YAP Şəmkir rayon təşkilatı Gənclər Birliyinin IV hesabat konfransı keçirilib

Bakı:

25 °C

65 %

8 m/s

Əlaqə

AZ RU EN

Ana səhifə / YAP xəbərləri / YAP Şəmkir rayon təşkilatı Gənclər Birliyinin IV hesabat konfransı keçirilib

YAP Şəmkir rayon təşkilatı Gənclər Birliyinin IV hesabat konfransı keçirilib

13.03.2015 [14:54]

Dünən Yeni Azərbaycan Partiyasının (YAP) Şəmkir rayon təşkilatı Gənclər Birliyinin IV hesabat konfransı keçirilib. Konfrans iştirakçıları əvvəlcə Ulu öndər Heydər Əliyevin abidəsi önünə gül-çiçək dəstələri düzərək, Onun əziz xatirəsini ehtiramla yad ediblər.
Daha sonra Şəmkir rayon Heydər Əliyev Mərkəzində keçirilən konfransı YAP Şəmkir rayon təşkilatının sədri Fəxrəddin Vəliyev açaraq ölkəmizdə həyata keçirilən dövlət gənclər siyasətinin uğurlarından, YAP-ın gənclərin inkişafına xidmət edən tədbirlərindən danışıb, konfransın gündəliyi barədə məlumat verib.
YAP Şəmkir rayon təşkilatı Gənclər Birliyinin sədri Ruhid Hacıyev geniş məruzə ilə çıxış edərək bildirib ki, YAP Gənclər Birliyi fəaliyyəti dövründə həm ölkədaxili, həm də sərhədlərimizdən kənarda bir çox uğurlara imza atıb, bütövlükdə ölkə gəncliyinin mütərəqqi gələcəyinin formalaşmasına mühüm töhfələr verib. Onun sözlərinə görə, hazırda YAP Şəmkir rayon təşkilatının 125 ilk partiya təşkilatı ətrafında 10893 nəfər YAP üzvünü birləşdirir ki, onların 3435 nəfərini (38 faiz) gənclər təşkil edir. YAP Şəmkir rayon təşkilatının Gənclər Birliyi həmişə rayon təşkilatının yaxın köməkçisi olub. YAP Şəmkir rayon təşkilatının keçirdiyi bütün tədbirlərdə gənclər fəal iştirak edirlər. Məruzə ətrafında Gənclər və İdman idarəsinin baş məsləhətçisi, YAP Gənclər Birliyinin üzvü Vüsal Rzayev, Şəmkir rayon İrmaşlı kənd bələdiyyəsinin sədri Lamiyə Allahverdiyeva, YAP Şəmkir rayon təşkilatı Aparatının təlimatçısı, YAP Şəmkir rayon Gənclər Birliyinin üzvü İlkin Musayev, Şəmkir şəhəri Ə.Cavad adına Mədəniyyət Mərkəzinin direktoru Tural Əliyev çıxış edərək hesabat dövründə Gənclər Birliyi tərəfindən həyata keçirilən işlər, görülən tədbirlər barədə konfrans iştirakçılarına məlumat veriblər.
Konfransda təşkilati məsələlərə baxılıb, 25 nəfərdən ibarət YAP Şəmkir rayon təşkilatı Gənclər Birliyinin Şura üzvləri, 13 nəfərdən ibarət İdarə Heyəti müəyyənləşib. Həmçinin, Emin İsmayılov YAP Şəmkir rayon təşkilatı Gənclər Birliyinin sədri, Lamiyə Allahverdiyeva və Vüsal Rzayev sədr müavinləri seçiliblər. Konfransda, həmçinin, YAP Gənclər Birliyinin IV konfransına nümayəndələr seçiliblər.
Konfransın işində ekologiya və təbii sərvətlər nazirinin birinci müavini, YAP Siyasi Şurasının üzvü Firdovsi Əliyev və Yeni Azərbaycan Partiyasi Mərkəzi Aparatının məsul işçisi Rafayıl Gülməmmədov çıxış edərək, gənclərin ölkənin ictimai-siyasi həyatında rolu, ölkədə həyata keçirilən gənclər siyasəti barədə, həmçinin gənclər qarşısında duran vəzifələr barədə danışıb, gənclərə öz tövsiyələrini veriblər.
Sonda konfrans iştirakçıları adından Yeni Azərbaycan Partiyasının Sədri, Azərbaycan Respublikasının Prezidenti İlham Əliyevə müraciət qəbul olunub.

Paylaş:

Baxılıb: 1083 dəfə