylaş:

Baxılıb: 468 dəfə