YAP Yasamal rayon təşkilatının “Tbilisi prospekti-129” ərazi ilk partiya təşkilatında hesabat-seçki yığıncağı keçirilib

Bakı:

20 °C

56 %

2 m/s

AZ RU EN

Ana səhifə / YAP xəbərləri / YAP Yasamal rayon təşkilatının “Tbilisi prospekti-129” ərazi ilk partiya təşkilatında hesabat-seçki yığıncağı keçirilib

YAP Yasamal rayon təşkilatının “Tbilisi prospekti-129” ərazi ilk partiya təşkilatında hesabat-seçki yığıncağı keçirilib

16.03.2017 [10:08]

Yeni Azərbaycan Partiyası (YAP) Yasamal rayon təşkilatı “Tbilisi prospekti-129” ərazi ilk partiya təşkilatının hesabat-seçki yığıncağı keçirilib.
Baş nazirin müavini, Dövlətqaçqınkomun sədri, Yeni Azərbaycan Partiyası Sədrinin müavini Əli Həsənovun, YAP Yasamal rayon təşkilatının sədri Tağı Əhmədovun və rayon təşkilatının sədr müavini Qərib Məmmədovun da iştirak etdiyi yığıncaqda hesabat məruzəsi ilə çıxış edən ərazi ilk partiya təşkilatının sədri Elçin Qədimov hesabat dövrü ərzində ölkəmizin həyatında baş verən ictimai-siyasi proseslərdən, Yeni Azərbaycan Partiyasının qazandığı uğurlardan, partiyanın gündən-günə artan nüfuzundan söhbət açaraq bildirib ki, Dövlətqaçqınkomun kollektivinin təmsil olunduğu ərazi ilk partiya təşkilatı da müstəqil dövlətimizin inkişafı naminə üzərinə düşən vəzifələri var qüvvə ilə yerinə yetirməyə çalışır. Təşkilatın üzvləri keçirilən bütün tədbirlərdə, ictimai-siyasi proseslərdə fəal iştirak edirlər.
Baş nazirin müavini, Dövlətqaçqınkomun sədri, Yeni Azərbaycan Partiyası Sədrinin müavini Əli Həsənov partiyanın yaranma tarixi, keçdiyi inkişaf yolu haqqında fikirlərini söyləyərək qeyd edib ki, ümumxalq partiyası olan Yeni Azərbaycan Partiyasının əldə etdiyi çoxsaylı nailiyyətlər Azərbaycanın inkişafında özünəməxsus yer tutur. Yeni Azərbaycan Partiyasının qazandığı uğurlar partiyanın yüksək nüfuzu və səmərəli fəaliyyətini göstərir.
YAP Yasamal rayon təşkilatının sədri Tağı Əhmədov diqqətə çatdırıb ki, Azərbaycanın son illərdə əldə etdiyi uğurlar, qazandığı böyük nailiyyətlər Ulu öndər Heydər Əliyevin yaratdığı və bu gün Prezident İlham Əliyevin Sədri olduğu YAP-ın fəaliyyəti ilə bilavasitə bağlıdır. Hazırda YAP-ın üzvlərinin sayının 700 minə çatdığını deyən T.Əhmədov bildirib ki, partiyaya olan bu maraq Ulu öndərin ideyalarına sədaqətdən, Prezident İlham Əliyevə inam və etimaddan irəli gəlir.
Tədbirdə çıxış edən Məhəmməd Məhərrəmov, Ələddin Məmmədov, Telman Mürsəlov, Mirhüseyn Hüseynov və digərləri ilk partiya təşkilatının fəaliyyətini qənaətbəxş hesab ediblər.
Yığıncaqda ərazi ilk partiya təşkilatının sədr və idarə heyətinin üzvləri seçilib. Yeni Azərbaycan Partiyasının sıralarına yeni qəbul edilənlərə üzvlük vəsiqələri təqdim olunub.

Paylaş:

Baxılıb: 1141 dəfə