Xızıda “Azərbaycan son 18–ildə”mövzüsunda konfrans keçirilib

Bakı:

22 °C

68 %

5 m/s

Əlaqə

AZ RU EN

Ana səhifə / YAP xəbərləri / Xızıda “Azərbaycan son 18–ildə”mövzüsunda konfrans keçirilib

Xızıda “Azərbaycan son 18–ildə”mövzüsunda konfrans keçirilib

23.12.2021 [18:37]

YAP Xızı rayon təşkilatçılığı ilə “Azərbaycan son 18–ildə”mövzüsunda konfrans keçirilib. Təşkilat üzvləri və rayon ictimaiyyəti Ulu Öndər Heydər Əliyevin abidəsini ziyarət edublər.

Konfransı giriş sözü ilə açan YAP Xızı rayon təşkilatı sədrinin səlahiyyətlərini icra edən Fərrux Haqverdiyev çıxışında bildirdi ki, Azərbaycan dövlətinin qurucusu, ulu öndər Heydər Əliyevin düşünülmüş və məqsədyönlü siyasəti nəticəsində yaradılan möhkəm təməl üzərində inamla irəliləyən Azərbaycan son 18 ildə Prezident İlham Əliyevin rəhbərliyi ilə iqtisadi və siyasi müstəqilliyini daha da möhkəmləndirdi, dünya birliyinin fəal üzvünə çevrildi, ordusu dünyanın ən güclü orduları sırasında yer aldı, hazırda tarixə qovuşan Dağlıq Qarabağ münaqişəsinin həlli üçün möhkəm hüquqi bazanın yaradılmasına nail oldu. “Son 18 ilin 17 ili torpaqlarımızın işğaldan azad edilməsinə hazırlıq, bir ili isə bu ərazilərin tarixi sahibinə qovuşmasından sonra ölkəmizin həyatında yeni mərhələnin-bərpa və quruculuq işlərinin başlandığı il kimi xarakterizə olunur. 44 günlük İkinci Qarabağ müharibəsinin rəmzinə çevrilən “Dəmir yumruq” birliyimizin və gücümüzün dünyaya təqdimatı oldu” deyən təşkilatın sədri vəzifəsinin icraçısı vurğuladı ki, müharibə dövründə Müzəffər Ali Baş Komandan cənab İlham Əliyev tərəfindən səsləndirilən bəyanatlar emosionallığı ilə diqqət çəkirdi: “Bu məqamlarda deyilən hər bir söz, fikir xalqın yaddaşına əbədi həkk olundu, dillər əzbərinə çevrildi: Dövlət başçısı İlham Əliyevin Qələbəmizə böyük inamı ölkə vətəndaşlarını daha da qürurlandırır, o günün addımlığında olduğumuza inamı artırırdı.

44 gündə 30 ilin işğalına son qoymaq böyük qəhrəmanlıq, şücaət, ən əsası torpaq, Vətən sevgisinin göstəricisidir”.

“Yeni infrastrukturun yaradılması ilə yanaşı, bir çox dövlətlər üçün nümunəvi hesab olunan müasir idarəçilik modelinin tətbiqi işğaldan azad olunan ərazilərimizin daha çevik inkişaf etməsinə gətirib çıxaracaqdır.

Dövlət başçısı cənab İlham Əliyevin uğurlu və düşünülmüş siyasəti nəticəsində paytaxt və bölgələrimiz arasında fərq tamamilə aradan götürülüb. Bu gün Azərbaycanın hər bir bölgəsi, kənd və qəsəbəsi inkişaf, tərəqqi dövrünü yaşayır. Xızı rayonunun timsalında görülən işlərin miqyasının nə qədər böyük olduğunu fəxr hissi ilə qeyd edə bilərik” – deyən F.Haqverdiyev bildirdi ki, Azərbaycanda qlobal lahiyələr reallaşır, müdafiə potensialı güclənir, beynəlxalq aləmdə mövqeyimiz möhkəmlənir, elm-təhsildə yeni informasiya texnologiyaları tətbiq olunur. Müstəqillik, demokratiya, vətəndaş cəmiyyəti, sivil və hüquqi dövlət quruculuğu yolunda uğurlu addımlar atan ölkəmiz dünyanın həlledici subyektləri sırasındadır.

Məruzə ətrafında çıxış edən partiya fəalları Svetlana Rüstəmova, İman Ağayev və rayon İcra Hakimiyyətinin Başçısı Xəzər Aslanov Prezident İlham Əliyevin rəhbərliyi ilə ölkəmizin son 18 ildə hər bir sahədə qazandığı böyük uğurlara dair çıxış edib, 44 günlük Vətən müharibəsində əldə olunmuş tarixi Qələbəmizdən geniş bəhs etdilər.

Paylaş:

Baxılıb: 955 dəfə