Azərbaycan-Macarıstan əlaqələri yeni inkişaf mərhələsindədir

Bakı:

24 °C

61 %

4 m/s

Əlaqə

AZ RU EN

Ana səhifə / YAP xəbərləri / Azərbaycan-Macarıstan əlaqələri yeni inkişaf mərhələsindədir

Azərbaycan-Macarıstan əlaqələri yeni inkişaf mərhələsindədir

03.02.2023 [16:22]

Tarixinin ən qüdrətli dövrünü yaşayan Azərbaycan bu gün dünyanın sayılıb-seçilən, hörmət olunan, etimad göstərilən dövlətlərindəndir. Ölkə Prezidenti cənab İlham Əliyevin həyata keçirdiyi müstəqil xarici siyasət kursunun yaratdığı reallıqlar nəticəsində Azərbaycan bölgədə təhlükəsizlik və davamlı iqtisadi imkanlara malik ölkə kimi tanınır.

Bu fikirləri açıqlamasında YAP Gəncə şəhər təşkilatının sədri Ramil Orucov bildirib. O, qeyd edib ki, Azərbaycanın ortaya qoyduğu siyasi iradə, təşəbbüskarlıq ilə region üçün tənzimləyici və lokomotiv funksiyasını yerinə yetirməsi dostluq, qardaşlıq prinsiplərinə əsaslanan Azərbaycan-Macarıstan münasibətlərində də aydın şəkildə nümayiş etdirilir. Azərbaycan və macar xalqları arasında dərin köklərə malik sıx əlaqələr mövcuddur, bu gün də hər iki ölkənin rəhbərlərinin səyləri ilə Azərbaycan – Macarıstan arasında dostluq və əməkdaşlıq münasibətləri yüksək səviyyədədir. Prezident cənab İlham Əliyev yanvarın 29-da Macarıstan Prezidenti xanım Katalin Novakın dəvəti ilə Budapeşt səfəri zamanı Macarıstanla Azərbaycan arasında beynəlxalq təşkilatlar çərçivəsində, həmçinin enerji, nəqliyyat, beynəlxalq təşkilatlarda, tələbə mübadiləsi, minaların təmizlənməsi və s. sahələrdə əməkdaşlığa dair məsələlər müzakirə olunması, hər iki dövlət rəhbərlərinin mətbuata bəyanatında göstərdikləri səmimiyyət bir daha sübut edir ki, Azərbaycan-Macarıstan əlaqələri yeni inkişaf mərhələsinə qədəm qoyub.

Azərbaycan Respublikasının müstəqilliyini ilk tanıyan dövlətlərdən olan Macarıstan Respublikası ölkəmizin beynəlxalq səviyyədə tanınmış sərhədləri çərçivəsində ərazi bütövlüyümüzü qətiyyətlə dəstəkləyib. Həmin dəstək 44 günlük Vətən müharibəsi dövründə də, indi də davam edir. Macar şirkətlərinin ölkəmizin işğaldan azad edilmiş ərazilərində quruculuq işlərinə qoşulması iki ölkənin dostluq münasibətlərini və iqtisadi əməkdaşlığının inkişafını göstərir.

Ramil Orucov onu da qeyd edib ki, Bu vaxtadək iki ölkə arasında imzalanan 50 sənəd müqavilə-hüquq bazasının möhkəmlənməsində mühüm rol oynayıb. Çoxtərəfli platformada, xüsusilə BMT, ATƏT, NATO, Aİ, Şərq Tərəfdaşlığı, Vişeqrad Qrupu, Türk Dövlətləri Təşkilatı çərçivəsində iki ölkə arasında davamlı əməkdaşlıq əlaqələri inkişaf etdirilir.

Ölkə Prezidentimiz cənab İlham Əliyev Budapeştdə mətbuata verdiyi bəyanatında bildirib ki, Macarıstan və Azərbaycan iki dost və tərəfdaş ölkə kimi bundan sonra da həm ikitərəfli əməkdaşlığı dərinləşdirəcək, həm də təmsil olunduğumuz beynəlxalq təşkilatlar çərçivəsində qarşılıqlı dəstəyi də bir-birinə əsirgəməyəcək: “Azərbaycan və Macarıstan arasında olan dostluq əlaqələri həm ölkələrimiz üçün, həm Avrasiya qitəsi üçün çox böyük önəm daşıyır. Strateji tərəfdaşlığa dair imzalanmış sənədlər onu göstərir ki, həqiqətən Macarıstan və Azərbaycan dost ölkələrdir”.

Dövlət başçımızın Azərbaycanın Avropa İttifaqı ilə əlaqələrinə daim dəstək göstərən Macarıstana səfəri Azərbaycan-Macarıstan strateji tərəfdaşlığının hərtərəfli və yüksələn xətlə inkişaf etməsinin əyani göstəricisidir.

Macarıstanın enerji resurslarının şaxələndirilməsi üçün yaxşı dost və tərəfdaşlara ehtiyac var. Azərbaycan da hazırda dünyada etibarlı tərfdaş ölkə olaraq tanınır, Cənub Qaz Dəhlizi vasitəsilə Avropa ölkələrinin enerji təminatına əsaslı töhfələr verir Bu baxımdan əminliklə söyləmək olar ki, ölkə Prezidentimiz cənab İlham Əliyevin Macarıstana rəsmi səfəri ikitərəfli əlaqələrə öz müsbət təsirini göstərəcək, münasibətlərimizdə yeni səhifə açacaq – deyə YAP Gəncə şəhər təşkilatının sədri Ramil Orucov vurğulayıb.

Paylaş:

Baxılıb: 674 dəfə