Fəsli Nəbiyev: İşğal olunmuş Azərbaycan ərazilərində qeyri-qanuni məskunlaşdırma beynəlxalq hüququn norma və prinsiplərinə ziddir

Bakı:

15 °C

77 %

3 m/s

AZ RU EN

Ana səhifə / YAP xəbərləri / Fəsli Nəbiyev: İşğal olunmuş Azərbaycan ərazilərində qeyri-qanuni məskunlaşdırma beynəlxalq hüququn norma və prinsiplərinə ziddir

Fəsli Nəbiyev: İşğal olunmuş Azərbaycan ərazilərində qeyri-qanuni məskunlaşdırma beynəlxalq hüququn norma və prinsiplərinə ziddir

05.09.2020 [09:10]

“Məlum olduğu kimi, bu ilin iyul ayında Ermənistan silahlı qüvvələri Azərbaycan-Ermənistan sərhədinin Tovuz rayonu istiqamətində təxribatlar törətməklə qalmayıb, bu yaxınlarda cəhbənin Goranboy istiqamətində diversiya fəaliyyətinə cəhd edib. Bu azmış kimi, Ermənistan rəhbərliyi tərəfindən işğal altında olan Dağlıq Qarabağ və ətraf rayonlarda qeyri-qanuni fəaliyyətlər davam etdirilir”.
Bu fikirləri Yeni Azərbaycan Partiyası (YAP) Binəqədi rayon təşkilatı Gənclər Birliyinin sədri Fəsli Nəbiyev deyib.
F.Nəbiyevin sözlərinə görə, işğal altındakı ərazilərimizdə zaman-zaman qeyri-qanuni məskunlaşmaya dair faktlar ortaya çıxır: “Ermənistan tərəfindən həyata keçirilən qanunsuz məskunlaşdırma faktı ATƏT-in faktaraşdırıcı missiyalarının hesabatlarında da qeydə alınıb”.
O, qeyd edib ki, işğal olunmuş Azərbaycan ərazilərində qeyri-qanuni məskunlaşdırma beynəlxalq hüququn norma və prinsiplərinə ziddir: “Buna baxmayaraq, Livanın paytaxtı Beyrutda baş verən partalyış işğalçı dövlətin mənfur siyasətini həyata keçirmək üçün bir bəhanə olub. Belə ki, işğalçı dövlət üçün Suriya ermənilərindən sonra bu dəfə də Livan ermənilərinin Ermənistana miqrasiyası mühüm hədəf kimi önə çəkilib. Halbuki Ermənistanın bu əməlləri beynəlxalq humanitar hüququn, eləcə də 1949-cu il Cenevrə Konvensiyası və onun əlavə Protokollarının kobud şəkildə pozulmasıdır”.
“İşğalçı Ermənistan həddini o qədər aşıb ki, bu dəfə işğal edilmiş ərazilərdə məskunlaşdırma niyyətlərini açıq şəkildə bəyan edir, Livandan olan ilk iki erməni ailəsinin Dağlıq Qarabağa köçdüyünü və bu prosesin davamlı olacağını bildirir. Habelə qondarma rejimin başçısı Araik Arutunyan Livanda yerləşən Kilikiya katolikosluğunun rəhbəri, diaspor ermənilərinin dini lideri I Aramla danışıq əsnasında, 100-150 erməni ailəsini Dağlıq Qarabağda yerləşdirməyə hazır olduğunu bildirib. Şübhəsizdir ki, işğal olunmuş ərazilərə Livan ermənilərinin süni şəkildə köçürülməsi ilə erməni əhalisinin heç vaxt yaşamadığı işğal olunan ətraf rayonların etnik strukturunu dəyişdirmək niyyəti güdülür”, - deyə F.Nəbiyev bildirib.
F.Nəbiyevin sözlərinə görə, təəssüf doğuran digər hal odur ki, Ermənistanın işğalçı siyasətinə son qoyması üçün beynəlxalq təşkilatlar, xüsusilə ATƏT-in Minsk qrupunun həmsədri olan ölkələr konkret addımlar atmırlar: “Əksinə işğalçı dövlətin silahlandırılmasına göz yuman beynəlxalq təşkilatlar, işğal edilmiş torpaqlarda aparılan süni məskunlaşdırma fəaliyyətləri qarşısında da susmağa üstünlük verirlər”.

Paylaş:

Baxılıb: 670 dəfə