YAP Yardımlı rayon təşkilatının X hesabat konfransı keçirilib

Bakı:

22 °C

50 %

4 m/s

Əlaqə

AZ RU EN

Ana səhifə / YAP xəbərləri / YAP Yardımlı rayon təşkilatının X hesabat konfransı keçirilib

YAP Yardımlı rayon təşkilatının X hesabat konfransı keçirilib

19.08.2021 [09:46]

Avqustun 18-də Yeni Azərbaycan Partiyası (YAP) Yardımlı rayon təşkilatının videoformatda X hesabat konfransı keçirilib.

Öncə Yeni Azərbaycan Partiyasının yaradıcısı, Ulu Öndər Heydər Əliyevin və Azərbaycanın ərazi bütövlüyü uğrunda şəhid olan Vətən oğullarının əziz xatirəsi bir dəqiqəlik sükutla yad edilib.

Konfransın gündəliyi təsdiq edildikdən sonra YAP Yardımlı rayon təşkilatının sədri Mahir Mirzəyev hesabat məruzəsi ilə çıxış edib. Bildirib ki, bu gün Ulu Öndər Heydər Əliyev ideyalarının və Onun siyası kursunun qətiyyətli davamçısı, Yeni Azərbaycan Partiyasının Sədri, Azərbaycan Respublikasının Prezidenti cənab İlham Əliyevin çoxşaxəli, səmərəli fəaliyyəti YAP-ın aparıcı mövqeyini daha da möhkəmləndirir. 44 günlük Vətən müharibəsində əldə olunan parlaq Qələbəmizin yaratdığı reallıqlardan bəhs edən M.Mirzəyev deyib ki, yeni çağırışların həyata keçirilməsində Yeni Azərbaycan Partiyası daim ön sıralarda olub.

M.Mirzəyev qeyd edib ki, hesabat dövründə partiyanın sıraları daha da genişlənərək, üzvlərinin sayı 3690 nəfər olub. Onlardan 872 nəfəri gənclər, 565 nəfəri isə qadınlardır.

Sonra YAP Yardımlı rayon təşkilatının Nəzarət-Təftiş Qrupunun sədri Telman Abbasovun hesabatı dinlənilib.

Müzakirələr zamanı Yardımlı Rayon İcra Hakimiyyətinin başçısı Ayaz Əsgərov, Milli Məclisin deputatı Musa Qasımlı, YAP Yardımlı rayon təşkilatının İdarə Heyətinin üzvü, rayon Ağsaqqalar Şurasının sədri Məzlum Mənsimov, rayon təşkilatının sədr müavini Anar Alışov, rayon təşkilatının İdarə Heyətinin üzvü, Rayon İcra Hakimiyyəti başçısının müavini Əfsanə Məmmədova çıxış edərək təşkilatın hesabat dövrü ərzində gördüyü işlərdən bəhs ediblər.

Konfransda çıxış edən YAP Mərkəzi Aparatının Təşkilat şöbəsinin müdiri Əhliman Tağıyev bildirib ki, zamanın tələbi, xalqın istəyi ilə yaranan və qısa müddətdə ümumxalq partiyasına çevrilən YAP-ın bütün uğurlarının arxasında xalqın inamı və bu inamdan irəli gələn dəstəyi dayanır. Ulu Öndər Heydər Əliyevin yaradıcısı olduğu, son 18 ildə cənab İlham Əliyevin rəhbərlik etdiyi Yeni Azərbaycan Partiyasının uğurlu gələcəyinə böyük inam və etimad vardır. VII Qurultayda partiyanın strukturunda yeni seçimlərin edilməsi, YAP-ın yeni Nizamnaməsinin qəbulu təşkilati nöqteyi-nəzərdən xüsusi önəm daşımaqla bərabər, partiyanın fəaliyyətinin stimullaşdırılmasına və səmərələlik səviyyəsinin artırılmasına əhəmiyyətli töhfələr verəcək.

Ə.Tağıyev ölkəmizin uğurlarında Yeni Azərbaycan Partiyasının böyük rolu olduğunu önə çəkərək, YAP Yardımlı rayon təşkilatına gələcək fəaliyyətində uğurlar arzulayıb.

Konfransda YAP Yardımlı rayon təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 677 dəfə