Pərvin Kərimzadə: Azərbaycan-Türkiyə əlaqələrinin uğurla inkişafı bütövlükdə regionun tərəqqisinə mühüm töhfələr verir

Bakı:

19 °C

82 %

1 m/s

AZ RU EN

Ana səhifə / YAP xəbərləri / Pərvin Kərimzadə: Azərbaycan-Türkiyə əlaqələrinin uğurla inkişafı bütövlükdə regionun tərəqqisinə mühüm töhfələr verir

Pərvin Kərimzadə: Azərbaycan-Türkiyə əlaqələrinin uğurla inkişafı bütövlükdə regionun tərəqqisinə mühüm töhfələr verir

11.09.2020 [09:36]

“Ulu Öndər Heydər Əliyevin bir millət, iki dövlət olaraq xarakterizə etdiyi Azərbaycan ilə Türkiyə arasındakı münasibətlər qarşılıqlı etimad, səmimi münasibət, yüksək səviyyəli əməkdaşlıq əsasında qurulub”.
Bu fikri Yeni Azərbaycan Partiyası (YAP) Gəncə şəhər təşkilatı Qadınlar Şurasının sədri, Milli Məclisin deputatı Pərvin Kərimzadə deyib.
O qeyd edib ki, xalqlarımızın eyni soykökə, dilə, dinə, mədəniyyətə və bir çox digər qarşılıqlı bağlara malik olması bu iki ölkəni daha da doğmalaşdırıb, sevincli, kədərli günlərdə birinin digərinin yanında olmasına zəmin yaradıb.Onun sözlərinə görə, erməni təxribatı nəticəsində iyul ayında baş verən Tovuz hadisələri zamanı qardaş Türkiyənin birmənalı şəkildə bütün imkanları ilə Azərbaycanın yanında olmasını bəyan etməsi Azərbaycan-Türkiyə birliyinin növbəti əyani təcəssümü oldu: “Azərbaycan Respublikasının Prezidenti İlham Əliyev ən müxtəlif beynəlxalq tədbirlərdə həmişə birmənalı şəkildə Türkiyə Cümhuriyyətinin qarşıya çıxan problemlərinin həllində qardaş ölkəyə birmənalı şəkildə dəstək verməyin əsl örnəyini nümayiş etdirib. Eyni addım da hər zaman Türkiyə Cümhuriyyətinin Prezidenti Rəcəb Tayyib Ərdoğan tərəfindən atılır. Türkiyənin dövlət rəhbəri çıxışlarında səsləndirdiyi “Azərbaycanın işğal altındakı torpaqları azad edilməlidir”, “qardaşlarımızı heç vaxt tək qoymarıq” fikirləri, qəti və aydın mövqeyi ölkəmizə birmənalı dəstəyi, işğalçı Ermənistan hökumətinə ciddi mesajı müstəqil dövlətimizə, dövlət rəhbərimizə, xalqımıza bəslənilən münasibəti bir daha gündəmə gətirdi”.
P.Kərimzadə deyib ki, çoxəsrlik böyük tarixi ənənələrə, dərin köklərə malik Azərbaycan-Türkiyə qardaşlığı və əməkdaşlığının bu günkü mərhələsi isə ölkələrimizin şanlı birlik salnaməsinə parlaq səhifələr əlavə edir. “Azərbaycan və Türkiyə dövlətlərinin prezidentləri tərəfindən bu gün həyata keçirilən düzgün, məqsədyönlü siyasətin məntiqi nəticəsi olaraq hər iki ölkə arasındakı əlaqələr bütün sahələr üzrə daha yüksək səviyyəyə çatmaqda, bir sıra sahələr üzrə isə keyfiyyətcə yeni müstəviyə keçməkdədir. Azərbaycan-Türkiyə əlaqələrinin uğurla inkişafı təkcə bu dövlətlərin yox, həm də regionun ümumi tərəqqisinə, sabitliyin bərqərar olmasına mühüm töhfələr verir. İki qardaş ölkənin həmrəyliyi və əməkdaşlığı beynəlxalq aləmdə sülh və əmin-amanlığın, təhlükəsizliyin, əməkdaşlığın tənzimlənməsində, regionda meydana çıxan problemlərin həllində böyük əhəmiyyətə malikdir”, - deyə o vurğulayıb.

Paylaş:

Baxılıb: 696 dəfə