Mingəçevir elektrik stansiyası müasir dövrün tələblərinə cavab verən formada təkminləşdirilməkdədir.

Bakı:

25 °C

57 %

0 m/s

AZ RU EN

Ana səhifə / YAP xəbərləri / Mingəçevir elektrik stansiyası müasir dövrün tələblərinə cavab verən formada təkminləşdirilməkdədir.

Mingəçevir elektrik stansiyası müasir dövrün tələblərinə cavab verən formada təkminləşdirilməkdədir.

17.02.2023 [11:35]

YAP Ağdam rayon təşkilatının sədri

Mansur Quliyev

Azərbaycan regionda tranzit enerji təminatçısı və etibarlı iqtisadi tərəfdaş olan dövlət kimi böyük potensiala, eyni zamanda siyasi nüfuza malik olan qüdrətli ölkədir. Bütün bu uğur və nailiyyətlərin əsasını isə ölkə Prezidenti cənab İlham Əliyevin düşünülmüş xarici siyasət strategiyası təşkil edir.

Bildiyimiz kimi 13 fevral tarixində Bakıda “Gülüstan” sarayında müasir zamanımızda 1280 MVt gücündə ən böyük İstilik Elektrik Stansiyasının təməlqoyma mərasiminin keçirilməsi və Prezident İlham Əliyevin həmin mərasimdə çıxışı, çıxış zamanı qarşıya qoyulmuş prioritet məsələlər Azərbaycanın artan iqtisadi, siyasi qüdrətinin bariz nümunəsidir.

Prezident cənab İlham Əliyev 13 fevral tarixində Bakıda “Gülüstan” sarayında ən böyük İstilik Elektrik Stansiyasının təməlqoyma mərasimdə çıxış edərək bildirmişdir ki, Mingəçevir şəhərinin nəinki Azərbaycanın, bütün Qafqazın elektroenergetika mərkəzi kimi yeni dövrü başlayır. Yüzlərlə yeni iş yerləri yaranacaq. Azərbaycan öz imkanlarından istifadə edərək həm daxili tələbatını ödəyəcək, eyni zamanda, həm elektroenergetika, həm də təbii qaz sahəsində daha böyük addımlar atacaq. Hazırkı dövrdə Avropa məkanında Azərbaycan qazına böyük tələbatın olduğunu nəzərə alsaq, yeni stansiya, Avropanın enerji təhlükəsizliyinə növbəti töhfə olacaq. Cənab İlham Əliyev onu da əlavə etdi ki, Mingəçeviri nəinki Azərbaycanın, ümumiyyətlə, Qafqazın enerji mərkəzinə çevirən ulu öndər Heydər Əliyev olub. Onun rəhbərliyi və təşəbbüsü ilə 1976-cı ildə Mingəçevirdə böyük elektrik stansiyasının təməli qoyulub. Ümummilli lider Heydər Əliyevin şəxsən iştirakı ilə 1981-ci ildə böyük stansiyanın birinci blokunun açılışı olub.

Azərbaycanın enerji potensialı böyükdür və 1280 MVt gücündə ən böyük İstilik Elektrik Stansiyasının inşası ilə bu potensialımızı daha da artıracaqdır. Xüsusilə vurğulamaq lazımdır ki, Mingəçevir şəhərinin Azərbaycanın elektroenergetika mərkəzi kimi önəmi daha da artacaq və ölkəmizin, eyni zamanda bir sıra Avropa ölkələrinin enerji təminatına öz müsbət töhfələrini verəcəkdir.

Qeyd edək ki, Ulu öndər Heydər Əliyevin təşəbbüsü və rəhbərliyi ilə 1976-cı ildə təməli qoyulan, 1981-ci ildə açılışı baş tutan Mingəçevir elektrik stansiyası 2018-ci ildə dövlət başçısı İlham Əliyevin tapşırığı əsasında yenidən qurulub və bu gün Qafqazın nəhəng elektrik stansiyası sayılan Mingəçevir elektrik stansiyası müasir dövrün tələblərinə cavab verən formada təkminləşdirilməkdədir.

Azərbaycan ilə Avropa İttifaqı arasında enerji sahəsində əməkdaşlıq əlaqələrinin mövcudluğu böyük əhəmiyyətə malikdir və ölkəmiz dünya miqyasında digər sahələrdə olduğu kimi enerji təhlükəsizliyi sahəsində də etibarlı tərəfdaş kimi tanınır.

Paylaş:

Baxılıb: 468 dəfə