Azərbaycanlı ekofəalları Laçın-Xankəndi yolunda 50 gündən çoxdur qətiyyət və sarsılmaz iradə nümayiş etdirirlər

Bakı:

20 °C

94 %

8 m/s

AZ RU EN

Ana səhifə / YAP xəbərləri / Azərbaycanlı ekofəalları Laçın-Xankəndi yolunda 50 gündən çoxdur qətiyyət və sarsılmaz iradə nümayiş etdirirlər

Azərbaycanlı ekofəalları Laçın-Xankəndi yolunda 50 gündən çoxdur qətiyyət və sarsılmaz iradə nümayiş etdirirlər

04.02.2023 [11:24]

1990-cı illərin əvvəllərində Ermənistan təcavüzkar hərəkətləri ilə minlərlə soydaşımızın həyataına son qoyduğu kimi, 30 il ərzində Azərbaycanın işğal edilmiş ərazilərində vandalizm aktları və ekoloji terror həyata keçirib. İllərlə ermənilər tərəfindən təbii sərvətlərimiz talan olunub, meşələrimiz yandırılıb. Şəhər və kəndlərimizi talayıb, çayları zəhərləyən, sərvətlərimizi istismar edən işğalçı ünsürlər torpağa da qənim kəsiliblər. İşğal dövründə ermənilər qəsdən və məqsədli şəkildə Qarabağın və Şərqi Zəngəzurun flora və faunasına qarşı, sözün əsl mənasında, terror törədiblər.

İlkin hesablamalara görə, vaxtilə işğal altına düşən ərazilərdə qəsdən yanğınlar törədilərək 110 min hektar otlaq, biçənək, yaşıllıq və kol sahələri məhv edilib.Ermənistan tərəfindən işğal edilmiş Azərbaycan ərazilərində 13 min hektar qiymətli meşə sahəsi, qırmızı palıd, çinar ağacları misli görünməmiş vandalizmə məruz qalıb. 460 növdən çox yabanı ağac və kol növünün əksəriyyəti ermənilər tərəfindən məhv edilib. Bununla yanaşı, ermənilər döyüşlər zamanı qadağan olunmuş fosfor bombalarından istifadə ediblər. Bu bombaların düşdüyü ərazilərdə hər şey məhv olub.

Azərbaycanın azad olunmuş ərazilərində ümumi sahələri 43 min hektar olan təbiət qoruqları və yasaqlıqlar ermənilər tərəfindən məhv edilib. İşğaldan əvvəl burada “Azərbaycan Respublikasının Qırmızı Kitabı”na daxil edilmiş çox sayda nadir bitki, quş, heyvan mühafizə olunurdu ki, onların da əksəriyyəti artıq məhv edilib.

İşğal dövründə ermənilər Qarabağın və Şərqi Zəngəzurun təbiətinə düşmən münasibəti göstəriblər, tarixi mədəni-dini abidələrini yer üzündən silməyə çalışıblar. Qarabağ və Şərqi Zəngəzur iqtisadi rayonlarına daxil edilən ərazilərdəki su ehtiyatları çirkləndirilib, yeraltı-yerüstü sərvətlər erməni vandalları tərəfindən talanıb, qarət olunaraq Ermənistana daşınıb.

İşğaldan azad edilmiş ərazilərdə təbiətin dirçəldilməsi dövlətimizin başçısı İlham Əliyevin birbaşa nəzarətindədir. Ötən il oktyabrın 19-da Prezident İlham Əliyev və birinci xanım Mehriban Əliyeva reintroduksiya layihələrinin həyata keçirilməsi çərçivəsində Cəbrayıl rayonu ərazisinə 18 baş ceyranın buraxılması mərasimində iştirak ediblər.

Bu günlərdə daha bir şad xəbər bizi sevindirdi. Ekologiya və Təbii Sərvətlər Nazirliyindən verilən məlumata görə, 1988-ci ildə ermənilər tərəfindən qırılan Topxana meşəsinin bərpasına başlanılıb. Həmin ərazidə palıd, vələs, dağdağan ağacları əkilib. Verilən məlumatlara görə, bu işlər ardıcıllıqla davam etdiriləcək və Topxana meşəsi tam bərpa ediləcək.

Eyni zamanda Laçın və Şuşada da yaşıllıq zolaqlarının salınması həyata keçirilir. Ümumilikdə bu günə qədər işğaldan azad edilmiş ərazilərdə 42 hektar sahədə 40 minə qədər ting əkilib. Cəbrayıl rayonu ərazisində Türkiyə ilə birgə tinglik sahəsinin salınması üzrə işlər aparılır.

Göründüyü kimi, dövlətin birbaşa qayğısı nəticəsində düşmən tərəfindən Qarabağın və Şərqi Zəngəzurun yaralanmış təbiəti yenidən canlanır, torpaq əkib-becərilir, yeni pöhrələr baş qaldırır, çaylar öz məcrasına düşür, kənar düşmüş heyvanlar və quşlar öz məskənlərinə qayıdırlar.

Lakin bütün bunlara baxmayaraq, Vətən müharibəsində ağır və rüsvayçı məğlubiyyətə düçar olan Ermənistan bundan dərs almayaraq, Rusiya sülhməramlı koningentinin nəzarətində olan Xankəndidə və ətraf ərazilərdə Azərbaycanın sərvətlərini talamaqda davam edir. Azərbaycanlı ekofəalların bu qeyri-qanuni istismarın dayandırılmasına qarşı başladıqları etiraz aksiyası artıq50 gündən çoxdur ki, davam edir, ekoaktivistlər və digər könüllü gənclər havanın şaxtasına, yağışına baxmayaraq, qətiyyət və sarsılmaz iradə nümayiş etdirirlər.

Zamir HÜSEYNOV,

Yeni Azərbaycan Partiyası Göygöl rayon təşkilatının sədr müavini

Paylaş:

Baxılıb: 571 dəfə