YAP-ın 25 illik yubileyi Gəncədə silsilə tədbirlərlə qeyd edilir

Bakı:

18 °C

50 %

1 m/s

Əlaqə

AZ RU EN

Ana səhifə / YAP xəbərləri / YAP-ın 25 illik yubileyi Gəncədə silsilə tədbirlərlə qeyd edilir

YAP-ın 25 illik yubileyi Gəncədə silsilə tədbirlərlə qeyd edilir

10.10.2017 [10:01]

Gəncə şəhərində Yeni Azərbaycan Partiyasının (YAP) yaradılmasının 25 illik yubileyi ilə bağlı silsilə tədbirlərin keçirilməsi davam edir. YAP Gəncə şəhər təşkilatının dəstəyi və təşkilatçılığı ilə Gəncə şəhərində fəaliyyət göstərən universitetlərdə gənclərlə görüşlər keçirilib. Tədbirdə çıxış edən YAP Gəncə şəhər təşkilatının sədri, millət vəkili Naqif Həmzəyev deyib ki, Yeni Azərbaycan Partiyası yarandığı gündən öz siyasi xəttinə sadiqliyi, xalq, dövlət qarşısında xidmətləri, ölkəmizin bir-birini əvəzləyən uğurları ilə cəmiyyətdəki mövqeyini daha da möhkəmləndirib, ümumxalq partiyası olduğunu təsdiqləyib.
Yeni Azərbaycan Partiyasının 25 illik fəaliyyəti dövründə xalqımızın taleyüklü problemlərinin həllində müstəsna xidmətlərindən danışan millət vəkili Ulu öndər Heydər Əliyevin müəyyənləşdirdiyi siyasi kursa sadiq qalan ölkə başçısı cənab İlham Əliyevin rəhbərliyi ilə partiyanın gələcəyə doğru inamla irəlilədiyini diqqətə çatdırıb: “Bu müddət ərzində Azərbaycanın siyasi və iqtisadi müstəqilliyi daha da möhkəmlənib, ölkəmizin beynəlxalq aləmdə mövqeyi güclənib. Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin həyata keçirdiyi siyasət ölkəmizə böyük nüfuz qazandırıb, Azərbaycan regionun lider dövlətinə çevrilib. Ölkəmizin iqtisadi cəhətdən qüdrətlənməsi əhalinin sosial şəraitinin yaxşılaşmasına səbəb olub. Bu sahədə işlərin məntiqi davamı olaraq paytaxt Bakı ilə yanaşı bölgələrdə, xüsusi ilə Gəncə şəhərində abadlıq-quruculuq işləri yeni mərhələyə qədəm qoyub, infrastuktur layihələri uğurla həyata keçirilir. Prezident İlham Əliyevin birbaşa təşəbbüsü ilə təməli qoyulan, şəxsi nəzarəti altında inşa edilən obyektlər Gəncə şəhərinin simasını daha da müasirləşdirib, gözəlləşdirib. Çoxsaylı səhiyyə və təhsil müəssisələri, parklar, infrastruktur obyektləri, istehsalat müəssisələri, çoxmərtəbəli yaşayış binaları Nizami yurduna xüsusi yaraşıq verir”.
Gəncə Dövlət Universitetinin elm və innovasiyalar üzrə prorektoru, millət vəkili Pərvin Kərimzadə Azərbaycan Dövlət Aqrar Universitetində baş tutan görüşdə çıxış edərək, Azərbaycan siyasi palitrasının ən güclü və nüfuzlu siyasi təşkilatı olan Yeni Azərbaycan Partiyasının öz sıralarında cəmiyyətin bütün təbəqələrini təmsil edən insanları birləşdirdiyini qeyd edib. Millət vəkili bildirib ki, cəmiyyətin ən dinamik təbəqəsi kimi çıxış edən gənclərin əksəriyyəti YAP sıralarında təmsil olunur və ictimai-siyasi proseslərdə aktiv iştirak edirlər.
AMEA-nın müxbir üzvü, ADAU-nun rektoru, professor İbrahim Cəfərov, GDU-nun humanitar məsələlər üzrə prorektoru, dosent Gülsüm Fətəliyeva, GDU YAP ərazi ilk partiya təşkilatının sədri Cavid Bağırzadə, gənclərdən Nərmin Verdiyeva, Yunus Abarəliyev və digər çıxış edənlər Yeni Azərbaycan Partiyasının gənclərin həyatındakı, onların inkişafındakı rolundan, gənclərə göstərilən diqqət və qayğıdan, ölkəmizdə həyata keçirilən gənclər siyasətinin Gəncə şəhərində uğurla həyata keçirildiyindən danışıblar.
Görüşlər partiya sıralarına qəbul edilən bir qrup gəncə üzvlük vəsiqələri təqdim olunması ilə davam edib.

Paylaş:

Baxılıb: 870 dəfə