YAP İmişli rayon təşkilatı Gənclər Birliyinin IV hesabat-seçki konfransı keçirilib

Bakı:

28 °C

49 %

5 m/s

Əlaqə

AZ RU EN

Ana səhifə / YAP xəbərləri / YAP İmişli rayon təşkilatı Gənclər Birliyinin IV hesabat-seçki konfransı keçirilib

YAP İmişli rayon təşkilatı Gənclər Birliyinin IV hesabat-seçki konfransı keçirilib

17.03.2015 [10:05]

Yeni Azərbaycan Partiyası (YAP) İmişli rayon təşkilatı Gənclər Birliyinin IV hesabat-seçki konfransı keçirilib. Tədbir iştirakçıları öncə Ulu öndər Heydər Əliyevin abidəsi önünə gül dəstələri qoyaraq Onun xatirəsini böyük ehtiramla yad ediblər.
Daha sonra konfransı giriş sözü ilə açan YAP İmişli rayon təşkilatının sədri Səfa Ağayev ölkəmizdə gənclərə göstərilən diqqət və qayğıdan danışıb. Bildirilib ki, əsası Ümummilli liderimiz Heydər Əliyev tərəfindən qoyulan və bu gün Prezident İlham Əliyev tərəfindən uğurla davam etdirilən dövlət siyasəti nəticəsində gənclər ölkəmizdə dövlət quruculuğunun fəal iştirakçılarına çevriliblər: “Yeni Azərbaycan Partiyası dövlətimizin gənclərin inkişafı istiqamətində həyata keçirdiyi bütün layihələri dəstəkləyir və onun uğurları üçün çalışır. Bütün Azərbaycan gəncliyi Prezident İlham Əliyevin ətrafında sıx birləşərək dövlətimizin inkişafına öz töhfələrini verir”.
Daha sonra hesabat məruzəsi ilə çıxış edən YAP İmişli rayon təşkilatı Gənclər Birliyinin sədri Rüstəm Vəliyev bildirib ki, YAP İmişli rayon təşkilatının 8123 üzvünün 2565 nəfərini gənclər təşkil edir. Partiya rayon təşkilatının üzvü olan gənclərin 729 nəfəri təhsil, səhiyyə, mədəniyyət və idarəetmə sahəsində çalışır: “870 nəfər gəncimiz ali təhsillidir. Sevindirici haldır ki, partiya rayon təşkilatının Gənclər Birliyinin 79 nəfər nümayəndəsi bələdiyyə üzvü kimi fəaliyyət göstərir. Gənclərin partiyamıza qoşulma meyili rayonumuzda kifayət qədər yüksəkdir”.
Hesabat məruzəsi ətrafında çıxış edən YAP İmişli rayon təşkilatı idarə heyətinin üzvü, rayon Gənclər və İdman idarəsinin rəisi Ceyhun Əbdülov, gənc partiya fəalı Aynur Məmmədova və başqaları III konfransdan ötən müddət ərzində görülmüş işləri qənaətbəxş hesab ediblər və partiya rayon təşkilatı Gənclər Birliyinin fəaliyyətini yüksək qiymətləndiriblər.
Daha sonra təşkilati məsələlərə baxılıb, YAP İmişli rayon təşkilatı Gənclər Birliyinin Şura üzvləri, İdarə Heyəti və YAP Gənclər Birliyinin növbəti konfransına nümayəndələr seçilib. Ziya Paşayev YAP İmişli rayon təşkilatı Gənclər Birliyinin sədri, həmçinin, sədrin müavinləri seçiliblər.
Tədbirdə iştirak edən YAP Siyasi Şurasının üzvü, Ekologiya və təbii sərvətlər nazirinin müavini Firdovsi Əliyev deyib ki, gənclərimiz ölkəmizi beynəlxalq aləmdə layiqincə təmsil edir, Azərbaycanla bağlı həqiqətlərin dünya ictimaiyyətinə çatdırılmasında, mədəni-mənəvi irsimizin təbliğ olunmasında fəallıq nümayiş etdirir. Bildirilib ki, bütün bunlar gəncliyimiz üçün dövlət tərəfindən yaradılmış əlverişli imkanlar, verilmiş mükəmməl təhsil və özünü təsdiqləmək üçün ideal şərait əsasında ərsəyə gəlib.
Çıxış edən İmişli rayon İcra Hakimiyyətinin başçısı, YAP İmişli rayon təşkilatı idarə heyətinin üzvü Vilyam Hacıyev bildirib ki, Azərbaycan gəncliyi ölkənin ictimai-siyasi, sosial-iqtisadi və digər sahələrində aktiv fəaliyyət göstərir, intellektual imkanları və yaradıcılığı ilə dövlətçiliyimizin möhkəmləndirilməsi işinə öz töhfəsini verir. Vilyam Hacıyev deyib ki, Azərbaycan dövləti gənc nəslə həm etibar edir, onun qayğıları ilə məşğul olur, həm də gənclərin ideyalarını, təkliflərini bilavasitə özlərindən alaraq həyata keçirir.

Paylaş:

Baxılıb: 988 dəfə