Rahim Muradov: Ölkəmizin vətənpərvər gəncləri Vətənə xidmət etməyi ən şərəfli vəzifə hesab edirlər

Bakı:

25 °C

54 %

3 m/s

AZ RU EN

Ana səhifə / YAP xəbərləri / Rahim Muradov: Ölkəmizin vətənpərvər gəncləri Vətənə xidmət etməyi ən şərəfli vəzifə hesab edirlər

Rahim Muradov: Ölkəmizin vətənpərvər gəncləri Vətənə xidmət etməyi ən şərəfli vəzifə hesab edirlər

09.09.2020 [08:56]

“Azərbaycanda gənclərə dövlət tərəfindən xüsusi diqqət və qayğı göstərilir. Məhz bu münasibətin nəticəsində Azərbaycan gəncliyi cəmiyyətin aparıcı qüvvəsinə çevrilib. Yüksək elm və təhsillə, qabiliyyət və bacarıqla özünü sübut edən ölkəmizin vətənpərvər gəncləri Vətənə xidmət etməyi də ən şərəfli vəzifə hesab edirlər”.
Bu sözləri Yeni Azərbaycan Partiyası (YAP) Naftalan şəhər təşkilatı Gənclər Birliyinin üzvü Rahim Muradov deyib.
R.Muradovun sözlərinə görə, gənclik cəmiyyətin aparıcı, eyni zamanda, daim axtarışda olan qüvvəsidir: “Azərbaycanın əldə etdiyi uğurların bir təminatı da yüksək peşə vərdişlərinə və əqli potensiala malik gənclər ordusudur. Çünki gənclik daim yenilik axtarışında olan, ideyalarla zəngin bir qüvvədir. Hər bir dövlətin əsas missiyası gələcəyini etibar edəcəyi nəsil hazırlamaqdır”.
R.Muradov deyib ki, Prezident İlham Əliyev bu meyarları nəzərə alaraq Azərbaycanın qüdrətli dövlətə çevrilməsi naminə gənclərə geniş meydan verilməsinin tərəfdarı olub və ölkəmizdə gənclər üçün hər bir şərait yaradılıb: “Bu gün Azərbaycanda gənclər siyasəti dövlətin böyük önəm verdiyi prioritet sahələrdəndir. Gənclərimiz də bu imkanlardan yararlanır, cəmiyyətin inkişaf prosesinin avanqardına çevrilirlər”.
Onun sözlərinə görə, Azərbaycan gəncləri dövlət başçısı İlham Əliyevin siyasətini birmənalı şəkildə dəstəkləyirlər: “Ümummilli Lider Heydər Əliyevin ideyalarına sədaqətlilik göstərən gənclərimiz Prezidentimizin ətrafında sıx birləşiblər. Öz növbəsində dövlət başçısı əmindir ki, Azərbaycan gəncləri Ümummilli Liderin dövlətçilik fəlsəfəsini, azərbaycançılıq məfkurəsini bundan sonra da daha dərindən mənimsəyəcək, Ulu Öndərin dövlətçilik ənənələrinin qorunub saxlanılması ilə bağlı üzərlərinə düşən məsuliyyəti daim hiss edəcəklər”.
“Sağlam gənclik - sağlam nəsil deməkdir. Prezident İlham Əliyev sağlam gənclik yetişdirmək, bununla da xalqımızın sağlam gələcəyini təmin etmək üçün idmanı ümumxalq hərəkatına çevirmək xətti yeridir. Onun təşəbbüsü ilə təkcə paytaxt Bakıda deyil, regionlarda da olimpiya idmanı-sağlamlıq komplekslərinin tikilib istifadəyə verilməsi, idmanın müxtəlif sahələrinin inkişafı üçün güclü maddi-texniki baza yaradılması xalqın sağlam gələcəyinə yönəlmiş müdrik siyasətin parlaq təzahürləridir”, - deyə R.Muradov söyləyib.

Paylaş:

Baxılıb: 637 dəfə