YAP-ın 25 illik yubileyi ilə əlaqədar Ağstafada “Yeni Azərbaycan Partiyasının yaradıcısı, Ümummilli lider Heydər Əliyev müstəqil Azərbaycan dövlətinin qurucusudur” mövzusunda elmi praktik konfrans keçirilib

Bakı:

22 °C

60 %

2 m/s

AZ RU EN

Ana səhifə / YAP xəbərləri / YAP-ın 25 illik yubileyi ilə əlaqədar Ağstafada “Yeni Azərbaycan Partiyasının yaradıcısı, Ümummilli lider Heydər Əliyev müstəqil Azərbaycan dövlətinin qurucusudur” mövzusunda elmi praktik konfrans keçirilib

YAP-ın 25 illik yubileyi ilə əlaqədar Ağstafada “Yeni Azərbaycan Partiyasının yaradıcısı, Ümummilli lider Heydər Əliyev müstəqil Azərbaycan dövlətinin qurucusudur” mövzusunda elmi praktik konfrans keçirilib

14.10.2017 [09:42]

Yeni Azərbaycan Partiyasının (YAP) 25 illik yubileyi ilə əlaqədar YAP Ağstafa rayon təşkilatının qərargahında “Yeni Azərbaycan Partiyasının yaradıcısı, Ümummilli lider Heydər Əliyev müstəqil Azərbaycan dövlətinin qurucusudur” mövzusunda elmi praktik konfrans keçirilib.
Konfransı giriş sözü ilə YAP Ağstafa rayon təşkilatının sədri Ramiz Tatarov açaraq qeyd edib ki, adı Azərbaycan xalqının rəmzinə, keçdiyi ömür yolu doğma torpağa məhəbbət və sədaqət meyarına çevrilmiş Heydər Əliyev xalqımızın bütün tarixi ərzində yetirdiyi ən böyük siyasi və dövlət xadimlərindən biri, mənsub olduğu xalqı yeni minilliyə, XXI yüzilliyə, qloballaşma əsrinə hazırlayıb çatdıran Ümummilli liderdir. Müstəqillik illərində əldə etdiyimiz nailiyyətlər hər bir azərbaycanlını sevindirir. Bu uğurlar bütün şüurlu həyatını xalqına, vətəninə həsr etmiş, milli tariximizə qurucu və xilaskar rəhbər kimi daxil olmuş dahi lider Heydər Əliyevin adı ilə bağlıdır. Məhz Onun səyləri və gərgin zəhməti ilə Azərbaycanın dövlət müstəqilliyi əbədi, dönməz və sarsılmaz olmuşdur.
Ağstafa rayon təhsil şöbəsinin müdiri Kamran Abbasov vaxtilə Ulu öndər Heydər Əliyevə qarşı edilmiş ədalətsizlikdən, təzyiqlərdən, Onun fəaliyyətinin Naxçıvan dövründən, Yeni Azərbaycan Partiyasının yaradılmasındakı rolundan, müstəqillik yollarında ilk addımlarını atan respublikamızın son dərəcə çətin günlərində xalqın təkidi ilə yenidən hakimiyyətə qayıtdıqdan sonra ölkəmizdə ictimai-siyasi sabitlik yaratmasından, ölkəmizin dünya birliyində layiqli yerini tutmasından ətraflı söhbət açıb.
Ağstafa şəhər 1 saylı tam orta məktəbin müəllimi, Əməkdar müəllim İndra Səmədova, Yaradullu kənd orta məktəbin müəllimi Məmməd Məmmədov, YAP rayon təşkilatı Gənclər Birliyinin sədri Elvin İmaməliyev, Heydər Əliyev Mərkəzinin direktoru Ləman Cəlilova, RİH-in məsul işçisi Şahhüseyn Qurbanov və digər natiqlər Azərbaycanın beynəlxalq aləmdə tanıdılması və digər sahələrdə mühüm işlər görən Prezident İlham Əliyevin fəaliyyətindən danışıblar və Onun Ulu öndər Heydər Əliyevin ən layiqli davamçısı olduğunu vurğulayıblar.

Paylaş:

Baxılıb: 730 dəfə