Yeni Azərbaycan Partiyası ümumxalq partiyasına çevrilib

Bakı:

27 °C

62 %

9 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası ümumxalq partiyasına çevrilib

Yeni Azərbaycan Partiyası ümumxalq partiyasına çevrilib

19.11.2022 [11:48]

“21 noyabrda Yeni Azərbaycan Partiyasının yaradılmasının 30-cu ildönümüdür. Yeni Azərbaycan Partiyası Azərbaycan tarixinin son dərəcə ağır və keşməkeşli günlərində, ölkənin ciddi sınaqlara məruz qaldığı bir dövrdə Azərbaycan ziyalılarının təşəbbüsü və fəal iştirakı ilə yaranıb. Yeni Azərbaycan Partiyasının yaranması 1988-ci ildən başlayaraq ölkəmizdə cərəyan edən hadisələrin yekunu və mövcud olan ictimai-siyasi şəraitin məntiqi nəticəsi idi”. Bu sözləri açıqlamasında Yeni Azərbaycan Partiyası Binəqədi rayon təşkilatının sədri Vüsar İsmayılov bildirib. Onun sözlərinə əsasən o tarixi dövrdə yaradılan müxtəlif partiyalar ölkəni düşdüyü ağır iqtisadi, siyasi, mənəvi böhrandan nəinki qurtara bilmədi, əksinə, hakimiyyətdə olan və bir-birini əvəz edən siyasi qüvvələr respublikadakı vəziyyəti daha da ağırlaşdıraraq təhlükəli böhran vəziyyətinə çatdırdılar. Bu zaman Azərbaycanın taleyini düşünən insanlar ölkəni böhrandan çıxara biləcək yeni bir partiya yaratmaq təşəbbüsü ilə çıxış etdilər. Bu məqsədlə xalqın müdrik oğlu Heydər Əliyevin şəxsiyyəti ətrafında birləşdilər və 91 nəfər Azərbaycan ziyalısının imzası ilə Naxçıvana, ulu öndər Heydər Əliyevə müraciət göndərildi. Azərbaycanın ən yeni tarixinə «91-lər»in müraciəti kimi daxil olmuş həmin sənəd əslində, bütün xalqın arzu və istəklərinin ifadəsi idi. Azərbaycanın görkəmli ziyalıları, tanınmış insanları və nüfuzlu şəxsiyyətlərinin imzaladıqları bu müraciətdə Heydər Əliyevdən yeni yaradılacaq siyasi partiyaya rəhbərlik etmək xahiş olunurdu: “Müstəqil Azərbaycan tarixində öz üzərinə böyük tarixi missiya götürən və xalqımızın həyatında mühüm hadisəyə çevrilən Yeni Azərbaycan Partiyası yaradıldı və ümumxalq partiyasına çevrildi. 1992-ci ilin 21 noyabr tarixində Naxçıvanda baş tutan partiyanın təsis konfransında iştirak edən 550 nəfər nümayəndənin tərkibində təmsil olunmağımla və o tarixi hadisələrə şahidlik etməyimdən qürur duyuram. O hadisə mənim üçün ən unudulmaz bir xatirədir”.

“Bu gün ulu öndər Heydər Əliyev siyasəti ölkəmizdə uğurla davam etdirilir və zənginləşdirilir. Sonsuz qürur və fəxarətlə bildiririk ki, məhz ulu öndər Heydər Əliyev siyasətinin layiqli varisi və davamçısı, mötərəm Prezident, müzəffər Ali Baş Komandan cənab İlham Əliyevin rəhbərliyi ilə Azərbaycan xalqı dünyada misli görünməmiş tarixi, siyasi və hərbi zəfərə imza atdı. Azərbaycan Ordusunun şücaəti, rəşadəti, qətiyyəti və peşəkarlığı, xalqımızın birliyi və həmrəyliyi sayəsində 30 ilə yaxın idi işğal altında olan torpaqlarımız azad edildi. Bununla da tarixi ədalət, Azərbaycanın ərazi bütövlüyü və BMT-nin kağız üzərində qalan qətnamələri icra olundu. Bütün dünya Azərbaycanda dövlət-xalq-ordu-iqtidar birliyinin ən əzəmətli və sarsılmaz nümunəsini gördü. Qarabağımızın ürəyi, mədəniyyət beşiyimiz olan Şuşa şəhərinin işğaldan azad edilməsi il Ermənistanın kapitulyasiya aktına imza atmağa məcbur edilməsi Azərbaycanın gücünün, qüdrətinin, eləcə də haqqın və ədalətin təntənəsi idi. Bizim artıq güclü dövlətimiz var - müstəqil Azərbaycan dövləti. Bizim dəqiq konsepsiyamız, inkişaf proqramımız var. Bu gün bütün guşələri nura çevrilən müstəqil Azərbaycanımızı, 44 günlük Vətən müharibəsində işğaldan azad edilmiş tarixi, əzəli və əbədi torpaqlarımızı uğurlu inkişafa aparan bu yolda hər bir Azərbaycan vətəndaşı dövlət başçısı, Yeni Azərbaycan Partiyasının sədri Prezident İlham Əliyevin siyasi kursunu dəstəkləyir və böyük əzmlə xalqın, vətənin, dövlətin mənafeyi naminə səy göstərirlər. Ölkəmizdə son 30 ildə keçirilən bütün seçkilərin nəticələri xalqın bu partiyaya olan inam və etimadını daha qabarıq bir şəkildə dünyaya bəyan edir, üzvlərinin sayı 700 mindən çox olan partiyamıza bu gün də axın davam etməkdədir” - deyə, Vüsar İsmayılov açıqlamasında qeyd edib.

Rayon təşkilatının sədri Yeni Azərbaycan Partiyasının yaradılmasının 30-cu ildönümü münasibətilə bütün partiya üzvlərini təbrik edərək, uğurlar arzu etdi.

Paylaş:

Baxılıb: 561 dəfə