YAP gənclərə öz potensialını reallaşdırmağa dəstək verir

Bakı:

26 °C

51 %

4 m/s

Əlaqə

AZ RU EN

Ana səhifə / YAP xəbərləri / YAP gənclərə öz potensialını reallaşdırmağa dəstək verir

YAP gənclərə öz potensialını reallaşdırmağa dəstək verir

20.12.2014 [12:31]

YAP Ağsu rayon təşkilatı tərəfindən namizədlikləri irəli sürülən gənclərlə və fəal gənclərlə təbliğat xarakterli görüş keçirilib
Dekabrın 23-də keçiriləcək bələdiyyə seçkilərinin təbliğat-təşviqat kampaniyası çərçivəsində Yeni Azərbaycan Partiyası (YAP) Ağsu rayon təşkilatında bələdiyyə üzvlüyünə gənc namizədlərlə və gənc fəallarla görüş keçirilib. Görüşdə Yeni Azərbaycan Partiyası Siyasi Şurasının üzvü, “İki sahil” qəzetinin baş redaktoru Vüqar Rəhimzadə, Yeni Azərbaycan Partiyası İcra Katibliyinin məsul işçisi Həsən Daşdəmirov iştirak edib.
Tədbiri giriş sözü ilə açan YAP Ağsu rayon təşkilatının sədri Əli Hüseynov bildirib ki, builki bələdiyyə seçkilərində Ağsu rayon təşkilatı tərəfindən irəli sürülmüş namizədlər arasında gənclər xüsusilə fərqlənirlər. “Belə ki, YAP Ağsu rayon təşkilatı tərəfindən irəli sürülmüş 273 namizəddən 74 nəfərini gənclər təşkil edir. Onlar müxtəlif sahələri təmsil edən gənclərdir. Azərbaycanın ən böyük və güclü siyasi təşkilatı olan Yeni Azərbaycan Partiyası gənclərin inkişafında mühüm rol oynayır. Partiyamız gənclərə öz potensiallarını reallaşdırmaq üçün geniş meydan verir. Ağsu rayonunun seçiciləri yüksək aktivlik nümayiş etdirərək bələdiyyə seçkilərində də partiyamızın irəli sürdüyü namizədləri dəstəkləyəcəklər”.
Yeni Azərbaycan Partiyasının Siyasi Şurasının üzvü, “İki sahil” qəzetinin baş redaktoru Vüqar Rəhimzadə çıxış edərək Yeni Azərbaycan Partiyasının yaranma tarixi, həyata keçirilən gənclər siyasətinin uğurları haqqında ətraflı məlumat verərək bildirib ki, bu gün ölkəmizin əldə etdiyi nailiyyətlərdə gənclərin rolu böyükdür. V.Rəhimzadə vurğulayıb ki, Ulu öndər Heydər Əliyevin rəhbərliyi ilə yaranan Yeni Azərbaycan Partiyası qısa müddətdə cəmiyyətdə öz layiqli yerini tutdu, cəmiyyətin aparıcı siyasi qüvvəsinə çevrildi. “Bu gün Ümummilli lider Heydər Əliyev siyasi kursunun layiqli davamçısı, Yeni Azərbaycan Partiyasının Sədri, möhtərəm Prezidentimiz İlham Əliyevin rəhbərliyi ilə Azərbaycan yeni-yeni uğurlara imza atır. Bütün bunlar deməyə əsas verir ki, bələdiyyə seçkilərində seçicilər düzgün seçim edərək rifah və quruculuq naminə Yeni Azərbaycan Partiyasının namizədlərinə səs verəcəklər”.
V.Rəhimzadə çıxışının sonunda gənc namizədlərə uğurlar arzulayıb.
Daha sonra çıxış edən gənc namizədlər onlara göstərilən bu etimada görə partiyanın rəhbərliyinə minnətdarlıq ediblər, onlara göstərilən bu etimadı doğrultmağa çalışacaqlarını bildiriblər.

Paylaş:

Baxılıb: 894 dəfə