YAP Nərimanov rayon təşkilatının yaranmasının 23-cü ildönümü münasibətilə tədbir keçirilib

Bakı:

25 °C

73 %

4 m/s

Əlaqə

AZ RU EN

Ana səhifə / YAP xəbərləri / YAP Nərimanov rayon təşkilatının yaranmasının 23-cü ildönümü münasibətilə tədbir keçirilib

YAP Nərimanov rayon təşkilatının yaranmasının 23-cü ildönümü münasibətilə tədbir keçirilib

29.01.2016 [09:47]

Dünən Yeni Azərbaycan Partiyası (YAP) Nərimanov rayon təşkilatının yaranmasının 23-cü ildönümü münasibətilə tədbir keçirilib. Rayon təşkilatının sədri Təmraz Tağıyev tədbir iştirakçılarını təbrik edərək onlara siyasi fəaliyyətlərində uğurlar arzulayıb. O, bildirib ki, Bakı şəhərində ilk olaraq məhz Nərimanov rayonunda YAP-ın yerli strukturu yaradılıb. Belə ki, 28 yanvar 1993-cü ildə rayon təşkilatının təsis konfransı keçirilib.
Təşkilat sədri qeyd edib ki, Azərbaycanı XXI yüzilliyin və III minilliyin dinamik inkişaf yoluna gətirib çıxarmış Ulu öndərimiz Heydər Əliyevin yaratdığı Yeni Azərbaycan Partiyası xalqımızın və ölkəmizin həyatını kökündən dəyişdirib, ölkəmizin həyatında yeni mərhələnin əsasını qoyub, yarandığı vaxtdan partiyamız siyasi mübarizələrlə dolu şərəfli bir yol keçib. Onun sözlərinə görə, Yeni Azərbaycan Partiyası Ulu öndər Heydər Əliyevin həyata keçirdiyi siyasətin avanqard qüvvəsi kimi xalqımızın qarşısında dayanan vəzifələrin həll edilməsinə layiqli töhfəsini verir: “Bu, bundan sonra da davam edəcək, partiyamız Ulu öndərimiz, Azərbaycan xalqının Ümummilli lideri Heydər Əliyevin ideyalarını yaşadacaq, Heydər Əliyev siyasi məktəbinin, Onun yolunun və ideyalarının davamçısı olacaq. Bu gün partiyamızın Sədri, ölkə Prezidenti İlham Əliyev Ulu öndərimizin müəyyənləşdirdiyi siyasi kursu uğurla davam etdirir”.
T.Tağıyev xatırladıb ki, YAP yaradılanda onun şüarı “Müstəqil Azərbaycan uğrunda” idi. Yəni partiyamız müstəqil dövlət quruculuğu uğrunda mübarizə aparırdı və buna da nail olub: “Bu gün məhz Heydər Əliyev şəxsiyyətinin sayəsində Azərbaycan müstəqilliyinin dönməzliyini təmin edib. Ulu öndər Heydər Əliyevin ideyaları, prinsipləri Azərbaycanda əbədidir. Bu prinsiplərin əsasında isə azərbaycançılıq ideologiyası dayanır. YAP məhz bu ideya və prinsipləri yaşadır, təbliğ edir”.
Onun sözlərinə görə, ötən 23 ildə YAP Nərimanov rayon təşkilatı fəaliyyətini kəmiyyət və keyfiyyət baxımından gücləndirib: “Bu gün 135 ilk ərazi partiya təşkilatında 20 min 780 nəfər birləşib. Onların 9 min 102 nəfəri qadın, 7 min 635 nəfəri isə gənclərdən ibarətdir. Təşkilatımızın üzvləri ictimai-siyasi proseslərdə fəal iştirak edirlər. Biz bundan sonra da çalışacağıq ki, üzərimizə düşən vəzifələri layiqincə yerinə yetirək”.
Tədbirdə digər çıxış edənlər də YAP Nərimanov rayon təşkilatının ötən 23 il ərzindəki fəaliyyətini yüksək qiymətləndirib. Sonda təşkilatın yaranmasının 23 illiyi münasibətilə tort kəsilib.
N.BAYRAMLI

Paylaş:

Baxılıb: 1178 dəfə