YAP Qazax rayon təşkilatının hesabat yığıncağı keçirilib

Bakı:

19 °C

68 %

3 m/s

Əlaqə

AZ RU EN

Ana səhifə / YAP xəbərləri / YAP Qazax rayon təşkilatının hesabat yığıncağı keçirilib

YAP Qazax rayon təşkilatının hesabat yığıncağı keçirilib

06.02.2015 [09:41]

Yeni Azərbaycan Partiyası (YAP) Qazax rayon təşkilatının 2014-cü ilin yekunları və qarşıda duran vəzifələrə həsr olunmuş hesabat yığıncağı keçirilib. Toplantıda çıxış edən YAP Qazax rayon təşkilatının sədri Həmid Pənahov 2014-cü ildə görülmüş işlərə dair məruzə ilə çıxış edib. Bildirilib ki, YAP Qazax rayon təşkilatı 2014-cü ildə öz fəaliyyətini Yeni Azərbaycan Partiyasının nizamnaməsi və proqramı əsasında, İcra Katibliyinin təlimat və tövsiyələrinə uyğun qurub. Ötən il keçirilən bələdiyyə seçkilərində YAP tərəfindən irəli sürülən 165 nəfər bələdiyyə üzvlüyünə namizəddən 111 nəfəri seçicilərin etimadını qazanaraq bələdiyyələrə üzv seçiliblər.
H.Pənahov bildirib ki, YAP Qazax rayon təşkilatının tədbirlər planına uyğun olaraq Ümummilli lider Heydər Əliyevin siyasi irsinin daha dərindən öyrənilməsi və təbliği istiqamətində bir sıra addımlar atılıb.
Ötən il partiya rayon təşkilatının sıraları daha da genişlənib. Məruzədə göstərilib ki, YAP Qazax rayon təşkilatının 7166 nəfər üzvü 75 ərazi ilk partiya təşkilatlarında qeydiyyatdadır. Onlardan 4380 nəfərini qadınlar, 2193 nəfərini gənclər təşkil edir. 2014-cü il ərzində YAP Qazax rayon təşkilatında 868 nəfər partiya sıralarına qəbul olunub, bundan 660 nəfəri qadınlar, 241 nəfəri gənclərdir.
H.Pənahov bu il Milli Məclisə seçkilərin keçiriləcəyini vurğulayıb. Onun sözlərinə görə, YAP Qazax rayon təşkilatı qarşıdan gələn seçkilərdə də Yeni Azərbaycan Partiyasının qələbə qazanması və partiya siyasətinin həyata keçirilməsi üçün bütün imkanlardan istifadə edəcək.
Daha sonra məruzə ətrafında çıxışlar edilib. YAP Qazax rayon təşkilatının Gənclər Birliyinin sədri Vüsal İsmayılov, YAP Qazax rayon təşkilatı Qadınlar Şurasının sədri Asya Alhüseynova, YAP Qazax rayon təşkilatının şura üzvü Abbas Göyüşov və başqaları 2014-cü ildə görülən işlərdən, həyata keçirilən tədbirlərdən, qazanılan uğurlardan danışıblar. Natiqlər YAP Qazax rayon təşkilatının 2014-cü ildəki fəaliyyətini müsbət dəyərləndiriblər.
Daha sonra çıxış edən Qazax rayon İcra Hakimiyyətinin başçısı, YAP Qazax rayon təşkilatı İdarə Heyətinin üzvü Ayaz Əsgərov 2014-cü ilin ölkəmiz üçün uğurlu olduğunu deyib. İcra Hakimiyyətinin başçısı qeyd edib ki, il ərzində ölkə iqtisadiyyatı artıb, qeyri-neft sektorunun inkişafı sürətlənib, uğurlu sosial-iqtisadi siyasət həyata keçirilib: “Regionların sosial-iqtisadi inkişafına dair Dövlət Proqramı uğurla davam edib. Qazanılan bütün uğurların əsasında isə Ümummilli lider Heydər Əliyev siyasi kursunun layiqli davamçısı, Prezident İlham Əliyevin həyata keçirdiyi düşünülmüş və məqsədyönlü siyasət dayanır. Bütün görülən işlərdə ölkəmizin ən güclü siyasi təşkilatı olan Yeni Azərbaycan Partiyasının da xüsusi rolu vardır”.
PƏrviz

Paylaş:

Baxılıb: 990 dəfə