Firavan gələcəyə səs verək!

Bakı:

17 °C

88 %

5 m/s

Əlaqə

AZ RU EN

Ana səhifə / YAP xəbərləri / Firavan gələcəyə səs verək!

Firavan gələcəyə səs verək!

11.12.2014 [10:32]

Dekabrın 23-də keçiriləcək bələdiyyə seçkilərində Yeni Azərbaycan Partiyası (YAP) tərəfindən namizədliyi irəli sürülən partiya fəallarının təbliğat kampaniyası uğurla davam edir. Növbəti tədbir Hacıkənd qəsəbəsində keçirilib.
Tədbiri giriş sözü ilə açan YAP Gəncə şəhər təşkilatının sədri Naqif Həmzəyev Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin rəhbərliyi ilə ölkəmizdə qazanılan nailiyyətlərdən, regionların sosial-iqtisadi inkişafından, ölkə rəhbərliyinin Gəncəyə göstərdiyi diqqət və qayğıdan, Gəncədə aparılan möhtəşəm abadlıq-quruculuq işlərindən, Hacıkənd qəsəbəsinin son illərdə öz görkəmini tamamilə dəyişməsindən, sakinlərin işıq, qaz, su problemlərinin həll olunmasından, burada yeni mühüm tikililərin istifadəyə verilməsindən danışıb və bu vacib işlərin görülməsində bələdiyyələrin də rolunun olduğunu diqqətə çatdırıb. O, sayca dördüncü olan bələdiyyə seçkiləri, bələdiyyələrin fəaliyyət funksiyaları barədə geniş məlumat verib. Qeyd edib ki, Azərbaycanda bələdiyyə seçkiləri çox vacib siyasi hadisədir. Ölkəmizdə yerli özünüidarəetmə institutunun yaradılmasından keçən 15 il ərzində bələdiyyələr inkişaf edib, dövlət tərəfindən zəruri addımlar atılıb, onların qanunvericilik bazası gücləndirilib. Ölkəmizin ən güclü siyasi qüvvəsi olan YAP bütün seçkilərdə qələbə qazanıb. Azərbaycanda gedən sürətli sosial-iqtisadi inkişaf əhalinin sosial-rifah halının yaxşılaşdırılmasına birbaşa yönəldilib. Təbii ki, bu prosesdə bələdiyyələrin də üzərinə müəyyən vəzifələr düşür. Bələdiyyələr yerlərdə demokratiyanın göstəricisidir. Bu baxımdan Yeni Azərbaycan Partiyası namizədlərini seçərkən perspektivli, Vətənə, dövlətə sədaqətli, ziyalı, potensiallı, ali təhsilli gənclərə və qadınlara xüsusilə üstünlük verib.
Təbliğat qrupunun üzvlərindən Gəncə Dövlət Universitetinin baş müəllimi Üzeyir Balakişiyev, ADAU-nun baş müəllimi Elgün Aslanov, Azərbaycan Texnologiya Universitetinin dekanı, dosent Namiq Davudov ötən müddət ərzində partiyanın bir sıra uğurlara imza atdığını, prezident, parlament və bələdiyyə seçkilərində davamlı olaraq qələbə qazandığını, seçki praktikasının ildən-ilə təkmilləşdirildiyini, xalqın qətiyyətli iradəsi və rəyi ilə ədalətli və şəffaf seçkilərin keçirildiyini qeyd edib, seçiciləri 23 dekabr bələdiyyə seçkilərində fəal iştirak etməyə çağırıblar.
Bələdiyyə seçkilərində Yeni Azərbaycan Partiyasının namizədləri olan Kərim Hüseynov, Elmira Məmmədova YAP-ın namizədi kimi bələdiyyə seçkilərində iştirakdan qürur duyduqlarını, göstərilən etimadı doğruldacaqlarını bildiriblər.

Paylaş:

Baxılıb: 880 dəfə