YAP Qubadlı rayon təşkilatı "Azərbaycan son 18 ildə" mövzusunda tədbir keçirib

Bakı:

27 °C

54 %

7 m/s

Əlaqə

AZ RU EN

Ana səhifə / YAP xəbərləri / YAP Qubadlı rayon təşkilatı "Azərbaycan son 18 ildə" mövzusunda tədbir keçirib

YAP Qubadlı rayon təşkilatı "Azərbaycan son 18 ildə" mövzusunda tədbir keçirib

24.12.2021 [11:28]

Qubadlı rayon İcra Hakimiyyətinin və Yeni Azərbaycan Partiyası Qubadlı rayon təşkilatının birgə təşkilatçılığı ilə "Azərbaycan son 18 ildə" mövzusunda tədbir keçirib. Tədbirdə YAP Qubadlı rayon təşkilatının sədri səlahiyyətlərini icra edən Allahverdi Haxverdiyev, rayon Ağsaqqallar Şurasının üzvləri, eləcə də ictimaiyyət nümayəndlələri iştirak ediblər.

Tədbir iştirakçıları əvvəlcə Ulu Öndər Heydər Əliyevin büstünün önünə gül dəstələri qoyublar, Ümummilli liderin əziz xatirəsi bir dəqiqəlik sükutla yad edilib. Daha sonra "Ata vəsiyyəti və ya 30 illik problemin 44 gündə həlli" adlı filmin nümayişi keçirilib.

Çıxış edən YAP Qubadlı rayon təşkilatının sədri səlahiyyətlərini icra edən Allahverdi Haxverdiyev bildirib ki, Azərbaycan respublikasının son 18 ildəki inkişafı, iqtisadiyyatın müxtəlif sahələrində əldə edilən uğurlar Prezident İlham Əliyevin uğurlu fəaliyyəti ilə bağlıdır. Qeyd edilib ki, ölkəmizdə qazanılan nailiyyətlər cənab İlham Əliyevin müasir dünyagörüşünə əsaslanan siyasəti, bacarıq və qətiyyətli idarəçiliyi sayəsində əldə olunub. Eyni zamanda, bu uğurların əsasında müasir Azərbaycan dövlətçiliyi tarixində müstəsna yeri olan böyük dövlət xadimi, Ulu Öndər Heydər Əliyevin müəyyənləşdirdiyi siyasi yolun ardıcıllıqla davam etdirilməsi dayanır.

"2003-cü ilin oktyabr ayında keçirilən prezident seçkilərində xalqının etimadını qazanan cənab İlham Əliyev bildirdi ki, "dövlət siyasətimizin mərkəzində vətəndaşların sosial rifahı dayanır". Xalqın həyat səviyyəsinin yüksəldilməsi məqsədilə bir sıra proqramlar həyata keçirməyə başladı. İlk növbədə yoxsulluğun aradan qaldırılması üçün yeni iş yerlərinin yaradılmasına start verildi. Qısa müddətdə yüz minlərlə yeni iş yerləri yaradıldı. Çadırlarda, fin tipli qəsəbələrdə və digər uyğun olmayan yerlərdə məskunlaşan məcburi köçkünlərin sosial müdafiəsinin gücləndirilməsi məqsədilə əməli tədbirlər həyata keçirildi", -deyən A.Haxverdiyev onu da əlavə edib ki, məcburi köçkünlərin sıx məskunlaşdığı ərazilərdə müasir tipli qəsəbə və şəhərciklərin tikilməsindən sonra ağır vəziyyətdə yaşayan köçkünlərin həmin qəsəbə və şəhərçiklərə köçürülməsi təmin edildi. İnsanların rifah halının yüksəlməsi üçün vaxtaşırı olaraq pensiya, maaş və digər sosial ödənişlərdə artımlar reallaşdı. Əhalinin aztəminatlı hissəsinə ünvanlı sosial yardımların verilməsi ilbəil artırıldı.

Natiq bildirib ki, Prezident İlham Əliyevin öz xalqı, Vətəni qarşıında ən böük xidməti torpaqlarımızın erməni işğalından azad edilməsidir Azərbaycan Respublikasının Prezidenti, Ali Baş Komandan İlham Əliyevin rəhbərliyi altında müzəffər ordumuzun düşmən üzərində qələbəsi Azərbaycan dövlətçiliyi tarixinə qızıl hərflərlə yazıldı. Xalqın öz Prezidentinin ətrafında sıx birləşərək həmrəylik nümayiş etdirməsi, əsgər və zabitlərimizin döyüş meydanında göstərdiyi qəhrəmanlıq zəfər qələbəsinə aparan yolun təminatçısı oldu. Bu gün işğaldan azad edilmiş ərazilərə Böyük Qayıdışı təmin etmək üçün quruculuq işləri aparılır. A.Haxverdiyev əminliklə vurğulayıb ki, quruculuq işləri tezliklə başa çatacaq və uzun illər torpaqlarından ayrı düşən insanların doğma yerlərinə qayıdışı təmin ediləcək.

Daha sonra çıxış edən “Qarabağ” ordenli Vətən müharibəsi iştirakçısı, polkovnik-leytenant Ehtiram Məmmədov, YAP Qubadlı rayon təşkilatı Xıdırlı məktəbi ilk ərazi təşkilatın sədri Savalan İmanov, YAP Qubadlı rayon təşkilatı Kavdadıq məktəbi ilk ərazi təşkilat rəhbəri Alimə Bayramova və başqaları son 18 ildə ölkəmizdə aparılan uğurlu dövlət siyasətindən bəhs açıblar.

Paylaş:

Baxılıb: 893 dəfə