YAP nümayəndə heyəti Ukraynadan səfərdən qayıdıb

Bakı:

24 °C

56 %

5 m/s

Əlaqə

AZ RU EN

Ana səhifə / YAP xəbərləri / YAP nümayəndə heyəti Ukraynadan səfərdən qayıdıb

YAP nümayəndə heyəti Ukraynadan səfərdən qayıdıb

27.10.2009 [09:16]

Siyavuş Novruzov: Partiyamızın çox geniş beynəlxalq əlaqələri mövcuddur
Xəbər verdiyimiz kimi, Yeni Azərbaycan Partiyasının (YAP) nümayəndə heyəti oktyabrın 23-də Ukraynanın Regionlar Partiyasının XII qurultayında iştirak etmək məqsədilə Kiyev şəhərində səfərdə olub. Səfər haqqında məlumat verən YAP İcra katibinin müavini, millət vəkili Siyavuş Novruzov bildirib ki, gələn il yanvarın 17-də Ukraynada növbəti prezident seçkiləri keçiriləcək və bununla bağlı Regionlar Partiyasının qurultayı baş tutub: “YAP-la Regionlar Partiyası arasında çox yaxın münasibətlər var. Hər iki partiya qarşılıqlı əməkdaşlığa böyük önəm verir və müxtəlif tədbirlərdə müntəzəm olaraq iştirak edirlər. Bu partiyanın qurultayında iştirak etmək üçün YAP da dəvət olunmuşdu. Mən və millət vəkili Rauf Əliyev YAP nümayəndə heyətinin üzvləri olaraq tədbirdə iştirak etdik. ümumilikdə, qurultayda başqa ölkələrdən dəvət olunmuş 8 siyasi partiyanın nümayəndə heyəti iştirak edib. Qurultayda Regionlar Partiyasının lideri Viktor Yanukoviçin prezidentliyə namizədliyi irəli sürüldü. Biz də partiyamızın nümayəndə heyəti olaraq Regionlar Partiyasına və onun sədrinə təbriklərimizi çatdırdıq, fəaliyyətlərində uğurlar arzuladıq”.
Səfər çərçivəsində bir sıra görüşlərin keçirildiyini, o cümlədən, Regionlar Partiyasının sədr müavini, Türkiyənin Ədalət və İnkişaf Partiyasının nümayəndələri və digər şəxslərlə fikir mübadiləsi aparıldığını deyən S.Novruzovun sözlərinə görə, bütün bunlar qarşılıqlı əlaqələrin inkişaf etdirilməsi baxımından əhəmiyyətlidir.
Daha sonra, Ukraynadakı mövcud siyasi - ictimai durum haqqında da danışan YAP İcra katibinin müavini qeyd edib ki, prezident seçkiləri ərəfəsində Ukraynada siyasi proseslər aktivləşib: “Artıq bu ölkədə bəzi siyasətçilər prezidentliyə namizədliklərini irəli sürüblər. Azərbaycan Ukraynada azad və demokratik seçkilərin keçirilməsində maraqlıdır. Demokratik seçkilər bu dövlətdə sabitlik və inkişafa böyük təsir göstərəcək. Eyni zamanda, bu amil Ukrayna-Azərbaycan münasibətlərinin inkişafında da mühüm rol oynayacaq”.
S.Novruzov bildirib ki, ümumiyyətlə, YAP hazırda beynəlxalq əlaqələrini genişləndirməkdədir: “YAP bir çox ölkələrin partiyaları ilə sıx münasibətlər qurur, qarşılıqlı səfərlər təşkil olunur. Bunun nəticəsidir ki, Azərbaycanda təşkil olunan beynəlxalq tədbirlərdə YAP-ın dəvətilə 40-dan artıq partiyanın nümayəndələri iştirak ediblər. Həmçinin, bir sıra ölkələrin partiyaları ilə əməkdaşlıq haqqında müqavilələr imzalamışıq”.
S.Novruzov sonda hakim partiya təmsilçilərinin noyabrın 21-də keçiriləcək Rusiyanın “Yedinaya Rossiya” Partiyasının qurultayına da dəvət olunduğunu söyləyib.
Nardar BAYRAMLI

Paylaş:

Baxılıb: 1641 dəfə