Xalqın dəstəyindən güc alan lider

Bakı:

28 °C

49 %

7 m/s

Əlaqə

AZ RU EN

Ana səhifə / YAP xəbərləri / Xalqın dəstəyindən güc alan lider

Xalqın dəstəyindən güc alan lider

24.12.2022 [11:57]

İlqar İlyasov,

YAP Laçın rayon təşkilatının sədri

Prezident hər zaman çıxışlarında xalqın dəstəyindən güc aldığını biuldirib. O deyir: “2003-cü ildən - Prezident vəzifəsinə ilk dəfə seçiləndən bu günə qədər hiss edirəm. Bu dəstək mənə güc verir. Bu dəstək iradəmi möhkəmləndirir. Bu dəstək nəticəsində biz hamımız – bütün Azərbaycan xalqı böyük tarixi uğurlara imza atmışıq”. Elə bunun nəticəsidir ki, bu illər ərzində ölkəmizdə aparılan uğurlu enerji və nəqliyyat siyasəti nəinki enerji və nəqliyyat dəhlizlərinin yaranmasına gətirib çıxardı, eyni zamanda, bölgədə və geniş mənada Avrasiya bölgəsində yeni əməkdaşlıq formatlarını yaratdı. Azərbaycan Respublikasının Prezidenti İlham Əliyev cənabları tərəfindən davamlı olaraq islahatların aparılması xalqımız tərəfindən böyük rəğbətlə qarşılanır. Bununla əlaqədar ölkədə keçirilən istər Prezident istərsə də parlament seçkilərinin ölkəmizin müasir həyatında xüsusi yeri vardır. Xüsusilə nəzərə alsaq ki, prezident və parlament seçkilərində ölkəmizdə gedən islahatlar daha bir mərhələyə qədəm qoydu və artıq beynəlxalq aləmdə təsdiq olunub ki, Azərbaycan genişmiqyaslı islahatlar aparan ölkədir. Bunun nəticəsi olaraq artıq gündəlik həyatda, ölkəmizin iqtisadi göstəricilərində, sosial sahədə əldə edilmiş nailiyyətlərdə görürük ki, bu islahatların çox böyük əhəmiyyəti vardır. Eyni zamanda, ictimai-siyasi iqlimin sağlamlaşdırılmasında da bu təşəbbüslərin və islahatların böyük rolu vardır.

İnamlı addımların və uğurlu qərarların nəticəsində regionda, eləcədə dünyada Azərbaycanın iqtisadi mövqeləri güclənməkdədir. Bunun nəticəsidir ki, 44 günlük Vətən müharibəsində Ermənistandan fərqli olaraq, Azərbaycana heç kim maddi və hərbi kömək etmirdi. Ölkəmiz qazandığı uğurları öz hesabına əldə edib. İqtisadi müstəqillik həm hazırlıq baxımından, həm siyasi müstəqilliyin möhkəmləndirilməsi baxımından əsas şərtdir. Bu gün istənilən meyar üzrə, istənilən parametr üzrə heç kimdən asılı deyilik, iqtisadi sahədə ən qabaqcıl yerlərdəyik - istər xarici borc baxımından, istər iqtisadi artım baxımından və adambaşına düşən valyuta ehtiyatları baxımından Azərbaycan öndə gedən ölkələr sırasındadır.

Ölkəmizi davamlı iqtisadi inkişaf üçün Azərbaycanda bütün amillər mövcuddur. Bu gün də ölkəmizə gələn investisiyalar dayanmadan artır ki, bunu da şərtləndirən əsas amillərdən başlıcası daxili sabitlikdir. Odur ki, “DoingBusiness” layihəsində ölkəmiz öncül yerə layiq görülüb.

44 günlük Vətən müharibəsində maddi və mənəvi üstünlüyə malik olan Azərbaycan tərəfindən Böyük Qələbənin qazanılması ölkəmizin tarixində yeni inkişaf mərhələsinin təməlini qoydu. Qeyd olunmalıdır ki, ötən illərin ən önəmli hadisəsi ərazi bütövlüyümüzün bərpa edilməsi, Vətən müharibəsində parlaq Qələbənin qazanılmasıdır. Azərbaycan öz ərazi bütövlüyünü və tarixi ədaləti bərpa etdi, işğalçıları əzəli torpaqlarımızdan qovdu və beləliklə, tarixi ədalət bərpa olundu. Bu gün xalqımızın şanlı Qələbəsi hər birimizin qürur mənbəyidir. Bu gün cənab İlham Əliyevin adı dünyada tanınmış dövlət xadimləri ilə bir sırada çəkilir.

Həm Prezidentliyi dövründə, həm də əvvəlki dövrdə Beynəlxalq təşkilatların işində həyata keçirdiyi fəaliyyət İlham Əliyev cənablarının vizit kartına çevrilib. Uzun illərdir aparılan məqsədyönlü siyasətin nəticəsidir ki, Avropanın enerji təhlükəsizliyində Azərbaycan həlledici rola malikdir. Məhz buna görə də Avropanın enerji təhlükəsizliyinə dair bütün toplantıların daimi iştirakçısı İlham Əliyev cənablarıdır. Bu kimi tədbirlərdə Azərbaycan Prezidentinin fikri xüsusi çəkiyə malikdir. Serbiya Prezidenti Aleksandar Vuçiç: “Bu gün Prezident Əliyevdən bir çox məsələləri öyrəndik” – deyirsə, bu bütün Azərbaycan vətəndaşları üçün qürur mənbəyidir.

Eləcə də Macarıstanın Baş naziri Viktor Orban Azərbaycanın və Prezident Əliyevin Avropa İttifaqı ilə əməkdaşlığa həmişə açıq olması təqdirəlayiq hal kimi qiymətləndirir. “Mən özüm bir il ərzində Avropa İttifaqının həmişə Azərbaycana etibarlı tərəfdaş kimi etibar edə biləcəyinin şahidi olmuşam”. Bu o deməkdir ki, Avropada müzəffər Ali Baş Komandan İlham Əliyev cənablarının “Bizim sözümüz imzamız qədər keçərlidir” – fikirləri tam mənası ilə qəbul edilir.

Paylaş:

Baxılıb: 513 dəfə