YAP Bərdə rayon təşkilatı seçicilərlə növbəti görüşlər keçirib

Bakı:

20 °C

77 %

0 m/s

Əlaqə

AZ RU EN

Ana səhifə / YAP xəbərləri / YAP Bərdə rayon təşkilatı seçicilərlə növbəti görüşlər keçirib

YAP Bərdə rayon təşkilatı seçicilərlə növbəti görüşlər keçirib

20.12.2014 [12:30]

Yeni Azərbaycan Partiyası (YAP) Bərdə rayon təşkilatı bələdiyyə seçkiləri ilə bağlı təbliğat-təşviqat kampaniyasını uğurla davam etdirir. Kampaniya çərçivəsində rayonun Hacılar, Hacallı, Tağılar, Seyid Yusifli, Həsənqaya, Qəhrəmanlı kəndlərində seçicilərlə görüşlər keçirilib. Tədbirlərdə təbliğat qrupunun üzvlərindən Səba Məmmədova, Toğrul Məhərrəmov, Fuad Ağayev, Aysel Verdiyeva və Nurayə Məmmədova çıxış ediblər. Çıxışlarda bələdiyyə seçkilərinin ölkənin siyasi həyatında mühüm hadisə olduğu bildirilib.
Qeyd edilib ki, yerli özünüidarəetmə institutu Azərbaycanda yeni formalaşıb. “Ötən 15 il ərzində bələdiyyələr müəyyən təcrübə qazanıblar. Bununla belə, bu sahədə görüləsi işlər çoxdur. Dövlət başçısının həyata keçirdiyi siyasət nəticəsində ölkəmiz, xüsusilə regionlarımız inkişaf edir. Bu mənada, bələdiyyələr əhalinin sosial məsələlərinin həllində yaxından iştirak etməlidir” - deyə, çıxışlarda vurğulanb. Bildirilib ki, seçkilərdə YAP tərəfindən bələdiyyələrə ən layiqli namizədlər irəli sürülüb: “İnanırıq ki, doğru seçim edib YAP-ın namizədlərinə səs verəcəksiniz. Çünki partiyamızın fəaliyyətinin əsas qayəsi xalqa xidmət etməkdir. Təsadüfi deyil ki, biz bələdiyyə seçkilərinə “Rifah və quruculuq naminə” şüarı ilə gedirik. Həmişə olduğu kimi, bu seçkilərdə də fəal olun və 23 dekabrda səsvermədə iştirak edin”.
Bələdiyyə seçkilərinin digər siyasi kampaniyalardan daha fərqli olduğunu deyən təbliğatçılar qeyd ediblər ki, burada əsas amil yerlərdə insanlarla münasibətdə olan şəxslərin nüfuzu, şəxsi keyfiyyətləridir. Bələdiyyələrə seçilmiş şəxslər əlbəttə, yerli əhali ilə sıx münasibətlər qurmalı, problemlərin aradan qaldırılmasında böyük rol oynamalıdırlar.
Sonra bələdiyyə üzvlüyünə namizədlərdən Mütəllim Nuruyev, Hüseyn Əhmədov, Əhliman Məmmədov, Möhübbət Alıyev, Adilə Məmmədova, Mayıl Qurbanov, Rza Sadıqov, Xanoğlan Əmirov və başqaları çıxış ediblər. Namizədlər seçiciləri bələdiyyə seçkilərində fəal iştirak etməyə çağırıb. Çıxışlarda bildirilib ki, seçicilərin səsvermədə iştirakı seçkilərin şəffaflığında mühüm rol oynayır. Bələdiyyələrin böyük səlahiyyətlərə malik olduğunu bildirən namizədlərin sözlərinə görə, hər bir seçicinin bələdiyyələrdən problemlərin həllini tələb etmək hüququ var. Çünki bələdiyyələri xalq seçir.
Qeyd edək ki, təbliğat-təşviqat kampaniyası çərçivəsində Bərdə rayonunun Dəymədağlı, Böyük Qacar, Kolayır, Gülgəzli və Güloğlular kəndlərində də seçicilərlə görüşlər keçirilib. Görüşlərdə bildirilib ki, bələdiyyələr hər hansı orqanın deyil, yalnız vətəndaşların qarşısında cavabdehdirlər. Ona görə də, insanlar bu hüquqlarından yetərincə istifadə etməlidirlər.
N.BAYRAMLI

Paylaş:

Baxılıb: 1010 dəfə